الموضوع: مكافأة 1000 جنيه للي يدلني على عربية شبه دي بالظبط معروضة للبيع مهما كانت حالتها

هههههههههههههههههههه خلاص يا معلم انا لو لقيت العربية هشتري ازازة بنزين بجنية واولعلك فيها وبعد كدا اجي اقولك الحق لقيتلك العربية كانت جديدة بس اتحرقت نصيبي اني اخد المكافئة الكبيرة
علفكرة بامانة انا كان في مشوار المفروض بعد اسبوع من يوم ماقلتلك علي العربية بامانة نزلتة تاني يوم عشان اشوف العربية بس ملقيتهاش هناك وبصراحة مرضتش اقول اني نزلت احسن متصدقش
بس صدقني نزلت وملقتهاش
عموما انا هوصفلك العربية بالظبط
هي من القدام اوي تلاتينات تقريبا بوزها رفية وعلية شبكة وفيها رفارف عريضة وعتب من الي كانو بيقفو علية زمان والهربيةمن ورا ضخمة كدا اوي وعالية
بس صدقني اي وقت هنزل تاني لو لقيتها هجيبلك كل اخبارها
عموما في بلد في المنوفية
لو نزلت فيها هتلاقي كمية عربيات قديمة بالهبللللللللللللل

المشاركة الأصلية كتبت بواسطة mik_t4

هههههههههههههههههههه خلاص يا معلم انا لو لقيت العربية هشتري ازازة بنزين بجنية واولعلك فيها وبعد كدا اجي اقولك الحق لقيتلك العربية كانت جديدة بس اتحرقت نصيبي اني اخد المكافئة الكبيرة
علفكرة بامانة انا كان في مشوار المفروض بعد اسبوع من يوم ماقلتلك علي العربية بامانة نزلتة تاني يوم عشان اشوف العربية بس ملقيتهاش هناك وبصراحة مرضتش اقول اني نزلت احسن متصدقش
بس صدقني نزلت وملقتهاش
عموما انا هوصفلك العربية بالظبط
هي من القدام اوي تلاتينات تقريبا بوزها رفية وعلية شبكة وفيها رفارف عريضة وعتب من الي كانو بيقفو علية زمان والهربيةمن ورا ضخمة كدا اوي وعالية
بس صدقني اي وقت هنزل تاني لو لقيتها هجيبلك كل اخبارها
عموما في بلد في المنوفية
لو نزلت فيها هتلاقي كمية عربيات قديمة بالهبللللللللللللل

والله يا حضرة المواطن الصالح لسه من ساعتنين إتعرضت عليا كابريس موديل 1950 وإتعرضت عليا بنص السعر اللي بحلم بيه بس عشان لسه شاري عربية أول إمبارح وعشان لسه عندي أمل إن إحنه نوصل لتويوتا رويال صالون تبع الإعلان ده فمش عارف أتحرك وأدبس نفسي بإلتزامات وأقساط جديدة بس أقلك حاجة جيبلنا إسم البلد دي وأنا وإنت نقرر في يوم كده نعتبرو يوم فسحة وننزل ندور ونتصيد عربيات ونتغدى ونستكسف المدينة وندور عربيات مرمية حتى لو قسط بألف جنيه في الشهر في عربيات فعلا في نظر الناس كنبة أو تلفزيون أغلى منها مرة من 4 سنين إشتريت عربية من واحد إديتلو مكانها تلفزيون جديد وغسالة جديدة ودولاب أبو نفر وسرير أبو نفر ومراتو فضلت تدعيلي كل ما تشوفني عشان خلصتهم من العربية بتاعتهم خلي بالك من نفسك وشد حيلك ونخلي السفرية بتاعتنا الشهر اللي جي عشان أكون فقت من كمية المشاكل اللي عندي في شد العربيات

السلام عليكم ورحمة الله وبركاته
الاخ العزيز انا كنت باشوف عربية تويوتا كراون عندنا في اسيوط بس مش عارف موديل كام بالضبط بس من بعد 85 عموما هاحاول اقابل صاحبها وعرف موديل كام بالضبط وفيه نية بيع ولا لا وان شاءا لله احاول اصورها لحضرتك وارفعهالك هنا بس ادعيلي اقابله قريب ان شاء الله

المشاركة الأصلية كتبت بواسطة medo500

السلام عليكم ورحمة الله وبركاته
الاخ العزيز انا كنت باشوف عربية تويوتا كراون عندنا في اسيوط بس مش عارف موديل كام بالضبط بس من بعد 85 عموما هاحاول اقابل صاحبها وعرف موديل كام بالضبط وفيه نية بيع ولا لا وان شاءا لله احاول اصورها لحضرتك وارفعهالك هنا بس ادعيلي اقابله قريب ان شاء الله

جزاك الله كل الخير يا راجل يا طيب وأنا سأنتظرك بفارغ الصبر وربنا يوفقك وتشوف صاحبها وتقدر تصورها ومتشكر ليك مرة تانية

أنا أعتذر عن الفترة اللي فاتت لعدم دخولي الموقع بسبب إني وقفت أسبوع ولكن لي تعقيب ورجاء بسيط أتمنى أن يصل إلى صاحب المنتدى وأنا حسب علمي أنه رجل محترم وعاقل ووقور فأرجو منه أن يراعي في تعيين مراقبي الأقسام أن يكونوا أناسا يعلمون الحلال والحرام ويعلمون أخلاقيات معينة ولا يتعسفون في فصل أي عضو أو إيقافه بدون أن يتم مناقشته وإبلاغه أنه سوف يوقف لمدة أسبوع كما حصل معي بسبب مجموعة من الأشخاص تكره وتحقد على كل إنسان حالته المادية أفضل منهم فأرجو من السيد صاحب الموقع مراعاة ذلك مستقبلا وجزاه الله خيرا
أما أنا يا إخواني إستغليت هذا الأسبوع المنصرم في أن أعد العدة وأرتب أموري لأضيف سيارة جديدة كلاسك إلى مجموعة سياراتي وتعلمون أني عندما أضع سيارة في دماغي فإني أحيانا أدخل في مفاوضات على شرائها قد تصل أحيانا لسنة فأنا الأسبوع الماضي بدأت المفاوضات لشراء السيارة المصرية الوحيدة رمسيس فرغم أنها سيارة ليست جميلة الشكل ولكني وجدت واحدة عند دكتور محترم مرفوعة منذ سنين وحالتها ممتازة وأنا قررت أن يكون لي شرف إقتناء السيارة المصرية الوحيدة رمسيس أهو برضو إضافة للمجموعة رغم إنها 2 سلندر بس بابين وحلوة كده فإدعولي عشان أنجح في ضمها لمجموعتي المتواضعة


تم وقفك اسبوع واضافه نقطتين الي سجل مخالفاتك
لمخالفه قاعده رقم 8 من قواعد وقوانين المنتدي
واتهامك لمشرفي المنتدي بما ليس فيهم
وتلك عقوبه مخففه دون مضاعفه
مشرف عام 1

في واحده لونها ابيض فى مدخل المنصوره فى سندوب جمب الكمين عند واحد بتاع قطع غيار استراد وعلى فكره منتشره فى دمياط بس للاسف مركبين عليها مواتير جاز