مكافأة 1000 جنيه للي يدلني على عربية شبه دي بالظبط معروضة للبيع مهما كانت حالتها

**nabaster** · 13-10-2011 11:39 PM

عربيه اخت دي بس لونها ابيض عجبتني جدااااااا لما شوفتها

وقفت صاحبها واخدت نمرته وقلتله لو ناوي تبيع كلمني

الراجل كان عند واحد عفشجي وكان لسا بيتحرك من عنده

عربيه زي دي تعمل كام تقريبا؟؟

A.Yakout

**saddam** · 13-10-2011 11:48 PM

المشاركة الأصلية كتبت بواسطة d0d00

في واحده لونها ابيض فى مدخل المنصوره فى سندوب جمب الكمين عند واحد بتاع قطع غيار استراد وعلى فكره منتشره فى دمياط بس للاسف مركبين عليها مواتير جاز

يا راجل يا طيب بقلك أنا نفسي في أي وحده حتى لو محروقة أو مقلوبة تقولي موتور جاز يا راجل هاتلي وحده حتى لو من غير موتور وأنا أجيبلها موتور من بره أما عن العربية اللي في مدخل المنصورة فأرجوك لو هي رويال صالون مش سوبر صالون يعني 3000 سي سي مش 2800 سي سي فأرجوك تشوفهالي لو للبيع عشان بكرة أصلي الجمعة عندك في المنصورة وسلامي لحضرتكم الكريمة

**saddam** · 13-10-2011 11:54 PM

المشاركة الأصلية كتبت بواسطة nabaster

عربيه اخت دي بس لونها ابيض عجبتني جدااااااا لما شوفتها

وقفت صاحبها واخدت نمرته وقلتله لو ناوي تبيع كلمني

الراجل كان عند واحد عفشجي وكان لسا بيتحرك من عنده

عربيه زي دي تعمل كام تقريبا؟؟

a.yakout

رغم إنك حتخرجنا بره الموضوع بس حاضر من عيني بص يا سيدي إنت لازم تعرف إن عربية زي اللي بتقول إنت عليها عربيات ملهاش سوق ليها ناس بالصدفة تبقه غاوياها وإختلافها عن المنتشر في الشارع يخليهم يحاولوا يشتروها بأعلى من فلوسها يعني مثلا لو حالتها نظيفة أوي ممكن تلاقي صاحبها يقلك 28 ألف بس هي حقيقة سعرها ومتدفعش أكتر من 12 إلى 16 ألف جنيه وخد بالك مهما تدفع بيها حتبيعها بسعر أقل إلا لو بعتها لحد غواها زيك ودي صدف نادرة يعني لو خدتها ب 12 ممكن تبيعها 10 آلاف وهكذا وسلامي

**saddam** · 14-10-2011 02:54 AM

المشاركة الأصلية كتبت بواسطة d0d00

ana 7alyn bra msr m3lsh

جزاك الله كل خير وترجع بألف سلامة وربنا يوفقك في كل مساعيك ولو رجعت متنسناش من ناحية الموضوع ده وتقبل مروري

**d0d00** · 15-10-2011 12:34 AM

7bibi rbna ykhlek awel ma anzl hshofhalk

**saddam** · 15-10-2011 02:01 AM

المشاركة الأصلية كتبت بواسطة d0d00

7bibi rbna ykhlek awel ma anzl hshofhalk

أشكر كرم أخلاقك يا راجل يا طيب

**cool_man** · 21-10-2011 06:09 PM

هاتها من برا وريح بالك من ده كله يعني من السعوديه أو البحرين العربيه دي أقل سعر فالسعوديه والبحرين وعمان وربنا ييسرلك الخير انشالله بس قطع غيارها فمصر مش موجوده اصلا يعني اعمل حسابك انها هتقرفك شويه لو حصل فيها حاجه لاقدر الله

**saddam** · 22-10-2011 04:41 AM

[QUOTE=cool_man;3873883880]هاتها من برا وريح بالك من ده كله يعني من السعوديه أو البحرين العربيه دي أقل سعر فالسعوديه والبحرين وعمان وربنا ييسرلك الخير انشالله بس قطع غيارها فمصر مش موجوده اصلا يعني اعمل حسابك انها هتقرفك شويه لو حصل فيها حاجه لاقدر الله[/QUOTE

انا بشكر نصيحتك يا اخي بس انا لسه عندي امل اننا نلاقي وحده بالصدفة عن طريق الاعضاء الكرام وبكرة افكرك عشان انا عارف ان في مصر موجودة كام وحده ولو ياست خالص ولسه بدري نلجا للطرق المتطرفة حتى نلاقيها

**aymanabdelwhab** · 08-11-2011 05:30 PM

انا بقالي 3 ساعات بقرا في الموضوع من اوله لحد ما ربنا كرمني وجبت اخره ... ايه يا جدعان انا عيني وجعتني والله ... بس بصراحه موضوهع تحفه وربنا يوفقك ان شاء الله وتلاقيها وانا عن نفسي هدورلك ان شاء الله مش عشان المكافأة لا سمح الله بس عشان هوايتك دي ممتعه جدا جدا وبالذات اللي هاوي العربيات الكلاسيك وسيبها لله وربك يسهل .... سعيد جدا اني شوفت الموضوع الجامد ده