عاوز اجرام تعالالي :019f3b~14:
العربية دي نزل منها موديل 86 وموديل 85 فقط ومش دي اللي أنا طالبها بس عندا في الراجل اللي قال تحت إنو يشك إني بدي المكافأة دي وطبعا هو ميعرفنيش أنا مرة رحت لواحد وقلتلو أنا حشتري العربية دي وإديتو معاد وشاءت الظروف إن الحالة المادية تدهورت بعد سنة ونص ربك عدلها أول مستلمت فلوس محترمة خلال نص ساعة كلمت الراجل وقلتلو فاكرني قللي إنت فين يا عم مخدتش العربية قلتلو الظروف وخدت العربية وإديتو تعويض كمان رغم إن عربيتو 8 سلندر ومفيش حد في مصر ممكن يشتريها منو بس أخوكم غاوي وعندي 5 عربيات شخصية ولو ربنا يعدلها بجد أكملهم 33 عربية على مزاجي وبالنسبة لجهودك يا صحبي فأنا بشكر ليك التعب والتصوير فأنا لو العربية للبيع فعلا ومفيهاش مشاكل في الورق بتاعها ومش مهم لو كان عليها ترخيص مرور متأخر فليك يا سيدي 500 جنيه لأنها مش 90 وكمان عزومة السمك عليا لكل الرجالة اللي قالوا جايين عشان بس أنا إسكندراني والعربية في إسكندرية يا ريت تشوفهالي إيه ظروفها وأخبار المكنة والترخيص متأخر كام سنة ومطلوب كام عشان أنزللك إسكندرية إن شا الله بكرة
ههههههههههههههههههههههههه هه
يا باشا متشغلش بالك بموضوع الفلوس ده دي خدمه مني ليك
واحمد نوبيرا عضو قديم معانا وكلنا هنا اخوات
المشكله بس في عزومه السمك
ان الاتنين الي حيتعزموا واحد في ماليزيا والتاني في القاهره
بكره حبقي اسالك عليها واشوف نظامها ايه
تصدق انك راجل محترم !
خلاص يا شنوري الخمسميت جنيه ليا فيهم 300 وانت الباقي كله ياعم
[gdwl]بجد بشكر زوقك وأخلاقك العالية جدا وإنت إبن بلدي بس برضو الحق حق وده نصيبك وحقك لازم تاخدو بس أرجو تشوفلي كل ظروفها عشان أنزللك بكره يا راجل يا طيب أنا لسه عندي شقة في إسكندرية بس متخليش صاحبها يشطح في السعر مش تبينلو إني ملهوف عليها إحنه عايزين نخلصو منها بدل رميتها في الشارع[/gdwl]
أيوه كده عايزك أنشط يا عم الشنوري إنت فين من زمان يا راجل يا طيب بس صدقني من غير مترشق فيها هم مش حيصدقوا يخلصوا منها عشان ملهاش قطع غيار في مصر ومحدش عارفها أساسا ومكنتها اللي عندك دي 2800 سي سي وغالبا حتلاقي المكنة عندك مفوتة والعربية اللي عندك عليها ترخيص متأخر 4 سنين والعلم عند الله وبكره أنا وإنت نحطها عالونش ونجيبها نشدها وأهلها يدعولك
او نحطله عرسة ميتة ومنفوخة بقالها تلت ايام الراجل يدخل عربيته بطنه تقلب ويرجع فيها فيقرف ويبيعها بالخمسيت جنية اللي وفرناهم من الباكو الاولاني