الي الهونداوية اصحاب الفكر العالي اوي
بس الله الرحمن الرحيم
السلام عليكم
يا شباب انا قررت ادخل العربية غرفة العمليات وابدأ التظبيط
ودلوقتي هنبدأ الافكار لان العربية دي لما هتخلص بجد هخليها واجهة لمنتدى هوندا وعايز كله يشارك معايا في الفكرة والعربية سيفيك 93
هنبدأ بسم الله
[img3]http://im9.gulfup.com/2011-08-14/1313377987641.jpg[/img3]
دي صورة العربية .. انا بفكر ارش الجنوط من جوا اسود واخلي البرواز اللي برا سيلفر زي ما هو .. ودي اول فكرة وهسيب الجرايد بتاع الباب زي ما هي اسود
[img3]http://im9.gulfup.com/2011-08-14/1313378378121.jpg[/img3]
وهركب الاسبويلر بتاع الميتسوبيشي ايفو اللي هو العالي
هل اسيبه اسود ..ولا ارشه سيلفر واسيب الزوايد بتاعت الاطراف سودة ؟؟
بالنسبة للاكصدامات والاعتاب انا هركب حاجاة سبور بس تكون بسيطة لاني مش بحب التنفيخ الجامد اوي
بالنسبة للون الخارجي انا بفكر اقلبها لونين .. هي اخليها سيلفر في درجة من الازرق ولا سيلفر في اسود والتصور انها تكون لونين ازاي
بالنسبة للصالون من جوا بقى يا شباب و عايزين نركز شوية في دي
انا هغير الفرش كله وهخليه اسود جلد بي ام زي بتاع e46 بس اللي مخليني مخنوق بقه .. التابلوه .. هل ينفع ارش التابلوه وفرش الابواب ولا دي هتكون غلط ولا فيها اي مشكلة ...
انا بفكر اعمل الصالون من جوا زي ما قلنا بي ام .. بس بفكر رش التابلوه احمر في اسود .. والقوايم بتاعت العربية من جوا هرشها احمر برده والكونسولة برده .والدواسة بتاعت الارضية اعملها سودة ولا حمرا . وهركب الدركسوين الاصلي وهعمل الحته اللي في النص قطيفة اسود والداير بتاعها احمر ... وفرش الابواب برده اسود في احمر وفرش الشنطة هعملة جلد اسود والجوانب هعملها موكيت احمر
بصو يا شباب ,, انا عارف ان الافكار مجنونة شوية بس انا عايز احولها خالص .. ده تخيلي للعربية .. لو في حد عنده افكار يا ريت يقول عشان انا ان شاء الله خلال يومين تلاته هدخلها العمليات وكل سنة وانتو طيبين
