الحمد لله حادث لتيدا بعد 5 ايام فقط
الحمد لله انا لسة مستلم تيدا يوم الاربعاء اللى فات و الحمد لله اول يوم فى المرور و انا رايح ارخص و احد معاه باسات رايح على الاكصدام من ادام و بعد مارخصت و انا راجع عند السبع تريسيكل واقف صف تانى بابه اتفتح بعد ما عديته خربشلى المرايا اليمين و طاير كف المرايا بس الحمد لله وقع سليم و ركبته.
كفاية كده لا مش كفاية لسة فى بقى خبطة الزيرو اللى كنت بسمع عنها بس و مبارح بس شوفتها و عشتها كمان :36_2_49[1]:
الحمد لله انا كنت مأمن قبل تاريخ الترخيص بيوم المهم بقى امبارح بعد الفطار على الساعة 8 كده عربية نص نقل ماشى طاير من على يمينى عند القرش بتاع العربيات الجديد اللى فى المرغنى و عربية واقفة صف تانى الراجل خارج من الركنة قام النقل بيفاديه ام كاسر عليا و الخسائر:
- الاكصدام طبعا اتعوج من ناحية الخبطة الى هى يمين العربية و طلع كله من مكانه بس الغريب انه خرخ كمان من الناحية التانية يعنى الاكصدام دلوقتى على الارض مافيش حاجة ماسكاه غير الشبكة من فوق و بس و كمان الصدادة اللى فى الاكصدام الناحية اليمين اتخلعت بس الحمد لله معايا دى كانت اهم حاجة عندى بعد الحادثة لان دى الحاجة الوحيدة اللى شفتها و هى بطير ساعة الحدثة دا يمكن كنت هتشال و انا بجبها من نص الشارع و سط العربيات :_Alshmokh15[1]:
- الرفرف اليمين دخل لجوة و حاسس انه رحل لقدام شوية
- الفوج اللى فى الناحية اليمين دى سلكه اتقطع و ماعرفش الناحية التانية ايه نظامه
- الفانوس اليمين الحمد لله سليم بس اتخربش جامد كده حوالى خطين تحت بعض منهم واحد عميق شوية
انا طبعا ان شاء الله ناوى اصلح فى التوكيل بما انى مأمن بس بصراحة متضايق دى العربية لسة مكلمتش اسبوع و اورح بحدثة زى دى التوكيل
انا بقى عندى كام سؤال
انى احسن مكان اورح السبع (انا شارى من عنده و ناوى اعمل الصيانات عنده) و لا مودرن اللى فى شيراتون (علشان اقرب) مع العلم انى ساكن ارض الجولف عند كلية بنات عين شمس كده
مادام هتصلح فى التوكيل بقى مافيش قلق على الضمان صح
هو التوكيل بقى اسهل حاجة عنده يغير كل حاجة
و اخيرا ممكن حد يكون عنده فكرة ممكن تتكلف كام و تاخد وقت قد ايه انا ان شاء الله ناوى اوديها على الخميس الجاى على ماخد اجازة
معلومة مهمة جدا انا حاليا مش بعرف امشى بيها لان الاكصدام بيحك فى الارض طول ما انا ماشى هو انا ينفع اشبتها كده بكام مسمار مادام كده كده التوكيل بغير الاكصدام و لا اعمل ايه و لا اجيب و نش
و فى النهاية قدر الله و ما شاء فعل