الموضوع: تكييف النوبيرا

مش طبيعي ان الفريون لازم يتشحن كل سنة الا اذا كان فيه تسريب في دورة التكييف. أولاً لازم تختار واحد بتاع تكييف يكون بيفهم كويس ومحترم وعنده ضمير لأن الشغلة دي بقت بتاعت اللي مالهمش شغل ، اي واحد بتاع ثلاجات فتح تكييف سيارات علشان فلوسها احلى. خليه يراجع على دورة التكييف كلها علشان يتأكد ان مفيهاش تسريب وبعد كده اشحنه وتكييف عربيتك بياخد فريون 134 (اسمه كده) وبعد كده في الشتاء لازم التكييف يشتغل مرة واحدة اسبوعيا لمده ربع ساعة.

لازم وأكيد يكون فيه تسريب من مكان ما. الكشف ده من اسخف الشغلانات اللي بيعملها بتاع التكييف وبتاخد وقت كتير علشان كده قولت لك لازم يكون عنده ضمير لأن كلهم بيستسهلوا ويدوا لك شوية الفريون ويقبض منك الفلوس وخلاص . امال تفتكر مثلا لو مفيش تسريب يبقى الفريون بيروح فين؟! لو الصنايعي اللي بتتعامل معاه مش قد كده ، شوف صنايعي غيره يكون حد تعرفه بيتعامل معاه.

المشاركة الأصلية كتبت بواسطة mmamdouh

هو مش عارف يوصل لمكان التسريب... مش المفروض ان الفريون يتشحن بشكل دورى

mmamdouh

علشان كده انا قولت لك ان صنايعي التكييف لازم يكون عنده ضمير لأن شغلة كشف مكان التسريب دي شغلة مملة ومحتاجة صبر . عموما خليه يراجع على الإبر لأنها مشهورة اوي بالتسريب في النوبيرا ، ونصيحة غير الصنايعي ده لأن واضح انه جايب اخره في عربيتك او معندوش وقت يضيعه في تتبع مكان التسريب. ومفيش حاجة اسمها ان الفريون يتشحن بشكل دوري. فيه عربيات مكن ماتتشحنش لمدة 10 سنين طالما مفيش تسريب.