استهلاك البنزين فى النوبيرا ....

يا ترى يا جماعه ايه معدل استهلاك البنزين فى النوبيرا .... انا العربيه معايا لسه زيرو .. وبحط ليها بنزين 90...
هى عامله دلوقت 4000 كم .. وبتستهلك فى الصفيحه 150 كم جوه البلد ... وحوالى 240 او 250 على السريع .. هل كده يبقى المعدل كويس ؟؟؟
واذا كان مش كويس هل ممكن فى التوكيل يعملوا حاجه علشان يخفضوا استهلاك البنزين ؟؟
وكمان فيه سؤالين تانيين ..... هوالواحد لما يجى يدور العربيه المفروض يستنى عليها قد ايه علشان تسخن ؟؟؟ بمعنى هل استنى المؤشر بتاع الحراره لما يوصل لل C ولا ممكن امشى بعد دقيقتين من التسخين مثلا .... لان الموشر علشان يوصل لل C بياخد حوالى 4 او 5 دقايق ....
ثانيا فى التوكيل وانا بعمل صيانه ال 1000 حطوا لى زيت mobil xhp الزيت ده المفرض يتغير على كام كم ؟؟؟
وشكرا ليكم

السلام عليكم
مبروك العربيه يا اخ محمد وربنا يبارك لك فيها ويكفيك شرها ............ واهنيك على اختيار للنوبيرا
سؤالك عن البنزين انا معايا نوبيرا 2004 عامله 50 الف كيلو ................ والصفيحه بتعمل معايا جوه البلد تقريبا 215 كيلو واما خارج البلد يعني على الهاي واي بتعمل تقريبا 300 كيلو مع العلم انه عداد RPM بيبقى بين 2 و 3 ونص واستخدام البنزين اعتقد انه بيختلف من عربيه لعربيه وبيختلف برضه على حسب استخدامك يعني على حسب قراية RPM
اما عن فترة تسخين العربيه انا بصراحه بستنى لغاية ما يطلع فوق c بشويه لكن في ناس كتير بتقول انه المفروض تمشي لما صوت العربيه يهدا وال RPM ينزل ويبقى تحت الواحد يعني قريته الطبيعيه
وعن موضوع الزيت بصراحه حرام عليك انك تحط زيت معدني لعربيه جديده (mobil xhp) انا انصحك تحط بعد كده زيت تخليقي لعربيتك والزيت ه بيعدي الميتين جنيه بس بيمشي معاك اكتر من 10 الاف كيلو
بس الموبيل xhp يمشي 3 الاف كيلو

شكرا يا دكتور خالد على ردك ... اخيرا فيه حد اهتم بى ورد ... معنى كلامك كده ان عربيتى استهلاكها عالى فى البنزين .. طيب اعمل ايه دلوقت ؟؟؟؟
وكمان سيادتك خوفتنى جدا من الزيت ... طيب احط زيت ايه بعد كده ؟؟ علما بانى بمشى بالعربيه مش كتير يعنى بعمل ال 1000 كم فى شهر فلو حطيت زيت 10000 هيقعد معايا 10 شهور .....
وعلى فكره الزيت ده هو اللى بيغيروه فى التوكيل ... انا مغيره هناك وقلت هما اكيد ادرى ... كمان هما اللى قالوا انه بيقعد 5000 كم مع انى قريت كل اللى على جركن الزيت مالقتش حكايه ال 5000 كم ولا غيرها ...

ستهلاك العربيه الحقيقي مش هيبان غير بعد حوالي 10000 كم و كمان هتلاقي صوت الموتور اهدأ.

مفيش مشكله تحط زيت XHP بس يتغير على 3000 كم بالكتير. حتى لو حطيت زيت mobil1 مينفعش تسيبه 10 شهور... اخرك 10000 كم او 6 شهور لأن صفات الزيت بتتغير مع الوقت.
بما ان الزيت معدني احسن تستنى دقيقتين او تلاته قبل ما تتحرك بالعربيه و تكون حركتك بدون ما تعلى الموتور.. يعني 2 او 2.5 RPM لحد ما حراره العربيه تبقى طبيعيه

بص يا محمد دور شوية فى القسم التعليمى احنا قايلين كل اسئلتك دى بالتفصيل الممل
وهتلاقى معلومات مهمة جداً عن كل اللى انت بتسأل فية
مش عايزين نرد عليك باختصار هنا هناك المواضيع مشروحة بالتفصيل

شكرا جدا لكل اللى ردوا عليه ... انا دلوقت رايح القسم التعليمى ادور هناك .. بس هل ممكن حد يقولى على اسم زيت تخليقى يكون بيقعد 5000 كم ويكون كويس وبكده اكون مسكت العصايا من النص ... وياريت سعره كمان ؟؟؟

اقتباس:

---

المشاركة الأصلية كتبت بواسطة mohamedhamdy82

شكرا جدا لكل اللى ردوا عليه ... انا دلوقت رايح القسم التعليمى ادور هناك .. بس هل ممكن حد يقولى على اسم زيت تخليقى يكون بيقعد 5000 كم ويكون كويس وبكده اكون مسكت العصايا من النص ... وياريت سعره كمان ؟؟؟

---

الزيت التخليقي كله بيقعد 10000 كم. فيه زيوت تانيه بتكون شبه تخليقيه و دي اللي بتقعد 5000 كم. هوه انته ممكن تغير نوع الزيت اللي بتحطه في التوكيل؟؟ مظنش! عموما اسأل الأول

للاسف بعد تدوير فى القسم التعليمى ما وصلتش لحاجه .. فيه موضوع عن الزيوت للاستاذ سبعاوى بس فيه اختلاف كبير فى الاراء .. ومافيش فيه رأى محدد ... يعنى مثلا استاذ سبعاوى بيقول ان موبيل xhp يقعد 5000 كم لكنه بينصح بتغييره من 3500 الى 4000 كم ... الواحد مش عارف يعمل ايه بالظبط ؟؟؟
سؤالى حاليا .. هو لو انا غيرت الزيت بره التوكيل فيه مشكله ؟؟ اصلى عاوز زيت محترم يكون بيقعد 5000 كم او على الاقل 3000 بس يكون معرف عنه انه بيقعد المسافه دى ومافيش عليه خلاف .... ولا ايه رأيكم ؟؟

اتأكد ان تغيير الزيت بره التوكيل مش هيخرجك من الضمان. ساعات كمان التوكيل بيوافق تجيب الزيت معاك و همه يغيروه... في الحاله دي فيه توتال و شل بيقعدوا 5000 كم.. ممكن تستعملهم. المهم اسأل الأول في التوكيل.

السلام عليكم
يا اخ محمد فعلا استهلاكك للبنزين مش ها يبان الا بعد ما تمشي بالعربيه 10000 كيلو على الاقل عشان العربيه تكون طبعت كويس زي ما الاخ قال
وبقولك تاني يا اخ محمد حرام تحط زيت معدني لعربيتك mobil xhp بجد حرام في فرق جامد بين التخليقي والمعدني يا جماعه ومش ها توفر قوي لما تحط معدني انا دورتلك على الموضوع ويا ريت ترجع له وده اللنك بتاعه
http://www.nilemotors.net/Nile/showthread.php?t=20911

شكرا يا دكتور خالد على ردك ... انا كده اطمنت شويه من حيث البنزين .. هصبر شويه لغايه ما اعمل ال 10000 كم .. وشكرا ليك كمان على اللينك .. انا بعت رساله للاستاذ نادر وهشوف رده ايه ...
انت حببتنى والله فى اهل الزقازيق ... هما انتوا كلكم كرماء كده ...
على فكره هو انت بتحط زيت ايه فى عربيتك ؟؟
شكرا للاستاذ احمد حسن ..

السلام عليكم
لا شكر على واجب يا اخ محمد .............. مش عارف ايه موضوع الكرم اللي اهل الشرقيه مشهورين بيه قوي كده بس ده يا باشا اقل حاجه ممكن نعملها وربنا يقدرنا على الخير
انا اسف لو برض متاخر بس انته عارف الظروف والله الواحد مش لاقي وقت خالص ............................. وردي عن موضوع الزيت اللي انا بستخدمه ....... بص يا سيدي انا كان معايا قبل النوبيرا لانوس 2005 وكنت بحط لها mobil 1 والنوبيرا انا لسه شاريها من قيمة شهرين ونص ولغاية دلوقتي لسه ما ححطيتش لها زيت لكن ان شاء الله ناوي اجرب زيت shell ultra helix اللي بيمشي 10000 كيلو لانه بصراحه كل الناس بتشكر فيه وكل الناس بتوصي بيه .................. على العموم انته ان شاء الله اول ما معاد تغير الزيت بتاعك يجي ممكن تشتري الزيت ده و وتغيره في معاد الصيانه الدوريه في التوكيل ....................... واي خدمه يا باااشا

شكرا ليك الف شكر يا دكتور خالد

لا شكر على واجب يا باشا واي خدمه