سؤال من مبتدئ في السواقه بخصوص السواقه والعربيه((ليجانزا 2002

**romioromio** · 15-08-2011 05:36 PM

السلام عليكم
انا لسه شاري ليجانزا جديده ومبتدئ الي حد ما في السواقه

1_انا يا جماعه كل لما اجي اخد مطب اكون ماشي علي الرابع مثلا اروح ممور وواكل المطب واروح جايب التاني الاقي العربيه بتكركر زي ما تكون حتنط كده
ولما جيت اجرب اهدي خالص عند المطب بس بيكون العربيه فيها سنة حركه يعني موقفتش اروح جايب الاول الاقي العربيه بتتنطنط كده لما ارفع رجلي من الدبرياج
ده من ايه يا شباب

2_انا ساعات بنسي وامشي وفرامل اليد مرفوعه الاقي العربيه ماشيه عادي
3_ساعات بسمع صوت حكه كده او صفاره وانا ماشي وساعات بتروح
4_الاطارات لسه جديده والطريق ناعم جدا
بس انا وانا ماشي كانت العربيه بترجرج كده مش عارف ليه هي ثابته بس فيها رجرجه بسيطه كده مش عارف انا موسوس كده ولا في حاجه عايزه تتعدل

4_اي نصايح الله يكرمكم
انا كنت مسافر بيها انهارده ورجعت عرقان جامد وزي ما اكون مش عارف اخد نفسي

وماشي مقلق طول الطريق
وحاسس اني بقول جوايا انا ندمان اني اشتريت عربيه ووجع دماغ هل ده احساس المبتدئين بس ولا ايه

5_اي تركات كده من حضراتكم للسواقه بس للمبتدئين يعني متوسطي المستوي

جزاكم الله خيرا ورمضان كريم

**tahaderaz** · 15-08-2011 06:11 PM

مبروك العربية وربنا يديك خيرها ويكفيك شرها
كركرة العربية ده سببه إن الغيار اللى بتكون وخداه العربية غير مناسب لسرعتها يعنى وأنت داخل على المطب بتهدى ويفضل أن تكون على الأول أو الثانى حسب المطب وحسب درجة التهدئة وبعدها أدى العربية غيار مناسب يعنى بعد الأول والسرعة البطيئة مديش الرابع خدها بالتدرج حسب السرعة
فرامل اليد حاول متنساهاش لأن الاحتكاك يسبب سخونة للعجل وفرامل اليد كده عندك ضعيفة
صوت الحكة أو التصفيرر اكشف على العفشة
ولا تندم على شراء العربية فهى من النعم الكبرى فى ظل بهدلة المواصلات
أهم حاجة احترس من السرعة فهى سبب لمعظم الحوادث أرجو أن أكون أفدتك
ورمضان كريم