........* دعوه للتخلى عن اسمائنا المزيفه ........*

**MOUSTAFA_SAAD** · 15-08-2011 07:04 PM

السلام عليكم ورحمة الله وبركاته

انا من سبع سنين تقريبا وانا عضو فى منتديات مختلفه وكلها مسجل فيها باسماء مزيفه ومحدش يعرف اسمى الحقيقى ولارقم تليفونى ولا محل سكنى فى انهى مدينه ولا اى معلومه واضحه عندى
لانى كنت باشوف تهريج ولعب عيال وساعات قلة ادب كمان وعلشان كده كان الواحد بيفضل انه يكون متخفى احسن

لكن بعد لما اشتركت فى المنتدى هنا كنت عامل نفس العضويه بالاسم المزيف وراحت مع حادثة وقوع سيرفر المنتدى الشهيره لانها كانت عضويه لسه جديده وفى الفتره البسيطه دية شوفت اد ايه فيه احترام متبادل بين الناس وشوفت ناس كبيره فى السن وناس صغيره ودكاتره ومهندسين ومحامين وظباط ومختلف المهن المحترمه وناس عندها وعى ورقى فى التصرف والتحاور

حتى الغير محترم لما بيدخل يقل ادبه ويلاقى العقاب والتجاهل بيبقى ادامه حل من اتنين ياما يغير طريقتة ويبقى محترم او انه يسيب المنتدى ويطفش

وفيه مواضيع باشترك فيها ولاقى عضو فاضل اسمه jksdugumn او okojuqs او wwwww وحاجات غريبه طبعا انا بضرب امثله ومابقاش عارف اخاطبه باسم ايه
الغريب انه زمايله فى نفس القسم بيبقوا عارفينه شكلا وموضوعا وبيخاطبوه باسمه لكن الغريب عنهم مش عارفه

فانا باقترح على الاعضاء اننا نغير اسامينا لاسامينا الحقيقيه لاننا اصبحنا عيله فعلا واسره واحده ومفيش داعى نبقى مش عارفين حتى اسامى اصحابنا وقرايبنا الحقيقيه علشان نخاطبهم صح ولما نتقابل منبقاش تايهين ومش عارفين دى مين وعضويته اسمها ايه وهكذا

**CryptonX** · 15-08-2011 09:01 PM

الموضوع حرية شخصية ... فيه ناس بتحب الخصوصية و مش كلنا زي بعض ... يعني انا معروف اني اسمي كريم .. بس بالنسبة لي ده اكثر حاجة عايز اعرفها لحد معرفوش (بصراحة) الي عرفني بقى كويس في المقابللات و كدة خلاص.

خلي بالك انت في منتدى افتراضي مش نادي اجتماعي .. لازم يكون في بعض الخصوصية و خصوصا كمان ان في سيدات و بنات هنا و انت عارف حساسية المواضيع دي في مصر.

**Ahmed A Rahman** · 15-08-2011 09:24 PM

عضو الاشراف المسؤول عن تغيير الاسماء حيطلع عينه

داحنا عدينا ال 100 الف عضو

**ashouhdy** · 16-08-2011 12:23 AM

لا ياعم كفاية أسماء محفوظ المجلس شغال الله ينور

**tananybasha** · 16-08-2011 01:37 AM

هى حرية شخصية
و للعلم طنانى اسم عيلتى الحقيقى

**م. حاتم السباعي** · 16-08-2011 02:00 AM

انا مؤيد لهذا الاقتراح جدا
و كنت قد اقترحت علي الادارة في باب المقترحات
ان يظهر السن و الديانة مثل الاسم الحركي و النوع
و وعدوني بدراسة المقترح وواضح انه لم يجد قبول
عموما انا مع الفكرة و تقبل تحياتي

م.حاتم السباعي

**ashouhdy** · 16-08-2011 03:09 AM

اية ياعم السياح دة لية كدة هههههههههههههههههههه

-

الموضوع: ........* دعوه للتخلى عن اسمائنا المزيفه ........*

LinkBack

أدوات الموضوع

عرض

........* دعوه للتخلى عن اسمائنا المزيفه ........* - انشر الموضوع فى :

-

-

-

-

المواضيع المتشابهه

دعوه للمناقشه

دعوه للقاء جماعي

دعوه للتغير

دعوه للخير .. :(

دعوه عامه

الكلمات الدلالية لهذا الموضوع

المفضلات

المفضلات

ضوابط المشاركة