ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟
عرض للطباعة
ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟
بتغربل ؟ للدرجة دى وصاحبك دة ساقها ولاة شافها بس وهى معادية
ياباشا مفيش الى بيتقال دة العربية معايا بمشى بيها ل 140 ومفيش الهوة
اهه الفتي المصري اشتغل ازاي يعني بتغربل و هي لسه لسه نازله جديد و ممشتش اصلا ؟ يعني نازله من كوريا محتاجه ترصيص و بتغربل ؟ Sorry يعني بس الكلام مستفز
انا جبت بيها 190 و لا غربلت و لا اي حاجه و كانت ثابته وتمام وزي الفلاقتباس:
ممكن ياجماعه تفيدونى فى ألنترا الجديده
واحد صاحبى قاللى أنها بعد ال 100 كيلو بتغربل
حد أشتراها يقولى أخبارها ايه فى البنزين كمان؟
بتغربل ايه بس
هى 127 بايظه كمان!
مع انى مش بحب هيونداى قوى
بس اشاعات عجيبه
بتغربل ؟؟ يمكن كان مشغل شريط شعبى ولا حاجه .... لا يا باشا اطمئن انا جبت بيها 190 على الساحلى الدولى وزى الفل .... بالنسبه لإستهلاك البنزين هيا فيها نظام توفير للبنزين اسمه eco لو مشيت عليه هاتوفرلك كتير جدا من الاخر عربيه حرييير على فكره انا عامل بيها 3000 كيلو واحيى صاحبك اللى قاللك المعلومه الغلط دى لانه استفزنى وخلانى اكتب اول مداخله ليا فى كل المنتديات
كلام بصراحه مش منطقى خالص
العربيه بسم الله ما شاء الله تحس انها وحش
مبروك على عربيتك وربنا يبارك لك فيها ان كان لى شوية استفسارات وياريت لو تساعدنى فيها
اخبار العربية ايه من حيث :
انااسف سامحنى ان كنت هتعبك معايا من كتر الاسئلة
- استهلاك البنزين فى الصفيحة 20 لتر داخل البلد وخارجها
- اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010
- صوت الكاسيت اخباره ايه مع usb .
- التكيف اخباره ايه وهل بيقصر على السحب
- راحه الجلوس فى العربية لمده طويلة اخبارها ايه متعبة للظهر ولا لآ
- ركنة العربية بالباركينج سنسور سهلة ولا لأ
- لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها
- هل العفشة مع الجنط 16 بتخلى العربية من الخلف بتتنطط زى السيراتو خاصة انها ctba زى السيراتو
- الفتيس سلس وناعم فى النقلات بمعنى ان النقلات غير محسوسة ولا لأ
شكرا
انا عارف ان الاسئله مش ليا بس قلت ارد برضه اهو حضرتك تستفيد واي حد تاني مهتم يستفيد
هي بتعمل 450 كيلو في التفويله من غير eco ولو مشغل ال eco تعمل حوالي 500 معلش اصلي بصراحه مش بحسب بالصفيحهاقتباس:
استهلاك البنزين فى الصفيحة 20 لتر داخل البلد وخارجها
اجيب الفانتازيا طبعااقتباس:
لو هتدفع 155 الف فى الفولى لودد وممكن تزود وتجيب فانتازيا كنت ممكن تقرر ايه وقتها
العزل ممتاز مش بسمع اي حاجه بره المشكله الوحيده صوت الكاوتش عالي شويهاقتباس:
اخبار العزل ايه داخل البلد يعنى لو حضرتك مشغل التكييف وقافل الزجاج بتسمع اصوات بره ولا خفيف مقارنتا بالانترا الشكل 2010
ممتازاقتباس:
صوت الكاسيت اخباره ايه مع usb
بياثر بس مش بصوره محسوسه يعني لو مش مركز علي الموضوع مش هتاخد بالكاقتباس:
التكيف اخباره ايه وهل بيقصر على السحب
مريحه جدا انا بسافر بيها بال3 و ال4 ساعات وعادياقتباس:
راحه الجلوس فى العربية لمده طويلة اخبارها ايه متعبة للظهر ولا لآ
الحقيقه انا جايبها من غير سنسور بس ركنتها من غير السنسور صعبه شويه لانك مش شايف اخر العربيه لا ورا ولا قداماقتباس:
ركنة العربية بالباركينج سنسور سهلة ولا لأ
نقلات الفتيس محسوسه بعد ال 100 لان مسافه النقلات قصيره بمعني انها بتجيب ال 6 علي 100 تقريبا و بعدها بتنزل تحرق علي الخامس وبعدين تجيب السادس وهاكذا فبتحس انت طبعا بالحرق دهاقتباس:
لفتيس سلس وناعم فى النقلات بمعنى ان النقلات غير محسوسة ولا لأ
اتمني اكون قدرت افيدك
يابشا كتر خيرك على اهتمامك وردك هو المعدل ده جو البلد ولا بره وبالتكيف ولا لأ
هل عربيتك جنط 15 ولا 16 يمكن بتفرق ونوع الكاوتش ايه؟
يعنى سحبها زى الالنترا الشكل القديم ولا افضل
هو الفئة اللى حضرتك شريها انهى فئة وهل فى فرق محسوس بين البيزلاين والفئة قبل الاخيرة لانه تقريبا فرق 20 الف مقابل 13 حاجة فرق
وشكرا ليك مره ثانية
شكرا على المعلومات القيمة ..
نبدأ من الاخر يا عمرو باشا الفتيس ممتاز جدا
الجنوط ال 16 بتدى ثبات للسياره وفيها ميزه عن السيراتو ان سمك الكاوتش اتخن وده مابيحسسكش بالزلط على الطريق
الفولى لودد مش عمليه لانها بتزيد بامكانية الاوتو بارك وده مش عملى فى مصر لاننا بنركن فى اماكن ضيقه جدا محتاجه سواق معلم
راحة الجلوس بصراحه مش اوى بس انا ماجربتش كذا وضع لكن فيها ميزه للقصيرين اللى زىى ان فيه رفع للكرسى
التكييف ممتاز جدا جدا وقوى والمحرك مش بيتأثر بيه انا جربت الفلاشه وكان صوتها ممتاز بس لازم ماتكونشى محمل حاجات كتيره عليها عشان يتعرف بسرعه على الملفات
الاي بوت ماجربتوش
استهلاك البنزين لو مشيت بالسياره على الايكو هايبقى الاستهلاك ممتاز جدا لكن لو قرصت على الدواسه اكتر الايكو هايتلغى والاستهلاك هايزيد
ارجو انى اكون اجبت على كل تساؤلاتك واى سؤال انا تحت امرك
السلام عليكم
انا بفكر انشاء الله اشترى النترا 2012 بس محتاج المواصفات فى كل موديل
يعنى الى فيها abs بتبتدى من كام و الجنوط 16 بردو نفس السعر ولا فئة مختلفة
و كل عام و الهويندواية طبيين
اعمل موضوع منفصل عشان تلاقي تجاوب اكبر