ان شاء الله ناوي أشتري عربية خلال ال 3 شهور اللي جايين و بفكر في 3 اتجاهات و دماغي ساحت من التفكير و قلت أشور عليكم :::::


الاختيار الأول : عربية الأحلام و العمر فولفو s80 أو فولفو v60 السعر بين 280 و 310 ألف جنيه .

الاختيار التاني : عربية متوسطة أستعملها من سنتين ل3 بالكتير لحد ما اشتري الفولفو . و دي اختياراتها لانسر 1.5 أوتو , لانسر بومة 1.6 أوتو , صني سوبر صالون هاي لاين .

الاختيار التالت : عربية تمشي الحال من سنة لسنتين لحد ما البلد تتظبط و يكون بن موضوع الجمارك ده هيرسى على ايه . الاختيارات : لانوس كاملة , لوجان كاملة .


طبعا المطلوب من العربية : التكييف القوي جدا , السرعة بمتوسط 160 ل 180 عشان السفر بشكل شبه يومي من بني سويف للقاهرة و المنيا , القعده المريحة ( دي مشكلة لانوس في رأيي ) , الثبات العالي حتى لو هزود فيها حاجات .
مش مهم عندي الفيتيس أوتو و لا مانيوال ,,, أنا بحب المانيوال أصلا .