الأنتظارقليلا ثم أدارة مفتاح السيارة

**د/ خالد** · 09-05-2008 10:29 PM

السلام عليكم
انا برضه سمعت بالموضوع ده يا جماعه .............. انا كان معايا لانوس 2005 وكنت اول ما افتح الكونتاك بسمع جرس لمدة 10 ثواني وكذلك في النويبرا اللي معايا حاليا .................. انا سمعت انه حركت تستنى شويه قبل ما تدور العربيه انه اول ما بتفتح الكونتاك المفروض الكومبيوتر بتاع العربيه بيعمل شيك على الحساسات بتاعت العربيه كلها قبل ما تدور ............... بس بصراحه انا بدور على طوووووول لانه المانوال بتاع العربيه مش مكتوب فيه كده
واما الاخ اللي معاه لانوس وبيسمع صوووت طلمبة البنزين اول ما بيفتح الكونتاك وهيا صوت زنه كده انا اعرف انه الواحد لما بيسمع الصوت ده يبقى ما شاء الله طلمبة البنزين حالتها كويسه جدا .......... انا كنت بسمع الصوت ده في الانوس وبرضه بسمعه في النوبيرا والصوت بيفضل حتى والعربيه شغاله

**sokasoon** · 09-05-2008 10:32 PM

انا بدور على طول مش بستنا بس اللى بلاحظو

ان لما العربية بتقف ماتدورش يوم كامل واجى ادورها مابتدرش بسرعة

انما لو كنت ماشى وبطلت العربية ربع ساعة او نصف ساعة ورجعت

دورت تدور على طول

فى حاجة عملتها كنت راكن العربية 3 ايام ماحركتهاش من يوم زيادة سعر البينزين

قولت قبل ما ادور اضغط سنة بنزين وبعدين اشيل رجلى وادور وعملت كده دارت على طول

لما بتغين بتقعد من حوالى 4 الى 5 ثوانى على ماتدور

غير لما تكون سخنة شوية بتدور على طول

**sokasoon** · 09-05-2008 10:34 PM

المشاركة الأصلية كتبت بواسطة د/ خالد

السلام عليكم
انا برضه سمعت بالموضوع ده يا جماعه .............. انا كان معايا لانوس 2005 وكنت اول ما افتح الكونتاك بسمع جرس لمدة 10 ثواني وكذلك في النويبرا اللي معايا حاليا .................. انا سمعت انه حركت تستنى شويه قبل ما تدور العربيه انه اول ما بتفتح الكونتاك المفروض الكومبيوتر بتاع العربيه بيعمل شيك على الحساسات بتاعت العربيه كلها قبل ما تدور ............... بس بصراحه انا بدور على طوووووول لانه المانوال بتاع العربيه مش مكتوب فيه كده
واما الاخ اللي معاه لانوس وبيسمع صوووت طلمبة البنزين اول ما بيفتح الكونتاك وهيا صوت زنه كده انا اعرف انه الواحد لما بيسمع الصوت ده يبقى ما شاء الله طلمبة البنزين حالتها كويسه جدا .......... انا كنت بسمع الصوت ده في الانوس وبرضه بسمعه في النوبيرا والصوت بيفضل حتى والعربيه شغاله

ده غير صوت الجرس اللى بسمعو اول ما افتح الكونتاك

**WalidAdel** · 09-05-2008 10:49 PM

والله انا كان معايا لانوس 2004 و بيعتها بس حقولكم علي الموضوع كله

المهم

أولاً : صوت الجرس اللي بيطلع اول ما تفتح الكونكت دي ده بتاع حزام الامان مش بتاع حاجه تانيه و الدليل علي كلامي ده قبل ما تفتح الكونتكت البس حزام الامان و افتح الكونتكت الجرس ده مش حيشتغل :)

ثانياً : لابد من الانتظار حوالي 5 ثواني او 10 و ده لحاجه مهمه جداً و هي ان طلمبة البنزين تاخد الكهرباء بتاعتها كامله و حفاظاً كمان علي الرشاشات في التوكيل محدش بيقول الكلام ده علشان النتيجه انهم بيغيروا الرشاشات و طلمبو البنزين و بفلوس كمان فمش فارقه معاهم يقولوا ولا لأ

انا واحد صحبي معاه نوبيرا غير طقم رشاشات ب 1600 جنيه في صيانة
ال 50000

و انا الحمد لله مغيرتش الرشاشات خالص لحد ما بعتها و كانت عامله 145000 كم

والكلام ده واحد صحبي بتاع قطع غيار دايو في شارع طومانباي قالي عليه
و بعدين مش حتفرق ال 10 ثواني دول

ارجو اكون افادتكم

**SEATLOVER** · 10-05-2008 12:43 AM

كل الكلام اللى اتقال جميل و مظبوط
للوقاية من اى حاجة قلقان منها فى موضوع التدوير على طول انك تعمل الاتى

بعد اى مشوار طويل بالعربية بعد ما تركن
سيب العربية دايرة على السلانسية مدة 1 الى 3 دقائق حسب طبيعة المشوار
من مشوار صغير إلى سفر

**WalidAdel** · 10-05-2008 12:57 AM

المشاركة الأصلية كتبت بواسطة SEATLOVER

بعد اى مشوار طويل بالعربية بعد ما تركن
سيب العربية دايرة على السلانسية مدة 1 الى 3 دقائق حسب طبيعة المشوار
من مشوار صغير إلى سفر

ايه الهدف من الموضوع ده

**MEDO80** · 10-05-2008 10:22 PM

اعتقد ان الموضوع دا في المواتير الجاز بس

**aboalm** · 10-05-2008 10:34 PM

موضوع انك تسيب العربيه دايره بعد المشوار الطويل ده فى محركات التربو ديزل فقط و ده لان الانقطاع المفاجئى لدورة الزيت فى الموتور اللى من النوعيه دى باثر على سلامته . بالنسبه للآنتظار ثوانى قبل الآداره ده علشان الطلمبه تحضر بنزين و يكون فى الموتور من جوه وبكده العربيه تدور اسهل ولاداعى للآنتظار خلال نفس اليوم لكن لو انت العربيه راكنه من باليلل للصبح او من اكتر من يوم ياريت نعمل كده فعلا و ننتظر الثوانى القليله دى