هو حضرتك يا أستاذ أحمد معاك لانوس موديل كام ؟
عرض للطباعة
هو حضرتك يا أستاذ أحمد معاك لانوس موديل كام ؟
انا عندى المية بتنقص تقريباً القربة بتكون فاضية فى خلال أسبوع ، وكل ميكانيكى بيقول كلام غير التانى ومافيش فايدة ، غيرت كوع المياه الكبيرة اللى خلف الموتور وكوعة أو جزء معدنى جنب وش السلندر ، مش شايف اى شرخ أو تشريب من القربة أو تحت القربة ، شكيت فى جوان وش السلندر لكن الميكانيكى قاللى المية اللى فى القربة ما فيهاش زيت يعنى مش طحينة ومافيش مية من الشكمان ، خليتة فك الكاتينة وشاف طلمبة المياة قاللى تمام ، وفتحت غطاء القربة والعربية دايرة وشاف طغط المية قاللى كويس ، وسحب العربية كويس ، اقترح علىّ تغيير غطاء القربة ولكن انا مش شايف أىبخار أو مياه حول الغطاء ، حتى لما تكون العربية دايرة أو سخنة ، وكمان انا عاوز اعرف هل مؤشر الحرارة دا شغال ولا لأ ، فى الأول بيكون تحت خالص وبعد شوية بيطلع لحد قبل النصف ويثبت على كده مهما مشيت بالعربية ..!!!:049:
انت حاطت ميه حنفية و لا ميه خضراء؟؟
هل كشفت على كويل السخن بتاع التكييف؟
MMamdouh
انا حاطت ميه حنفية عادية مش ميه خضراء ، أما بالنسبة للتكييف أنا شكيت فيه لكن اعتقد ان لو فيه حاجة فى التكييف كنت حسيت بميه فى الدواسة :pissedoff: ولا مش شرط ؟!! عموماً إزاى أعرف اكشف عن الكويل ده ؟!!
ميه الحنفية مش حتبان لما تتسرب... الميه الخضراء بتسيب زى املاح كدة مكان التسريب و بتبين مكان التسريب بسهولة
الكويل لو مخروم حيسرب ميه تبريد و حتنزل من فايظ التكييف و لو كنت حاطت ميه خضراء كنت شميت ريحتها من فتحات التكييف
استعمل radiator seal من on the run و شوف لو التسريب منع
MMamdouh
أنا يا جماعة عندي نفس المشكلة
مع إن العربية ماشاء الله ما بتسخنش خالص وكانت بتاخد فترة كبيرة على ما المؤشر بيطلع للنص فغيرت ترموستات الكوعة وبقت تطلع للنص فى زمن طبيعي وما بتعديش النص خالص.
المشكلة ان كل أسبوع بزودها حوالى كوبايتين ميه
ملحوظة:
1- كل الوصلات تم التأكيد عليها ومافيهاش تسريب
2- الميه الراجعة للقربة ضعيفة شوية حتى مع التزويد ما بتندفعش بالشكل الطبيعي
3- بستخدم مية حنفية ومش عايز أغير لميه خضرة علشان ما تروحش على الأرض
4- مغير جوان وش السلندر قريب لأن كان فيه تسريب بسيط جدا للميه
5- مغير قربة ومسطرة توزيع ميه قريب
6- الزيت مش مطحن
7- الميه مافيهاش زيت بس مش نظيفة قوي يعني فيها رواسب بسيطة
8- الميه ما بتفورش فى القربة
9- الرادياتير مغير جنب نحاس
10- العربية لانوس 99 عاملة 110 الف كم.
أفيدوني أفادكم الله
اخر مرة غيرت طلمبة ميه امتى؟
MMamdouh
انا كمان عندي مشكله اصلا في الماء من زمان جدا وقولت اروح التوكيل في المعادي علشان اكشف بس عليها ولو فيه خرطوم مثلا بينقط اغيره خصوصا انا كنت لسه مغير القربه من شهر بس المهم ولما روحت لاقوا ان " كوع المياه الكبيرة اللى خلف الموتور
" فيه مشكله وان الكوع وكان فيه كده مسورة متاكله من كتر استعمال ماء الحنفيه المهم قالولي في الاول لازم الماتور يتفك علشان نعرف نعملها وكده وطبعا كانت تكلفتها كبيرة جدا يعني كان فك الماتور وتركيبه تاني حوالى 750 ج ده غير شغل الخراطة وكده
فقولتلهم مش هعمل حاجة المهم بعد مشاكل كتيررر حاولوا يلحموا الماسورة دي ومشيت بيها ونصحوني ان احط ماء خضراء لان الماء العادي كارثه المهم روحت غسلت الردياتير فالناس الي في المحطة قالولي احنا نحط ماء سعودي الاول وبعد كده نزود ماء مصري فعملت كده وقعدت اسبوع ما نقصت وبعد كده جاي اشوف الماء لاقيتها ناقصه وبعدين بالصدفه لما روحت بنزينة علشان امون فبقول للراجل على المشكله دي قالي من قالك تحط ماء خضراء مصري دي بتقى تركيزها ضعيف جدا وبتقى لون بس مش ماء خضراء ولا حاجة وقالي انت المفروض تحط ماء مستورد المهم انا اساسا عندي ملاحظات بس مش عارف هل دي عادي ولا ايه ان عندي لما اجي افتح القربه والعربيه دايرة الماء بتفور هل ده عادي ولا ايه ثانيا انا عندي حاليا الماء بتزودها كل 3 ايام طبعا بحطلها ماء عادي بس معدني لا خضراء ولا ماء حنفيه معلش اسف كتير على الاطاله