الموضوع: نقص المية الخضرا فى القربة!!

انا عندى المية بتنقص تقريباً القربة بتكون فاضية فى خلال أسبوع ، وكل ميكانيكى بيقول كلام غير التانى ومافيش فايدة ، غيرت كوع المياه الكبيرة اللى خلف الموتور وكوعة أو جزء معدنى جنب وش السلندر ، مش شايف اى شرخ أو تشريب من القربة أو تحت القربة ، شكيت فى جوان وش السلندر لكن الميكانيكى قاللى المية اللى فى القربة ما فيهاش زيت يعنى مش طحينة ومافيش مية من الشكمان ، خليتة فك الكاتينة وشاف طلمبة المياة قاللى تمام ، وفتحت غطاء القربة والعربية دايرة وشاف طغط المية قاللى كويس ، وسحب العربية كويس ، اقترح علىّ تغيير غطاء القربة ولكن انا مش شايف أىبخار أو مياه حول الغطاء ، حتى لما تكون العربية دايرة أو سخنة ، وكمان انا عاوز اعرف هل مؤشر الحرارة دا شغال ولا لأ ، فى الأول بيكون تحت خالص وبعد شوية بيطلع لحد قبل النصف ويثبت على كده مهما مشيت بالعربية ..!!!

انا حاطت ميه حنفية عادية مش ميه خضراء ، أما بالنسبة للتكييف أنا شكيت فيه لكن اعتقد ان لو فيه حاجة فى التكييف كنت حسيت بميه فى الدواسة ولا مش شرط ؟!! عموماً إزاى أعرف اكشف عن الكويل ده ؟!!

أنا يا جماعة عندي نفس المشكلة
مع إن العربية ماشاء الله ما بتسخنش خالص وكانت بتاخد فترة كبيرة على ما المؤشر بيطلع للنص فغيرت ترموستات الكوعة وبقت تطلع للنص فى زمن طبيعي وما بتعديش النص خالص.
المشكلة ان كل أسبوع بزودها حوالى كوبايتين ميه
ملحوظة:
1- كل الوصلات تم التأكيد عليها ومافيهاش تسريب
2- الميه الراجعة للقربة ضعيفة شوية حتى مع التزويد ما بتندفعش بالشكل الطبيعي
3- بستخدم مية حنفية ومش عايز أغير لميه خضرة علشان ما تروحش على الأرض
4- مغير جوان وش السلندر قريب لأن كان فيه تسريب بسيط جدا للميه
5- مغير قربة ومسطرة توزيع ميه قريب
6- الزيت مش مطحن
7- الميه مافيهاش زيت بس مش نظيفة قوي يعني فيها رواسب بسيطة
8- الميه ما بتفورش فى القربة
9- الرادياتير مغير جنب نحاس
10- العربية لانوس 99 عاملة 110 الف كم.

أفيدوني أفادكم الله