الموضوع: حد متجوز يفهمنى حاجة مهمة لو سمحتم ......

المشاركة الأصلية كتبت بواسطة shaddadfalcon1

في ناس بتعيش ب 300 جنيه معرفش ازاي وبيحوشو كمان

كل واحد علي حسب مااتعود
انا مثلا اتربيت في الفلاحين يعني الحياه الأساسيه بس مفيش فسح مفيش لبس غير في العيد والأكل عادي جدا مره لحمه في الأسبوع او كل اسبوعين
والدي ووالدتي كانو بيحاولو ياسسو حاجه لينا والحمد لله ربنا كرمهم اخر كرم انا طبعا اتربيت بالطريقه دي ومراتي كمان
يعني لابحب الخروج والفسح الا مرتين تلاته في السنه ومش بجيب لبس غير كل سنه او اتنين كمان ولسه لبس الثانوي عندي لحد دلوقتي

الأكل عادي يعني مش بحرم نفسه من حاجه وعندي ولدين وماجر شقه ب 500 جنيه في الشهر واقدر اقول ان كل مصاريفي مش بتعدي 2500 في الشهر بعربيه بالظروف بكل حاجه وساعات اقل من كده بكتيير يعني بدي مراتي 100 جنيه في الأسبوع بتروق البيت كله يعني 400 جنيه في الشهر و500 ايجار يبقي 1000 وقول 100 فواتير يبقي 1000
وعربيه 200 وذود 300 كمان يبقي 1500 جنيه

في ناس صحابي عندهم خروجات كل اسبوع مره واتنين دي من اساسيات الحياه وطبعا اقل خروجه مش اقل من 200 ولا 300 جنيه ولازم كل شهر لبس ليهم وللعيال يعني مش اقل من 2000 جنيه شهريا غير اكل وشرب وعربيه وبيت

فانت وحدك تقدر تعرف

يعني ممكن تشوف انت بتصرف كام علي نفسك دلوقتي كل شهر ممكن حتي تعمل ملف عندك ولا ورقه وتكتب فيها كل مليم بتصرفه لمدة شهرين تلاته وشوف كام المتوسط وشوف دخلك كام وشوف عندك شقه ولا هتدفع ايجار وذود عليهم قول مبلغ صغير وشوف المرتب هيكف الكلام ده ولا لآ

مش عارف اشكرك ازاى على تعبك وان شاء الله حبدأ احسب الموضوع بالتقريب ... وربنا يبارك لحضرتك فى بيتك واسرتك يا رب ...

المشاركة الأصلية كتبت بواسطة viper911s

الله ينور عليكى
كلام زى الفل هو دة الى انا عاوز اقولة بردو
الفكرة فى مستواك انت بردو طبعك اية بتحب الخروج الكتير وبتحب تشترى لبس كتير بتحب تاكل برة المصيف كل سنة ولازم مارينا يبقا 5000 و 10000 وحياتك
لكن ارسم على قد الفلوس الى فى ايدك وانا شايف ان 1000 تمشى كويس نسبيا لفردين بدون ايجار

انا بخرج كل يوم بس مش بروح اتصرمح يعنى لأ بروح اقعد مع صحابى مثلا يعنى مش هو المصروف الكبير ودة حيقل طبعا بعد الزواج

المشاركة الأصلية كتبت بواسطة _ahmed_casper_

مفيش فايده

استهدى بالله بس .. ادينا بنستفهم :b4_556:

المشاركة الأصلية كتبت بواسطة shaddadfalcon1

انا شايف 1000 مناسب جدا وممكن يقل شويه كمان بس لازم الزوج والزوجه يبقو نفس المستوي ونفس الرغبات يعني مينفعش نبقي انت مش بتحب الخروج ومراتك متعوده علي الخروج كل اسبوع لانها كده هتفصل منك بعد شهرين تلاته وهتحس انها قلت جامد الا اذا كانت بنت جادعه وعايزه تعيش

هى من حيث بنت جدعة فا فى نظرى مافيش زيها وعايزة تعيش فى مودة وتسامح ومش مهتمة بالمادة على اد كدة
بس هى بنت ناس بردو مش حينفع انشفها علشان هى ما تتضايقش من الحياة يعنى

المشاركة الأصلية كتبت بواسطة gebreel

يااااااه نفس السؤال كنت بسأله لنفسي و عمال احسبها و كنت غرقان مش عارف

و الله اهالينا دول مفيش زيهم و يا رب نعرف نبقى زيهم و يا رب نقدر نردلهم نص اللي عملوه لينا

اتفضل يا فندم اسأل استشير مع نايل موتورز ههههه ... ربنا يكرم الجميع وانا بدأت اقتنع بفكرة الرضا احسن حاجة

المشاركة الأصلية كتبت بواسطة gebreel

اتوكل على الله يا عمرو و فرحنا علشان نحصلك

ان شاء الله قريبا

و ليك عليا نلملك كل بتوع اللوجان و نعملك زفة تمام التمام و بعد كتب الكتاب على طول نعمل مقابلة في نفس اليوم

العروسة تروح و احنا نتقابل:m_yes[1]:

ههههههههههه دة انت كدة عايزينى اضرب ... ان شاء الله ربنا حيكرم الجميع .. وربنا يسهل حال البلد ينصلح شوية بعد ما مشيوا شوية الحرامية
......................
شكرا ليكوا جميعا وربنا يديم المحبة والاخوة فى الله

ربنا يطمنكوا انا كل مرتبي 1500 جنيه

حد يديلي الوصفه السحريه اللي هتكفيني ان شاء الله خصوصا اني معايا عربيه

بس بروح الشغل بالباص بتاع الشغل عايزين الخبره تفيدنا