حد متجوز يفهمنى حاجة مهمة لو سمحتم ......

**Samah AbdAllah** · 17-08-2011 06:07 AM

توكل على الله والحمدلله احنا فى اليكس الحياة عندنا ارحم بكتير من القاهرة كفاية زحمتها وكل مشوار تروحه فى ساعة يعنى استهلاك بنزين عالى واهلاك سريع للعربية :))
الحياة ابسط من انك تحسبها بالورقة والقلم بكتير
ربك بيرزق من حيث لا تدرى مادامت نيتك خير
و2000 جنيه تعيش بيهم كويس جدا جدا جدا وتخرج وتتفسح كمان وتحوش لو عاوز
ومتقلقش فى اول الجواز المدام مش هتشرى لا هدوم ولا اى مفروشات او اى حاجة للبيت ف هتقدروا تعيشوا بنص المبلغ ده

المشاركة الأصلية كتبت بواسطة eng.octooo

بعد اذنك يا مدام نور ارد على الاستفسار :)

حضرتك هيا مواصفات الشقة كام حمام وكدة ؟ بس عموما فكرة حلوة انك تاخدها خطوة خطوة ماتقلقش مش لازم كلة يكون مرة واحدة وبخصوص موضوع التاخير علشان الفرش والديكور انت اعمل رسم سكيتش للشقة على ورقة وقول هنا هاحط تلفزيون وهنا كاسيت وكدة واعمل حسابك فى اماكن الفرش والترابيزات والحاجات دى كلها ولما توصل لتوزيعة لاهم الاجهزة حطها على الورقة وشيلها بعيد لما تسمع كلام الكهربائى لو لقيتة عايز يعك خلية يشتغل على رسمتك لو لقيت كلامة كويس ومنطقى يبقى تمام

اعمل حسابك ان لو الاوضة 4 حوائط يبقى على الاقل حائطين هايكون فيهم فيش كهرباء وواحدة من الحائطين دول هاتكون الى فيها الباب :) فهمت قصدى ؟؟ يعنى خلى نص حوائط البيت بدون شغل ولعب فى الكهرباء علشان الشكل والتوفير

ونفس الكلام على الصالة

وشوف الكهربائى واتكلم معاة واعرف منة قولة انت رايك اماكن الكهرباء هاتكون فين ؟ واسالة قولة اشمعنى المكان دة ولو اقتنعت بكلامة يبقى تمام بس ماتخليهوش يشتغل بدماغة :)

اة وفى الحمامات والمطابخ تعمل حساب السخانات ويكون فية فيش فى الحائط من فوق 1 بس للسخان او كدة

وبالنسبة للصحى بيكون واضح لان الحمام دائما بيكون مبنى ومعمول حساب الاجهزة الصحية من بانيو وكدة

وماتستعجلش خالص وتخليك واقف فوق راس العمال لان السباكة بتحدد مستوى السيراميك للبيت كلة والكهرباء بتحدد توزيعة الاجهزة للبيت

ويستحسن تبتدى بالسباكة وبعدين الكهرباء

بالنسبة للتكاليف مش هاقدر افيدك فيها

حمدالله عالسلامة
كنت مختفى فين

**maka** · 17-08-2011 03:37 PM

المشاركة الأصلية كتبت بواسطة gebreel

طيب نيجي بقى للي قبل مصاريف البيت
تجهيز الشقة اللي عاملي وجع قلب و دماغ و كل مافكر فيه احس ان عمري ما هتجوز في سنتي دي

تجيز الشقة من حيث الدهانات و الارضيات و الصحي و الذي منو يتكلف كام المعقول لأن واحد صاحبي قالي خدها قاعدة المتر ب1000 جنيه فانا قلت ان سنتي مش فايتة لأن لو افترضنا شقة 100 متر * 1000 جنيه المتر يبقى انا عاوز ثمن شقة فوق الشقة و لسة شبكة و مهر و عفش و فرح و خلافه

لا كلام مش مظبوط

حاليا واقف مع واحد صاحبى فى توضيب شقته و هديك مثال حى

الشقة 130 متر بالمنافع

تم صرف الاول 12000 ثم 23500 ( تمن عربيته ) ثم ازيد من العشرة يبقى التوتال مقارب للخمسين بس ممكن توضب باقل 10 او 15 كمان

لكن شقة صحبى صرفت علشان كانت على الطوب الاحمر + تم عمل تعديلات تصيمية على تقسيم الشقة + تم التجهيز لكل ما ممكن ان تحتاج فى الشقة خلال فترة كبيرة جدا يعنى مثلا الشقة متجهزة لـ 6 اجهزة تكييف لكن هو مش هيركب ال ستة دلوقتى اخره واحد او اتنين بالعافية فى البداية و حجات تانية مشابهة لذلك

و عموما لو انت مش مهندس مش هتصرف غير الطبيعى هههههههههه

وبالتوفيق للجميع

و ابقوا ادعوله بالتوفيق علشان الصنايعية مجننه

**eng.octooo** · 17-08-2011 10:46 PM

Sama و مدام نور :) الله يسلمكم

**gebreel** · 17-08-2011 10:53 PM

الف شكر يا جماعة تعبتكم معايا =)

**viper911s** · 18-08-2011 02:44 AM

صدقنى انامعنديش شقة وتقريبا فى علم الغيب المفروض نستلمها السنادى ويمكنميحصلش
بس انامتفأل خير فى ربنا وعاوزاخطب البنت الى انا عاوزها وان شاءاللة هقدر على اقناع اهلى انى اروح بدون شقة
ومش عاوزاقولك بحس انى لو اقدمت على العمل ربنا هيفرجها عليا اوىاوى
ربنا يقدملك مافيةالخير

**mrwho1982** · 18-08-2011 04:39 AM

بص ياسيدي

انا هديك مثال علي مثلا واحد بياخد 1200 او 1500

ازاي تمشي مصروف البيت

للعلم انت مبتدفعش ايجار

الشهر فيه 4 اسابيع امسك ال 1500/4

يبقي ليك في الاسبوع 375 وهكذا

انا الطريقة متبعها عندي وهي جاتلي في حالة روقان كده ممكن تكون صح وممكن تكون غلط بس قلت اشارك للافادة

**Salamonti** · 18-08-2011 04:56 AM

المشاركة الأصلية كتبت بواسطة mrwho1982

بص ياسيدي

انا هديك مثال علي مثلا واحد بياخد 1200 او 1500

ازاي تمشي مصروف البيت

للعلم انت مبتدفعش ايجار

الشهر فيه 4 اسابيع امسك ال 1500/4

يبقي ليك في الاسبوع 375 وهكذا

انا الطريقة متبعها عندي وهي جاتلي في حالة روقان كده ممكن تكون صح وممكن تكون غلط بس قلت اشارك للافادة

دي أكبر غلطة في التاريخ..
هاتيجي آخر الشهر تدفع مية وكهربا وغاز وتليفون منين ؟؟!!!
لو مراتك تعبت ولا عاوزة تروح لدكتور هاتخصمه من مصروف الأسبوع ؟؟؟
مصاريف الحمل والولادة هاتحوشها ازاي ؟؟
أي مصاريف مفاجأة زي التصليحات أو الأعطال هاتجيبها منين ؟؟

لازم تخلي فيه هامش توفير للحجات دي كلها..
ممكن توفر منه شهر واتنين وتلاتة واربع وتلاقي نفسك فجأة صرفت كل اللي انت حوشته في ظرف طاريء

**Mahmoudyoussif** · 18-08-2011 12:19 PM

انا هجووز الشهر الجاي و دخلي كله لا يتعدى الالف و نص

انا عن نفسي هنزل اول كل شهر اشتري ما يلزم حاجات البيت الاساسيه

من اللي يكيفيني من لحوم و دواجن و جبن مثلا الحاجات اللي هيا التقيله

و كده كده انا ما بكلش كل يوم لحمه او فراخ يعني دول في حسبه 500 جنيه مثلا او 600 يفضل 900 جنيه

200 جنيه مياه وكهربا ادي 700 اسيب في البيت معاها اللي يكفى للحاجات اليوميه لمده الشهر ب 300 جنيه مثلا

كده فاضل 400 تفويله للعربيه ب 80 جنيه مثلا ادي فاضل 300 ميه في جيبي و انا نازل الشغل و ال 200 على جنب

و طبعا الوضع بالنسبالي اعتقد انه ممكن يكون سهل شويه عشان انا ساكن في بيت عيله ... و العربيه كده كده مش

هتتحرك غير مره واحده في الاسبوع لو خارجين نتمشى بيها شويه و نشرب اتنين قصب و كده كده انا باروح الشغل

بالباص لغايه اما اسدد الفلوس اللي هاستلفها و يرجع تاني لل 2300 و ربنا يكرم ان شاء الله ... مش عارف التقسيمه

دي صح ولا ليكوا اضافات

الموضوع: حد متجوز يفهمنى حاجة مهمة لو سمحتم ......

LinkBack

أدوات الموضوع

عرض

-

-

-

-

-

-

-

المواضيع المتشابهه

حاجة مهمة !!

لو سمحتم حد يفهمنى يعنى ايه سينسور بارك وبكام ومنين لانى بخاف من الاحتكاكات

انا مش فاهم حاجة ممكن حد يفهمنى

حاجة مهمة

الكلمات الدلالية لهذا الموضوع

المفضلات

المفضلات

ضوابط المشاركة