حد متجوز يفهمنى حاجة مهمة لو سمحتم ......

**mrwho1982** · 18-08-2011 02:19 PM

المشاركة الأصلية كتبت بواسطة salamonti

دي أكبر غلطة في التاريخ..
هاتيجي آخر الشهر تدفع مية وكهربا وغاز وتليفون منين ؟؟!!!
لو مراتك تعبت ولا عاوزة تروح لدكتور هاتخصمه من مصروف الأسبوع ؟؟؟
مصاريف الحمل والولادة هاتحوشها ازاي ؟؟
أي مصاريف مفاجأة زي التصليحات أو الأعطال هاتجيبها منين ؟؟

لازم تخلي فيه هامش توفير للحجات دي كلها..
ممكن توفر منه شهر واتنين وتلاتة واربع وتلاقي نفسك فجأة صرفت كل اللي انت حوشته في ظرف طاريء

الميه والكهرباء بره ال 1200 او 1500

والعلاج والمرض والظروف الطارئة بتكون شايل فلوس احتياطي للظروف

**ahmadmidop** · 18-08-2011 06:35 PM

المشاركة الأصلية كتبت بواسطة نور القمر

زي ما الاعضاء الافاضل قالولك ممكن تعيش ب 500 وتكفيك وممكن 5000 ومش تكفيك على حسب طريقتك في الحياة
وبلاش تركز في المشاركات المحبطة بتاع الالافات اللي اتكتبت واللي لسه هتتكتب
في ناس متعودة على الاكل في المطاعم والخروج والفسح وا$لساحل الشمالي والمصاؤيف الكتيرة فطبيعي هايقولك ال 10000 مش مكفياني
انا شايفة ان 1000 كويسة جدا لبداية حياة 2 بس ميكونش الايجار منها

هوا ده الكلام اللي يطمن

**ahmadmidop** · 18-08-2011 06:46 PM

موضووووووووووع جاااااااااااامد بصراحة طب عاوزين ندخل االتكاليف التانية ونشوف تكلفة تقريبية مثلا للشبكة والمهر والفرح والقاااعة والذي منه :)

**heshamzaky** · 18-08-2011 08:24 PM

المشاركة الأصلية كتبت بواسطة ahmadmidop

موضووووووووووع جاااااااااااامد بصراحة طب عاوزين ندخل االتكاليف التانية ونشوف تكلفة تقريبية مثلا للشبكة والمهر والفرح والقاااعة والذي منه :)

حا تلاقى حاجة شبيهة فى اللينك دة
http://www.nilemotors.net/Nile/238768-a-9.html

**omaroof** · 18-08-2011 09:04 PM

حسب المدام
لو المدام ماشيه بالعقل وبتقدر الزوج وبتحبه باقل الامكانيات حاتبقى ماشيه ومستوره وربنا حايبارك فى البيت

اما لو المدام من النوع اللى بيبص للناس وشوف دول جابو ايه او بنت خالتى او اختى جوزها جابلها كذا وكذا يبقى محتاج دخل جامد
والموضوع كله بيرجع للتفاهم والحب بين الاتنين الصرااااااااحه

**aboomar22** · 18-08-2011 11:19 PM

لو انت ناوى تتجوز توكل على الله وربنا هيصرفها من عنده فيه مثل بيقول ربك بيدى البرد على قد الغطا يعنى مثل شخصى انا لما تزوجت كان مرتبى حوالى 700 وده من عشر سنوات وكنت بصرفهم وكانهم ظابطين نفسهم لغاية يوم القبض ومش هتصدق حصلت ظروف تركت شغلى ورحت شركة تانية بمرت بيمكن اقل والله كنا عايشين وبنجيب اللى عايزينة دلوقتى الحمد لله تدرجت واصبحت حاجة تانية الحمد لله اقولك وتصدقنى برضه اخر الشهر مبيبقاش معايا حاجة يعنى بقى طفلين ومدارس عقبال اولادك والله الحمد لله زوجتى لها كل الشكر لم احس يوما ان المرتب لايكفيها او ان شيىء ينقصنا الحمد لله