حد متجوز يفهمنى حاجة مهمة لو سمحتم ......

**amr.elsayed** · 16-08-2011 03:17 AM

عندى سؤال نفسى اوصله ومش عارف لوحدى !!!!!
السؤال ما هو الحد الادنى لمرتبى اللى اقدر افتح بيه بيت و تكون العملية مستورة يعنى ؟
بمعنى تانى امتى اعرف ان مرتبى ممكن يفتح بيت من غير ما يكون عليا التزامات (ديون)
غير بيتى وامور الحياة التانية العادية ؟
..........................
من غير تعقيد وفى نفس الوقت من غير مجاملة يعنى عايز اعرف الواقع
وشكرا ليكوا مقدما

**Mostafa.Mahran** · 16-08-2011 03:25 AM

سالت نفس السؤال لاكتر من واحد و محدش هيرد عليه غير انت

انت الى عارف متطلباتك و ممكن تتنازل عن ايه

**dode2002** · 16-08-2011 03:29 AM

شوف ياسيدي
ربنا بيدي البرد علي اد الغطاء
بتختلف من شخص لشخص ومن مكان لمكان
يعني انا اعرف ناس عايشين ب 600 جنيه وناس تانيه 6000 جنيه مبتكفهمش في الشهر
وبعدين الريف غير المدينه
بص انا هوفر عليك
لو معندكش التزامات زي ايجار شقه مثلا ممكن 1500 جنيه يمشوا الحال لفردين ويكونو مستورين
انما الواقع المصري وعن تجربه مش اقل من 3000 جنيه لاسره صغيره اب وام وطفلين

**MOUSTAFA_SAAD** · 16-08-2011 03:32 AM

المشاركة الأصلية كتبت بواسطة eng.m mahran

سالت نفس السؤال لاكتر من واحد و محدش هيرد عليه غير انت

انت الى عارف متطلباتك و ممكن تتنازل عن ايه

المشاركة الأصلية كتبت بواسطة dode2002

شوف ياسيدي
ربنا بيدي البرد علي اد الغطاء
بتختلف من شخص لشخص ومن مكان لمكان
يعني انا اعرف ناس عايشين ب 600 جنيه وناس تانيه 6000 جنيه مبتكفهمش في الشهر
وبعدين الريف غير المدينه
بص انا هوفر عليك
لو معندكش التزامات زي ايجار شقه مثلا ممكن 1500 جنيه يمشوا الحال لفردين ويكونو مستورين
انما الواقع المصري وعن تجربه مش اقل من 3000 جنيه لاسره صغيره اب وام وطفلين

كلا سليم فعلا ياجماعه

**amr.elsayed** · 16-08-2011 03:32 AM

المشاركة الأصلية كتبت بواسطة eng.m mahran

سالت نفس السؤال لاكتر من واحد و محدش هيرد عليه غير انت

انت الى عارف متطلباتك و ممكن تتنازل عن ايه

طيب ايه الحاجات اللى ممكن اتنازل عنها .... بصراحة مش فاهم النقطة ديه ونفسى افهمها
معلش انا عارف حتتعبوا معايا .. وشكرا لكل اللى بيرد والله موضوع شاغل بال شباب كتير

**hugan** · 16-08-2011 03:35 AM

2000 جنيه مصاريف البيت
يعني اكل وشرب بس

ولا كهربا ولا مياه ولا تليفون ولا مصاريف عربيه
ولا مدارس
لكن ربنا سبحانه وتعالي
ميسر كل انسان لما خلق له
لو دخلك 1000 جنيه هاتعبش بيهم
ول 10000 هاتعيش بيهم

**Medo007** · 16-08-2011 03:53 AM

شكلك بتفكر في نهايتك ... خليك كده هههههههه
يريت الاعضاء يفيدونا اكتر

**heshamzaky** · 16-08-2011 03:54 AM

حسب طريقة الصرف بتاعتك و الطريقة الى حا تعيش بيها و حا تكيف أمورك ازاى
أحسبها بطريقة بسيطة نسبيا كانك بتعمل ميزانية
المصاريف زى فاتورة كهرباء و فاتورة غاز و مصاريف السكن زى فلوس البواب و المية و نور السلم
و لو عندك عربية بتعمل صيانة بكام و بتحط بنزين فى الشهر بكام
بعد كدة مصاريف الاكل و الشرب و دى مستحيل حد يقدرها ألا انت يعنى لو غاوى لحوم شوف حا تجيب كام كيلو فى الشهر و بكام و فراخ و خلافة
و مصاريف بقالة بكام
لو مفيش عربية احسب مصاريفك اليومية مواصلات و فطار مثلا
ولازم تضع جزء لبند الطوارى مثل العلاج
دى المصاريف الاساسية
بس علشان نقول كام حا تختلف من شخص الى اخر
بس لو أنت فى بداية الحياة و متزوج 1500 جنية يادوب تكمل الشهر و أنت ماسك ايديك قوى قوى

**M.Mostafa80** · 16-08-2011 04:02 AM

بص انا بدأت حياتى بألف جنيه أكل وشرب وكهربا ومياه ونور ودكاتره وادويه ومصاريف حمل وخلافه الكلام دا كان من 6 سنين وبدأت الحياه تمشى وكل ما كان مرتبى يزيد تلاقى مصاريفنا تزيد وربنا بيبعتلك رزقك على قد أحتياجاتك وفعلا ب 1000هتعيش ب 10000هتعيش
وهى معادله كلما زاد مراتبك كلما زادت مصاريفك لو ويت اتكل على الله ولا تقلق فرزقك ورزقها على الله وهيبقى فى يوم حلو ويوم مر وهى دى سنة الحياة وهتبقى حاجه حلوه قوى لما ربنا يرزقك باول مولود وتلاقى لخير جاى معاه وياسلام لو بنوته رزقهم واسع قوى مشاء الله عليه اما الصنف بتاعنا فقرى شويتين هههههههه الحمد لله على نعمه البنين فهم زينة الحياة واجمل شئ فى الزواج

-

الموضوع: حد متجوز يفهمنى حاجة مهمة لو سمحتم ......

LinkBack

أدوات الموضوع

عرض

-

-

-

-

-

-

المواضيع المتشابهه

حاجة مهمة !!

لو سمحتم حد يفهمنى يعنى ايه سينسور بارك وبكام ومنين لانى بخاف من الاحتكاكات

انا مش فاهم حاجة ممكن حد يفهمنى

حاجة مهمة

الكلمات الدلالية لهذا الموضوع

المفضلات

المفضلات

ضوابط المشاركة