الموضوع: حد متجوز يفهمنى حاجة مهمة لو سمحتم ......

زي ما الاعضاء الافاضل قالولك ممكن تعيش ب 500 وتكفيك وممكن 5000 ومش تكفيك على حسب طريقتك في الحياة
وبلاش تركز في المشاركات المحبطة بتاع الالافات اللي اتكتبت واللي لسه هتتكتب
في ناس متعودة على الاكل في المطاعم والخروج والفسح وا$لساحل الشمالي والمصاؤيف الكتيرة فطبيعي هايقولك ال 10000 مش مكفياني
انا شايفة ان 1000 كويسة جدا لبداية حياة 2 بس ميكونش الايجار منها

في ناس بتعيش ب 300 جنيه معرفش ازاي وبيحوشو كمان

كل واحد علي حسب مااتعود
انا مثلا اتربيت في الفلاحين يعني الحياه الأساسيه بس مفيش فسح مفيش لبس غير في العيد والأكل عادي جدا مره لحمه في الأسبوع او كل اسبوعين
والدي ووالدتي كانو بيحاولو ياسسو حاجه لينا والحمد لله ربنا كرمهم اخر كرم انا طبعا اتربيت بالطريقه دي ومراتي كمان
يعني لابحب الخروج والفسح الا مرتين تلاته في السنه ومش بجيب لبس غير كل سنه او اتنين كمان ولسه لبس الثانوي عندي لحد دلوقتي

الأكل عادي يعني مش بحرم نفسه من حاجه وعندي ولدين وماجر شقه ب 500 جنيه في الشهر واقدر اقول ان كل مصاريفي مش بتعدي 2500 في الشهر بعربيه بالظروف بكل حاجه وساعات اقل من كده بكتيير يعني بدي مراتي 100 جنيه في الأسبوع بتروق البيت كله يعني 400 جنيه في الشهر و500 ايجار يبقي 1000 وقول 100 فواتير يبقي 1000
وعربيه 200 وذود 300 كمان يبقي 1500 جنيه

في ناس صحابي عندهم خروجات كل اسبوع مره واتنين دي من اساسيات الحياه وطبعا اقل خروجه مش اقل من 200 ولا 300 جنيه ولازم كل شهر لبس ليهم وللعيال يعني مش اقل من 2000 جنيه شهريا غير اكل وشرب وعربيه وبيت

فانت وحدك تقدر تعرف

يعني ممكن تشوف انت بتصرف كام علي نفسك دلوقتي كل شهر ممكن حتي تعمل ملف عندك ولا ورقه وتكتب فيها كل مليم بتصرفه لمدة شهرين تلاته وشوف كام المتوسط وشوف دخلك كام وشوف عندك شقه ولا هتدفع ايجار وذود عليهم قول مبلغ صغير وشوف المرتب هيكف الكلام ده ولا لآ

مفيش فايده

المشاركة الأصلية كتبت بواسطة viper911s

اللة ينور عليكى
كلام زى الفل هو دة الى انا عاوز اقولة بردو
الفكرة فى مستواك انت بردو طبعك اية بتحب الخروج الكتير وبتحب تشترى لبس كتير بتحب تاكل برة المصيف كل سنة ولازم مارينا يبقا 5000 و 10000 وحياتك
لكن ارسم على قد الفلوس الى فى ايدك وانا شايف ان 1000 تمشى كويس نسبيا لفردين بدون ايجار

انا شايف 1000 مناسب جدا وممكن يقل شويه كمان بس لازم الزوج والزوجه يبقو نفس المستوي ونفس الرغبات يعني مينفعش نبقي انت مش بتحب الخروج ومراتك متعوده علي الخروج كل اسبوع لانها كده هتفصل منك بعد شهرين تلاته وهتحس انها قلت جامد الا اذا كانت بنت جادعه وعايزه تعيش

المشاركة الأصلية كتبت بواسطة mohssenrashed

يعني ممكن تخرج و تتفسح و كله بحدود و انا شايف ان الصراحه ان العامل المهم في الموضوع ده الزوجه ثم الزوجه..

الله يفتح عليك
مش لازم الواحد يبعزقله 500 جنيه عشان يخرج
يعني انا مره خرجت انا ومراتي قعدت علي الصخر اللي عند القلعه في بحري لحد المغربيه وروحت ومدفعتش مليم غير في جيلاتي والمره دي اكتر مره حسيت ان مراتي كانت مبسوطه فيها وكل اما تيجي سيرتها تقولي نفسي اكررها