الموضوع: تعديل فوانيس شبورة النيو سيراتو سيدان و كوبيه,ليدات زى المرسيدس(سلسلة عدل عربيتك)رايك

المشاركة الأصلية كتبت بواسطة ayman-ahmed

وعليكم السلام ورحمة الله وبركاته.

رأيي المسطرة وتركبه جنب الموجودين عندك وفتكر انها الصورة التانية او التالتة اللى فيها الفوج المسطرة وشكلهم عاجبنى بصراحة.

وممكن الواحد يتوكل على الله واروح ادور عليهم فى التوفيقية.طيب فاكر المحل اسمه ايه اللى اشتريت منه او حتى جنب ايه؟

ومين الناس اللى فوق ديه كلهم؟هههه معلش اعذرنى معرفهمش.وهل بتوع التوفيقية بما انك شفت الاتنين بنفس الجودة؟

السلام عليكم
معلش نسيت اقول كل سنه و انتم طيبون
هى فعلا المسطره هتعمل شكل جامد جنب الفوج بتاع العربيه الاصلى
لكن تقريبا اقوى اضاءه هى اللى انا جبتها و الله اعلم و اعلى
العنوان
تنزل محطه مترو جمال عبد الناصر اللى هى الاسعاف و تطلع و تمشى فى الشارع و تخلى اكنك رايح على العبد و تخلى المكمه على يمينك و السينما على شمالك هتلاقى شارع على شمالك تقريبا هو اول شارع و هو شارع صغير جنب السينما هو ده شارع التوفيقيه هتدخله
تمشى شويه و تدخل اول شمال
تمشى شويه مثلا 20 متر هتلاقى مول كبير اوى على شمالك تدخله
و تطلع اول بلكونه تقريبا
اول ما تخلص السلم تبص شمال هتلاقى محل فى وشك
هتلاقى عنده بلاوى زرقا و رخيصه كمان ههههههههههه
هتلاقى كفر البريمبو و الفلاتر و المواسير و دواسات و جى بى اس وديفي دى و سرينه
و الفوجات العلبه مرسوم عليها مرسيدس
خلى بالك خليه يجربهملك كلهم قبل ما تشترى
و هتلاقى كربون احمر و اسود و رمادى فى اول المحل على شمالك و الفوجات على يمينك هى و الفلاتر
و يا سلام لو روحت انت و خمسه هتاخد اى حاجه بسعر جملة الجمله يعنى مثلا
فى الفلتر زى بتاع ياسر الصياد الكاربون الواحد بماسورته ب 300 لو اخدت 6 هتاخده ب 250 جنيه و هكذا
لكن فى نفس الوقت 300 رخيص لانه برا اغلى من كده و اظن ياسر اشتراهب 350 جنيه
و افتكر كويس ان ده محل جمله لكن سعات بيبيع قطاعى و كده
و انت و اسلوبك ممكن تفاصل معاه و كده يعنى,مع انه منزليش حاجه خالص

ثانيا الناس اللى انا زكرتهم زى جو او انزو دى محلات اكسسوارات كبيره فى مصر الجديده و الماظه و الشيراتون و ليهم فروع و عندهم حجات جامده و نادره لكن غاليين عن التوفيقيه طبعا فى اى حاجه
انا بصراحه مقارنتش بين الاتنين لكن ممكن اقولك ان تقريبا ممكن يكونوا نفس المنتج و الله اعلم