سؤال مهم بالنسبة لى عن مواتير المياه

**faragebraheem** · 16-08-2011 03:57 AM

لوسمحتم ياجماعه ممكن سؤال مهم انا قرأت كل المكتوب عن مواتير الميا ه هنا بالمنتدى بس ليا سؤال حد سمع عن ماتور برنتو الايطالى السباك بيشكر فيه جدا وبيقول ان الساقية بتاعته نحاس ممكن لو حد يعرف عنه حاجة يقولى ويقول سعره كام ولو انواع المواتير الايطالية وافضلها وسعرها انا كدا بقيت رخم اقوى كفاية اسئلة ايوة نسيت هو لشقة وواحد حصان

**mahamedaraby** · 16-08-2011 05:47 AM

افضل مواتير مياه عن تجربه كذا نوع ايطالى وصينى
هو الكالبيدا بجد افضل موتور ميه

**samcar** · 16-08-2011 06:11 AM

هات "سير" واشترى دماغك - موتور محترم ولشقه مش حتحتاج اكتر من تلات اربع حصان

بس لو اصلى كامل- ما تجيبش بالونه ولا تركبها اصلا- هات الاتووماتك الاصلى له ممكن كده الموتور يعدى الالف ونص بس حتركبه وتنساه

**faragebraheem** · 16-08-2011 07:26 PM

حضرتك بتقول ساير بألف ونصف انا قريت هنا ان كالبيدا بحوالى 1300جنيه وان ساير اقل منه وحضرتك تقصد بالاوتوماتيك اللى هيا المجموعه بتاعه الفلوماك اصل السباك قال لو ركبت الفلوماك يبقى مش هنركب بالونه او اتوماتيك ولو ركبنا البالونة مش هنركب الفلوماك طيب ايهما افضل الفلوماك ولا البالونة انا محتار كمان عايز اروح اجيب الحاجة بنفسى من شارع الجمهورية بس خايف يتنصب عليا وكان السباك لو جبها هيشتغلنى جامد فى السعر وهو بردو بيجيبها من شارع الجمهوريه ياريت تفيدونى

**faragebraheem** · 17-08-2011 03:57 AM

ايه ياجماعه المنتدى الكرام محدش ممكن يفيدنى

**elewey** · 17-08-2011 04:28 AM

عن تجربه وانا من اسكندرية و شغلى فى مرسى مطروح البلد هنا كلها شغاله بمواتير ميه و افضل الانواع هى الكالبيدا و يليها نوع تانى يطالى اسمه لينز

**samcar** · 17-08-2011 05:39 AM

اى نوع ايطالى كويس- بس السير - لو لسه بتنزل مصر - عن تجربه حمار شغل - وتصليح سهل - اى كان اللى عايز السباك يركبه ما تجيبش البلونه- ومفيش اى قلق- بس يكون سباك بيفهم ويضبط ضغط الاتوماتك صح

هات الموتور بمعرفتك- غالبا بيبقى له ضمان- بس سيبه هو يجيب وصلات التركيب والمحابس - علشان ما يبقاش له حجه

شارع الجمهوريه غالى - ممكن تنزل السيتيه حتلاقيه ارخص شويه - عموما توكيل سير فى شارع نجيب الريحانى - متفرع من عماد الدين وتقريا كالبيدا فى نفس المنطقه - ونصيحه ما تسترخصش- هات ماركه معروفه ومن توكيلها لو امكن

**wabdelhalem** · 17-08-2011 12:35 PM

ما هو الافضل بدل البالونه الفولماك و لا بريشر سويتش و السعر

**fepsceasar** · 17-08-2011 01:30 PM

ممكن تشرحولى بديل البالونة ده بالظبط بيعمل ايه وهل ينفع أغير البالونة واحطه على الموتور الموجود ولا لازم من الاول

**faragebraheem** · 17-08-2011 06:50 PM

انا متشكر جدا لكل اللى رد عليا بس بردو الافضل البالونة والاوتوماتيك ولا الفلوماك فقط وياريت حد يفيدنى فى هذا الامر لانى مش فاهمه خالص انا استقريت على الساير ان شاء الله لو الفرق بينه وبين الكالبيدا فى السعر يستاهل ولو السعر مش كبير هجيب الكالبيدا بس حد يشرحلنا موضوع البالونة والفلوماك