صداع شراء سيارة مستعملة في مصر - معلش حاسس الموضوع معقد شوية

يا جماعة انا جديد معاكم هنا وعندى شوية اسئلة بخصوص نقل الملكية و الترخيص لانى الحمد لله ابيض فى الكلام ده :))

الموضوع انى باشترى دلوقتى عربية موديل 2007 بس تبع محافظة تانية و الرخصة فاضل فيها لسه سنتين و انا ان شاء الله هاعمل عقد بيع مسجل فى الشهر العقارى و امضى مشترى لانى مش باحب اعمل حاجة ناقصة

دلوقتى عندى شوية اسئلة :

1- ايه خطوات نقل الملكية و الترخيص باسمى فى المرور ؟
2- السيارة اكيد مدفوع ضريبتها و رسومها و تأمينها للسنتين اللى فاضلين فى الرخصة فهل هادفعهم تانى لو هارخص سنتين بس ( اللى هم اصلا فاضلين فى الرخصة ) ملحوظة ان موقع وزارة الداخلية بيقول انى المفروض ادفع بس رسوم النماذج الرسوم والمبالغ المطلوبة

"فى حالة سريان الضرائب والرسوم للمركبة المنقول قيدها ويتم سداد رسوم النماذج فى الجهة المنقول إليها المركبة فقط ."

3- العربية فيها زجاج فاميه فابريكة مثبت على الرخصة فهل هيتنقل عادى للرخصة الجديدة ولا هيغلسو ؟؟

4- السيارة تبع محافظة تانية و البائع هيجيبلى هو شهادة المخالفات بمعرفته فالسؤال هل ضرورى اروح المرور الاصلى اللى فى المحافظة دى بنفسى ؟؟ و ازاى اتأكد ان السيارة فعلا اوراقها سليمة؟؟

انا عارف دوشتكم شوية بس دى اول مرة ليا و عارف انكم مش هتخذلونى ان شاء الله

الله بس اقدر انصحه لك انك تخلى بالك اوى لان المسروق اليومين دول كتير وانت حاتشترى من محافظه تانيه

بخصوص المحافظه التانيه
انت كده كده لازم هتروح المحافظه التانيه وانت بتجدد الرخصه تانى مره علشان تجيب مخلفات هناك

ولازم لازم لازم تتاكد من روق العربيه يعنى تروح المرور بتاع العربيه وتسال عليها هناك مسروقه او اى حاجه وتانى حاجه متدفعوش الفلوس الا فى الشهر العقارى علشان عمليات النصب كتير اوى وانا واحد منهم اتنصب عليا فى شراء عربيه

جزاكم الله خيرا يا جماعة على الرد بس عندى سؤال :

هو ممكن اروح عادى للمرور اللى السيارة تبعه و اسأل عليها بارقام اللوحات بس ؟؟؟ المفروض انى ماليش صفة عشان اسأل .. ولا الموضوع بيتعمل وديا ولا ايه ؟؟ اعذرونى بس انا فعلا متحير

تروح المرور بتاع السيارة وتقلة رقم السيارة عشان ادفع المخالفات و هوال هايفتح الدفتر ويشوف المخالفات و بكدة تعرف ان السارة مسجلة فى المرور وممكن تسئلة عن مالك السيارة بيبقا مكتوب فى الدفتر