انا هاشترى عربية لاول مرة فى حياتى بعد ال 131 ساعدونى علشان مش فاهم حاجة

**Khaled Online** · 16-08-2011 10:22 AM

أنا زيك تمام...خبرتي في العربيات زيرو
كل اللي أقدر أقولهولك:
ما تشتريش مستعمل + اسأل كتير قبل ما تشتري حتى لو جديد ومن معرض واتأكد كويس من سمعة المكان اللي هتجيب منه وأخيرا طبعا خد معاك ناس بتفهم في ماركة العربية وموديل السنة اللي هتشتريها وانت بتتفرج منعا من بتوع السايلز يبلعوك

المشاركة الأصلية كتبت بواسطة moustafa_saad

اللى ب66 الف الهاف اوبشن
معايا وكويسه الحمد لله ومقضيه الغرض ولو ناوى فعلا شوف انت عاوز تعرف ايه عنها وانا اقولك

الله الله يا أستاذ مصطفى! سايبنا في الاجتماعي وهربان على العام؟ ماشي ماشي! ههههه
ياريت فعلا تبقى تعمل موضوع تفصيلي عن اللوجان وتنزله في القسم بتاعها وإحنا هنتابعك يا عم ونشجعك...حتى من باب خدمة للمنتدى ولإخوانك

**MOUSTAFA_SAAD** · 16-08-2011 12:23 PM

المشاركة الأصلية كتبت بواسطة hany_sushi

بس هل فعلا اللانسر 1300 وحشة ولا ايه فيه ناس كتير كاتبة ان سحبها وحش مع التكييف
مش كدة ولا ايه

اكيد ماتاور 1300 التكييف حياثر عليه جامد
ابنى خالتى كان ماجر لانسر اوتوماتيك 1300 وشغل التكييف فى السفر وكان مخنوق جدا من العربيه
بس انت حالتجيب مانوال يعنى التاثير حيكون ضعيف

المشاركة الأصلية كتبت بواسطة albasha37

يوجد مثل يقول يقول أنا لست غنيا لكي أشتري سيارة مستعملة
السيارات المستعملة مهلكة ماديا وياريت تفكر في الجديد أيا كان النوع وإن كنت أميل للوجان بعد تجربتها

وجهة نظر اؤيدها فى اغلب الحالات
بس لو حتجيب موديل معداش عليه 5 سنين ومش متبهدل بيبقى معقول وبرده كل واحد وظروفه ومقدرته الماديه

المشاركة الأصلية كتبت بواسطة honda4ever

الله الله يا أستاذ مصطفى! سايبنا في الاجتماعي وهربان على العام؟ ماشي ماشي! ههههه
ياريت فعلا تبقى تعمل موضوع تفصيلي عن اللوجان وتنزله في القسم بتاعها وإحنا هنتابعك يا عم ونشجعك...حتى من باب خدمة للمنتدى ولإخوانك

منور ياباشا
هو الاجتماعى بقى حلو والله من بعد لما اتشالت منه السياسه وحطوها فى قسم لوحدها
حتى من يومين كده رجلى كانت حتتسحب لخناقه فى احوال الشارع المصرى بس لحقت نفسى وهربت قبل مااقع فى مصيه
الجزاء ده من المنتدى بقى مشكله كبيره

ان شاء الله ناوى اعمل تقرير عن اللوجان بمايرضى الله من وجهة نظرى المتواضعه بعيوبها ومميزاتها وححاول اجهز صور ليها من تصويرى وخلافه بس حياخد وقت ومجهود ومش عاوز اعمل حاجه اى كلام
عاوز مرجع شامل للى ناوى يشتريها علشان يستفيد منه لان فيه ناس ساعات بيبالغوا فى العربيه جامد ويدبسوا فيها ناس تانيه خبرتها معدومه زيك كده هههههههههه مفكره ان الرينو اتهبلوا وعملوا بى ام ب 70 الف

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

**Khaled Online** · 16-08-2011 02:01 PM

المشاركة الأصلية كتبت بواسطة moustafa_saad

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

إن شاء الله خير
المهم تكون روحت لكذا دكتور كبير (استشاري يعني) قبل ما تعملها فعلا
واحد بس مش كفاية

إن شاء الله خير وشفاك الله وعافاك

**hany_sushi** · 16-08-2011 06:11 PM

انا اولا بشكر كل الناس اللى اهتمت بالموضوع
بس مش عارف ليه انا ميال اوى للانسر والماتريكس مع انكم خوفتونى من المستعمل بس هو يعنى لو جبت ناس بتفهم كويس فى العربيات مش ممكن يجيبولى واحدة من الاتنين دول نضيفة ولا برضو هايبقى فيها مشاكل وليه ماحدش نصحنى بالماتريكس وهل هى افضل ولا اللانسر افضل مع انى شوفت واحد عارض عربية لانسر 1600 سى سى موديل 2006 ب 67 الف دى تبقى حلوة ولا ايه وماتريكس ب 60 الف و65 الف ده كله فى موقع car100_100

**hany_sushi** · 16-08-2011 06:15 PM

وايه رأيكم فى الدايو مع انى مش بطيق شكلها سواء لانوس او نوبيرا اوى اى نوع منها وعايز رأيكم برضو فى النيو اكسنت والجيتس والصنى والاوبل استرا كنت بحبها جدا بس شيلتها من دماغى لان سمعت انها تكنولوجيا معقدة ومش اى حد بيفهم فيها وقطع غيارها نار وانا مش هاستحمل ده
ولا تنصحونى بفيرنا مؤقتا على ما ابقى اقدر اجيب جديد على اساس ان الفيرنا بياعة ووقت ما اجهز للجديد اقدر ابيع الفيرنا بسهولة

**omarr** · 17-08-2011 06:42 AM

الدايو حلوة وبياعه هات لانوس 2

**SYD** · 17-08-2011 03:23 PM

المشاركة الأصلية كتبت بواسطة moustafa_saad

اكيد ماتاور 1300 التكييف حياثر عليه جامد
ابنى خالتى كان ماجر لانسر اوتوماتيك 1300 وشغل التكييف فى السفر وكان مخنوق جدا من العربيه
بس انت حالتجيب مانوال يعنى التاثير حيكون ضعيف

وجهة نظر اؤيدها فى اغلب الحالات
بس لو حتجيب موديل معداش عليه 5 سنين ومش متبهدل بيبقى معقول وبرده كل واحد وظروفه ومقدرته الماديه

منور ياباشا
هو الاجتماعى بقى حلو والله من بعد لما اتشالت منه السياسه وحطوها فى قسم لوحدها
حتى من يومين كده رجلى كانت حتتسحب لخناقه فى احوال الشارع المصرى بس لحقت نفسى وهربت قبل مااقع فى مصيه
الجزاء ده من المنتدى بقى مشكله كبيره

ان شاء الله ناوى اعمل تقرير عن اللوجان بمايرضى الله من وجهة نظرى المتواضعه بعيوبها ومميزاتها وححاول اجهز صور ليها من تصويرى وخلافه بس حياخد وقت ومجهود ومش عاوز اعمل حاجه اى كلام
عاوز مرجع شامل للى ناوى يشتريها علشان يستفيد منه لان فيه ناس ساعات بيبالغوا فى العربيه جامد ويدبسوا فيها ناس تانيه خبرتها معدومه زيك كده هههههههههه مفكره ان الرينو اتهبلوا وعملوا بى ام ب 70 الف

بس ادعيلى ارجع من سفرية بكره لدمياط منصور ان شاء الله لان ناوى اعمل عملية الليزك ودماغى مشغوله جامد من ناحية حينفع اعملها ولا لا ولو عملتها حرتاح فيها ولا لا دعواتك معايا

الف حمدلله علي السلامة مقدما

وربنا يارب يقومك بالسلامة انشاء الله

والله المستعان
،
،

**SYD** · 17-08-2011 03:52 PM

اولا في نقطة مهمة جدا
الزيرو بتخسر فيه عند اعادة البيع
عكس المستعمل،
بتشتريها ب قرش بتبيعها بقرش

وبالتالي

لو عايز تستثمر تحويشة عمرك وماتخسرش منها مليم
هات عربية مستعملة بياعة
_______________________________________
عندك مثلا التويوتا كورولا موديل 2003
عندك مثلا البي ام الدبانة (316 موديل 1997)
عندك مثلا السيفيك xli موديل 1999 او 2000
عندك اللانسر البومة موديل 2006
-----------------------------------------------------------------------
دوول عربيات متمسكة بسعرها لأطول فترة ممكنة يعني بمعني انها بتتغير اسعارها بنسب طفيفة كل 5 او 6 سنين

وفي عربيات ممكن تجيبها كسر زيرو بس هتبقي اقل من العربيات الي فاتو
____________________________________________
دايو لانوس موديل 2009 او 2010
هيونداي فيرنا 2008 او 2009
رينو لوجان موديل 2009
بروتون ساجا
--------------------------------------------------------------------------------

وممكن تجيب عربية ارخص من امكانياتك ووفر الباقي
وفي نفس الوقت هتبقي قطع الغيار حنينة وفي نفس الوقت مش هتخسر فيها كتير
______________________________________________
ابيزا 99
بولو 99
سيفيك 92
-----------------------------------------------------------------------------------

كل العربيات الي فاتو دوول اسعارهم بتتراوح بين 32 و37 وفي نفس الوقت قطع غيارهم اسعارهم كويسة اوي وفي اعادة البيع مش هتخسر كتير

وربنا يوفقك في الشراء

والله المستعان
،
،

-

الموضوع: انا هاشترى عربية لاول مرة فى حياتى بعد ال 131 ساعدونى علشان مش فاهم حاجة

LinkBack

أدوات الموضوع

عرض

بالتوفيق -

-

-

-

-

المواضيع المتشابهه

الرجاء النصيحة علشان انا مش فاهم حاجة

عجبانى العربية دى وعايز اخد رئيكم علشان انا مش فاهم حاجة

ياريت حد يشرح لى .. علشان مش فاهم حاجة

نفسى اشترى عربية لوجان الجديدة !! ساعدونى فى حاجة بسيطة

حشترى عربية لاول مرة فى حياتى وبالقسط ادونى خبرتكو

الكلمات الدلالية لهذا الموضوع

المفضلات

المفضلات

ضوابط المشاركة