انهارده كنت مكيف اوي من العربيه و اليوم الي ببقى متكيف اوي من العربيه فيه لازم يطلعلى فيه كام خزوق على الماشي
كنت واقف في الزحمه انهارده واد من بتوع موتسيكلات الدليفري الي بيطلق عليهم طيارين حك طيارته قصدي الموتسيكل في الاكصدام عندي و خربشه من الجنب حته بتاع 3 سم و انا واقف في الزحمه المهم متعرفش الدنيا تبقى كلها واقفه و دول ماشين كانهم ماشين على رجليهم ناقص يطلعوا على سقف العربيات المهم ان ده اول خربوش في العربيه الحمد لله بوست ايدي شعر و دقن على راي اللمبي بيه المهم ماشي على الدائري مروح كالعاده
و برده متكيف من العربيه غرز و سحب لما بشعر بنزين بتطلع ل 120 و نقلات مريحه للموتور مبعدين 2600 لفه اذ فوجئت بعاصفه ترابيه في وشي انا بس جايه من تريلا معبيه تراب و طايره 120 -130 لاني معرفتش اطلع منه المهم اترزقت بكام حصوايه في القزاز الامامي عملولي نقطتين صغيرين كده على الماشي قولت الحمد لله و روحت و انا بجد بحمد ربنا ان اليوم جه على اد كده
المفضلات