فردة شمال ايه اللى نايمة دى !!!!!!!!!!

**Noha.M** · 09-05-2008 08:32 PM

المشاركة الأصلية كتبت بواسطة fahd_628

برافو عليكى يا اونا عارفة لو كنتى وقفتى كنتى حتلاقى ال 4 عجلات على الأرض :(

بعد كدة على رأى سبعاوى اى حد يقولك العربية فيها كذا قوليلة طيب شكرا و بعد ما تمشى و تطلعى برة البنزينة تبقى تنزلى و تشوفى الموضوع حتى لو قالك العربية بتتحرق !

و ابقى خدى بالك من الحاجات دية بعد كدة

شفتني و انا شاطرة :D

بس انا بجد ازاى اول مرة اخد بالى من الموضوع دة لانه واضح من كلامك ان الموضوع معرف و قديييم

طيب دة الواحد لازم عينه تبقي وسط راسه لما يدخل البنزينة

المشاركة الأصلية كتبت بواسطة معاذ الشرباصى

بيخرموه

بيبقى فى حاجة تخرم الكاوتش متثبتة فى صباعه بخاتم, و هو بيكش على العجلة بيخرمها

انا ابن خالتى محمد, حصل فيه الموقف ده فى بنزبنة شل فى الهرم, عند منزل المنصورية كده

و الراجل قال له العجلة فيها 11 خرم, و المصيبة ان ابن خالتى صدق, و دفعله ساعتها 100 جنيه

انا لو مكانه كنت شنقت الراجل النصاب ده

11 خرم ايه و العجلة ماشية زى الفل

!!!!!!!!!!!

ايه قلة الادب دىى

ازاى الاستهبال بتاع الناس دى؟؟؟

انا كدة هفتح عيني كويس اوى عشان كدة الواحد شكله هيضحك عليه كتيييير

**mbluethunder** · 09-05-2008 08:50 PM

تمام اللي عملتيه ده يا نهى

لسه كان سبعاوي ودكتور احمد بيتكلموا في الموضوع ده النهارده في المقابله

أولا لازم ولا بد وإنتي جوه البنزينه مافيش حد يقرب من العربيه بتاتا غير اللي بيحط البنزين

ثانيا يعني لو العجله نايمه مش هاتقدر تمشيكي لأي واحد بتاع عجل ( أكيد ده واحد بيفتي )

ثالثا ما تتعامليش مع أي واحد بتاع عجل جوه محطة بنزين ( كلهم حراميه ونصابين )

أنا علطول بتعامل في موضوع العجل ده عند توكيل بريدجستون اللي في عباس العقاد .. ولو حصل والعجله نامت .. منفاخ الهوا معايا بيقوم بالواجب لغاية ما أروحلهم

المشاركة الأصلية كتبت بواسطة onna

انا كدة هفتح عيني كويس اوى

رابعا هو إنت بتغمضي عينيكي وإنت سايقه ولا إييييه:D

خامسا ياريت حضرتك تملي نيتروجين في العجل ( لأنه أفضل بكتير ) وفيه مواضيع كتير هنا في المنتدى على الموضوع ده

**Noha.M** · 09-05-2008 08:57 PM

انا والله لو كنت منتبهة للموضوع من الاول يا على و فاهمة موضوع انه بيقولى كدة عشان يبوظلى العجل مكنتش سيبته بس انا اصلا كنت واخداها بحسن نية و كنت هدخل ابهدل الدنيا حتى لو مدير المحطة مقاسم معاهم !

**Noha.M** · 09-05-2008 09:02 PM

المشاركة الأصلية كتبت بواسطة mbluethunder7000

تمام اللي عملتيه ده يا نهى

لسه كان سبعاوي ودكتور احمد بيتكلموا في الموضوع ده النهارده في المقابله

أولا لازم ولا بد وإنتي جوه البنزينه مافيش حد يقرب من العربيه بتاتا غير اللي بيحط البنزين

ثانيا يعني لو العجله نايمه مش هاتقدر تمشيكي لأي واحد بتاع عجل ( أكيد ده واحد بيفتي )

ثالثا ما تتعامليش مع أي واحد بتاع عجل جوه محطة بنزين ( كلهم حراميه ونصابين )

أنا علطول بتعامل في موضوع العجل ده عند توكيل بريدجستون اللي في عباس العقاد .. ولو حصل والعجله نامت .. منفاخ الهوا معايا بيقوم بالواجب لغاية ما أروحلهم

رابعا هو إنت بتغمضي عينيكي وإنت سايقه ولا إييييه:D

خامسا ياريت حضرتك تملي نيتروجين في العجل ( لأنه أفضل بكتير ) وفيه مواضيع كتير هنا في المنتدى على الموضوع ده

انا عمرى على فكرة ما اتعاملت مع بتوع عجل من البنزية بس مثلا لو كان حد بيقولى زمان العجلة نايمة كنت بحسن نية بروح و اخليه ينفخه و خلاص !

بس بجد انا اللى مضايقنى دلوقتى ان كل الناس كانت بتشكر فى توتال و انا استريحت هناك من بنزينهم و فعلا حساه كويس لكن كدة انا بفكر مروحش تانى باة

بس اروح فين باة !

كمان انا افتكرت انا shell بتاع الزراعى كانو بيعملو معايا حركة العجل دى و انا زمان مكنتش مخونة !

بجد احترت والله

بس ايه النتروجين دة؟؟؟؟

**Chicco** · 09-05-2008 09:20 PM

الحمد لله يا نهى انك مشيتي ....أخوكي اتعمل فيه المقلب ده من بتاع ١٠ سنين أو أكتر .....نفس السيناريو ....واقف في المحطة ....العجلة ديه نايمة .....ييجي يزودها ....يقولي ديه أكيد فيها خرم لازم اكشف عليها ....يطلع بتاع ١٠ خروم تانية ...طب ألحمهالك ....و إدفع يا حلو :(
من ساعتها عمري ما بقيت اتعامل مع بتوع العجل اللي في محطات البنزين

بس ايه النتروجين دة؟؟؟؟

انتي عارفة طبعا إن العجل مليان هواء مضغوط ....نسبة النيتروجين فيه حوالي ٨٠٪ ....فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

**kimo-nubira** · 09-05-2008 09:27 PM

المشاركة الأصلية كتبت بواسطة Chicco

.
فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

انا فعلا عامل كده ومريح دماغي من موضوع تظبيط الهوا ده حطيت من كام شهر كده النيتروجين ونسيت موضوع الكاوتش ده

معلش يانهي محدش بقي عنده ضمير دلوقتي وخير ما فعلتي انك مشيتي وقريبا مصر كلها هاتبقي حراميه مش بتوع الكاوتش بس

**Ghamrawy** · 09-05-2008 09:34 PM

عادى ده انعدام دين و اخلاق و ضمير و رجولة كمان و على فكرة ياريت كل الناس ما تعملش الكاوتش فى محطات البنزين و تعملوا عند الناس المعرفة المتخصصة و الحركة دى دايما تتعمل معايا فى شل قبل جرين بلازا فى سموحة اسكندرية و مصر للبترول فى ميدان جليم لدرجة انهم عرفوا العربية و بطلوا يعملوا الحركات دى اه و مرة فى البنزينة اللى قدام مركز مصرية بتاع الميتسوبيشى فى قليوب

**Chicco** · 09-05-2008 09:40 PM

باشا ..الرابط أهو :)

http://www.nilemotors.net/Nile/showthread.php?t=14828

**furp** · 09-05-2008 09:44 PM

ياجماعه

عاااااااااااااااااااااااا اااااااااااادي خالص

ايه في بلدنا مبقاش بيتعمل من نصب واحتيال

يعني اقرب الناس للواحد بقي بينصلوا عليه

يعني واحد صاحبي وعشرة عمري ونصب عليا وخلع عاااااااااااااااادي

بس المهم اننا ننبه بعض ومنخليش الامور تبقي عاااااااااااااادي

والحمدلله اننا لسه بنكلم ومنخليش الامور تبقي عااااااااادي

**Noha.M** · 09-05-2008 10:00 PM

المشاركة الأصلية كتبت بواسطة Chicco

الحمد لله يا نهى انك مشيتي ....أخوكي اتعمل فيه المقلب ده من بتاع ١٠ سنين أو أكتر .....نفس السيناريو ....واقف في المحطة ....العجلة ديه نايمة .....ييجي يزودها ....يقولي ديه أكيد فيها خرم لازم اكشف عليها ....يطلع بتاع ١٠ خروم تانية ...طب ألحمهالك ....و إدفع يا حلو :(
من ساعتها عمري ما بقيت اتعامل مع بتوع العجل اللي في محطات البنزين

انتي عارفة طبعا إن العجل مليان هواء مضغوط ....نسبة النيتروجين فيه حوالي ٨٠٪ ....فيه ناس مخصوصة تشيل الهواء ده و تملي العجل ١٠٠٪ نتروجين ....مفروض إنه أئمن من الهوا العادي و كان فيه كذا موضوع في المنتدى عليه بس بصراحة عمري ما جربته :o

عندك حق :(
ميرسيي يا شيييكوووو على المعلومة الجامدة :)

المشاركة الأصلية كتبت بواسطة kimo-nubira

انا فعلا عامل كده ومريح دماغي من موضوع تظبيط الهوا ده حطيت من كام شهر كده النيتروجين ونسيت موضوع الكاوتش ده

معلش يانهي محدش بقي عنده ضمير دلوقتي وخير ما فعلتي انك مشيتي وقريبا مصر كلها هاتبقي حراميه مش بتوع الكاوتش بس

طبيعي والله انا مش مستغربة بس الموضوع نفسه مختلف عليه اول مرة اعرفه بس قشطة يعني اهه نوع من انواع السرقة و قلة الادب يعني هي جت على بتوع الكاوتش

بس انت عاملوا فين دة يا كيمو؟؟؟؟

المشاركة الأصلية كتبت بواسطة gemino

عادى ده انعدام دين و اخلاق و ضمير و رجولة كمان و على فكرة ياريت كل الناس ما تعملش الكاوتش فى محطات البنزين و تعملوا عند الناس المعرفة المتخصصة و الحركة دى دايما تتعمل معايا فى شل قبل جرين بلازا فى سموحة اسكندرية و مصر للبترول فى ميدان جليم لدرجة انهم عرفوا العربية و بطلوا يعملوا الحركات دى اه و مرة فى البنزينة اللى قدام مركز مصرية بتاع الميتسوبيشى فى قليوب

ههههههههههه

دة منتشر باة الموضووع دة!!! يا خبرررررررررررر

المشاركة الأصلية كتبت بواسطة Chicco

باشا ..الرابط أهو :)

http://www.nilemotors.net/Nile/showthread.php?t=14828

ميرسيي يا شيكوو

اى ويل تشيك ايت ناو :D

المشاركة الأصلية كتبت بواسطة furp

ياجماعه

عاااااااااااااااااااااااا اااااااااااادي خالص

ايه في بلدنا مبقاش بيتعمل من نصب واحتيال

يعني اقرب الناس للواحد بقي بينصلوا عليه

يعني واحد صاحبي وعشرة عمري ونصب عليا وخلع عاااااااااااااااادي

بس المهم اننا ننبه بعض ومنخليش الامور تبقي عاااااااااااااادي

والحمدلله اننا لسه بنكلم ومنخليش الامور تبقي عااااااااادي

عندك حق :(

الموضوع: فردة شمال ايه اللى نايمة دى !!!!!!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

ازاي تعرف ان عداد التاكس اللى انت راكبه شغال شمال ...!!!

عاوز اكصدام لانوس و رفرف شمال امامى و مرايا شمال

عاوز اشترى جوز مساعدين ومقص شمال وشداد شمال

ملاك الياريس - هل عندكم العجلة اللى قدام شمال متأخرة لورا شوية ؟

عاوز اكصدام لانوس و رفرف شمال امامى و مرايا شمال

الكلمات الدلالية لهذا الموضوع

المفضلات

المفضلات

ضوابط المشاركة