فردة شمال ايه اللى نايمة دى !!!!!!!!!!

**mbluethunder** · 09-05-2008 10:12 PM

المشاركة الأصلية كتبت بواسطة onna

انا عمرى على فكرة ما اتعاملت مع بتوع عجل من البنزية بس مثلا لو كان حد بيقولى زمان العجلة نايمة كنت بحسن نية بروح و اخليه ينفخه و خلاص !

بس بجد انا اللى مضايقنى دلوقتى ان كل الناس كانت بتشكر فى توتال و انا استريحت هناك من بنزينهم و فعلا حساه كويس لكن كدة انا بفكر مروحش تانى باة

بس اروح فين باة !

كمان انا افتكرت انا shell بتاع الزراعى كانو بيعملو معايا حركة العجل دى و انا زمان مكنتش مخونة !

بجد احترت والله

بس ايه النتروجين دة؟؟؟؟

مش معنى يا نهى إن الحركه ديه إتعملت معاكي في توتال يبقوا همه كده وحشين

الحركه ديه بتتعمل في كل محطات مصر... معنى كده إننا ما نحوطيش بنزين .. أهو توفير برضه

فالحل الأمثل ................. " شكرا " وتمشي .. بس كده.. ماتعمليش حاجه زياده .. ولا بهدله ولا زعيق ولا الفيلم ده كله ... لإنك مش هاتخلصي لو عملتي كده

النيتروجين ده بقى قصه تانيه ... أغلبية الناس دلوقتي بتحطه لأنه بيريح العربيه وبيبقى خفيف على عفشتها .. وكمان موضوع النوم والصحيان ده مش موجود فيها .. علشان كده شوفي إنتي أقرب مكان ليكي إيه تحطي من عنده نيتروجين وروحيله...

المكان اللي متأكد منه هو توكيل بريدجستون اللي في عباس العقاد اللي موجود جنب محطة كالتكس .. فيه طبعا أماكن تانيه بس أنا مش عارفها

أهم حاجه روحي إملي العجل نيتروجين

**kimo-nubira** · 09-05-2008 10:32 PM

المشاركة الأصلية كتبت بواسطة onna

طبيعي والله انا مش مستغربة بس الموضوع نفسه مختلف عليه اول مرة اعرفه بس قشطة يعني اهه نوع من انواع السرقة و قلة الادب يعني هي جت على بتوع الكاوتش

بس انت عاملوا فين دة يا كيمو؟؟؟؟

انا عملته في بريدج استون فرع المنيل عنوانه بالتفصيل 55 شارع المنيل وسعر الفرده 5 جنيه وده تقريبا اقرب فرع ليكي بارضو

**Noha.M** · 09-05-2008 10:53 PM

ميرسييي يا ايمن هرووح اعمله ان شاء الله

بس اما اخف شوية :(

**WalidAdel** · 09-05-2008 11:14 PM

انعدم الضمير في الشعب المصري و بقي عمله نادره جداً زي ما اي حاجه كويسه في البني ادم اختفت منه سعياً وراء المال و خلاص حلال بقي او حرام دي مش مهم يعني
المهم ازاي يطلع منك اي فلوس و خلاص

الحركه دي اتعملت فيا مره كانت في بنزينة توتال بردو بس اللي في زهراء المعادي علي الدائري (معلش لو الوصف طلع غلط اصلي مش بتذكر الاسماء بتاعت المناطق و الشوارع) المهم صدقت و نزلت من العربيه ابص علي الفرده لاقيتها كويسه ظل يحاول يقنعني ان كده غلط اقوله سيببها شكلها عاجبني كده لحد ما هوه زهق مني و مشي

خالي بالك في الزمن ده متصدقيش حد حتي لو حلفلك علي مصحف الكلام ده عن تجربه بحكم عملي و التعامل مع فئة العمال و الصنايعيه

و ربنا يسترها عليكي و علي البنات اللي زيك

**Noha.M** · 09-05-2008 11:23 PM

الف الف الف شكر يا وليد و ربنا يسترها معانا كلنا لانه والله بقيت بحس ان الناس بقت ممكن تئذي بعضها عشان يطلع منى باى حاجة و مش مشكلة باة يئذيني مثلا و لا يبوظلى العربية و هو شايفها جديدة او حتى يسببلى فى كارثة و انا راجعة بيتنا بالليل بجد حسبي الله و نعم الوكيل !

**WalidAdel** · 09-05-2008 11:40 PM

فعلاً و ده اللي ماشي في البلد اليومين دول والله و في نا بيضحك عليها بسهوله عادي يعني بس حنعمل ايه غير اننا نقول ربنا يسترها

**Noha.M** · 10-05-2008 01:00 AM

المشاركة الأصلية كتبت بواسطة mbluethunder7000

سلمتك يا نهى

إييه اللي حصلك..

يارب تخفى بسرعه

دور برد والله يا علاء مكسرنى و عندى سخونية :(

الله يسلمك ميرسيي :)

10-05-2008 01:54 AM

أول مقريت الموضوع كنت حقولك حطى النيتروجين و ريحى دماغك
بس طبعا الاخوه الافاضل سبقونى
استخدميه علطول حيريحك من كل الافلام دى
عند بريدجستون و انت ادرى بفروعه منى
و سلامتك ؛؛؛؛؛؛؛؛

-

-

الموضوع: فردة شمال ايه اللى نايمة دى !!!!!!!!!!

LinkBack

أدوات الموضوع

عرض

-

-

-

-

-

المواضيع المتشابهه

ازاي تعرف ان عداد التاكس اللى انت راكبه شغال شمال ...!!!

عاوز اكصدام لانوس و رفرف شمال امامى و مرايا شمال

عاوز اشترى جوز مساعدين ومقص شمال وشداد شمال

ملاك الياريس - هل عندكم العجلة اللى قدام شمال متأخرة لورا شوية ؟

عاوز اكصدام لانوس و رفرف شمال امامى و مرايا شمال

الكلمات الدلالية لهذا الموضوع

المفضلات

المفضلات

ضوابط المشاركة