مابلاش السؤال ده ..................
ثلاثة ارباع عامة الشعب هايقولك سببه الثورة
ويقعد يدعي ويشتم في الثورة واللي عملوها
عرض للطباعة
انا واحدة من الناس اللي اتعايرت كذا مرة بعد سرقة العربية
الكل بيقولي مش انتي مع الثورة اهي تسببت في الفوضى وسرقة العربية خلي الثورة ترجعهالك
نفسي ترجع بس عشان شماتة الشامتين
لا حول ولا قوة الا بالله
فيه ايه؟!! واحد يتسرق و يروح للكمين اللي على الطريق اللي اتسرق عليه يقلولو مش تخصصنا اومال تخصص مين تخصصي انا؟!!! هما واقفين بيعملوا ايه و المرتب اللي بيقبضوه و الطبنجة اللي في جنبهم دي و التعليم اللي اتعلموه من فلوسي و فلوس كل واحد فينا و البنزين اللي بيتحط في العربيات الدورية الراكبة دي و كل الكلام ده بيعملوا بيه ايه؟
هو يعني علشان اخدوا على قفاهم بسبب الثورة و علشان استفحالهم اللي مبقاش ليه مثيل يتعاملوا معانا اكنهم بيقولوا ابوا خلوها تنفعكم مانتوا اللي عملتوا كدة في نفسكم
اه هتنفعنا و تخلصنا من الاشكال الضالة اللي زيكم
كل ظابط شرطة معملش اللي عليه و قال ده مش تخصصي في حين انو مدرب و معاه صلاحيات يقدر من خلالها ينقذ اي واحد/واحدة و ماستخدمهاش هيتسأل عليها يوم القيامة و هيتعذب بيها
كل قرش اخدو عن يوم معملش فيه حاجة هيبقى قرش حرام و هيبقى بياكل هو و عياله من فلوس حرام
على النقيض لو اتنيل و اشتغل بما يرضي الله و اتوفى مثلا هيبقى شهيد و ثوابوا عظيم لأنو بيجير مسلم او اي انسان عموما
حسبي الله و نعم الوكيل فيهم كلهم، دول المفروض يلبسوا طرح و يقعدوا في البيت الا من رحم ربي فيهم ناس محترمين بس قليل قوي و مش باينين من كثر السئ اللي حواليهم
احنا محتاجين وزير داخلية انسان يعرف ازاي يتعامل مع البني ادم و في نفس الوقت يعرف يشد على شوية ال...... اللي مش شايفين شغلهم او مش عاوزين ينزلوا و يسويلهم معاش و يجيب غيرهم
يعني ايه اتصل بشرطة النجدة علشان سواق تاكسي اتثبت في المنطقة عندنا علشان نلحق التاكسي بتاعو اللي لسة مستلموا و عليه اققساط و قوته و قوت عياله الاقي نفسي محطوط على الwaiting ليييييييه هو انا بكلم فودافون طيب و الله فودافون بيردوا اسرع و وانا محطوط على الwaiting كان السواق كلم صاحب ليه و كانوا لسة مردوش رجال الامن و الامان و كان فيه 3 تكاسي كل تاكسي فيه 2 وصلوا ليه علشان يمسحوا المنطقة