حكمت المحكمة على أبو غالى / سوبارو إمبريزا 2008

**sherif222** · 04-09-2011 06:16 PM

توكيلات غير محترمة وأصحابها لازم يتحاكموا لانهم يعتبروا من الفاسدين المفسدين

**night_whisper** · 05-09-2011 01:42 AM

المشاركة الأصلية كتبت بواسطة old_cars_lover

السلام عليكم ورحمة الله وبركاتة
إستكمالا لموضوع "##مأساتى مع أبوغالى و سوبارو امبريزا rk 2008 # هل 2008 غير مصممه لمصر###" من قسم السيارات اليابانيه – قسم سوبارو
الآن سأستكمل الأحداث من حيث توقفت بالمستندات والوثائق ، واخيرا أتشرف بنشر الحكم كاملا.

بالإضافة إلى المشاكل السابقه الخاصه بالموتور والعفشه والفرامل...إلخ
أخر الأعطال:
1. تعطل النور العالى.
2. تعطلت البطاريه 4 مرات وشغلت العربيه بوصلة.
3. تعطل كاسيت السياره (لا يشغل أى cd).
4. لمبة فحص الفرامل نورت والفرامل ما بقتش موزونه أكتر من الأول .
5. وفى نفس اليوم وأنا راجع على الطريق السريع ومثبت السرعه على 90 علشان الرادار، فجأه صوت الموتور أتغير والسرعه قلت كتير وكأننى دست فرامل ولمبة فحص المحرك أو خطأ محرك نورت ولمبة مثبت السرعه بتنبض (يعنى تطفى وتنور بإستمرار) ، بسرعه سيطرت على العربيه وبحذر أنتقلت من أقصى الشمال لأقصى اليمين ووقفت وبطلت ودورت تانى ولكن لمبة فحص المحرك فضلت منوره وأيضا مثبت السرعه بينور ويطفى ، وأكتشفت بعد كدة أن مثبت السرعة هنج وما أشتغلش تانى .

وعندئذ حملت العربيه على ونش وركنتها جنب البيت وكانت هذه هى القشة التى قسمت ظهر البعير.
عملت محضر فى القسم ورفعت قضية فى المحكمه الإقتصاديه.

المحكمة الإقتصادية أمرت بفحص السيارة بواسطة لجنة متخصصه من أساتذة جامعة القاهره، ومرفق إليكم الأجزاء الهامه بالتقرير.

وبناء على نتيجة الفحص طلبت المحكمة من أبو غالى إبدال السيارة المعيبه بأخرى فرفض أبو غالى نهائياً.
وعلى هذا صدر الحكم التالى(مرفق 7 صفحات مظلل منها الأجزاء الهامه)

ولكن أبو غالى أستئنف الحكم فصدر حكم الإستئناف بتأييد الحكم الإبتدائى وأصبح الحكم نهائيا

و عليكم السلام و رحمة الله و بركاتة
بصراحة انا بحى حضرتك على أصرارك على أخذ حقك و صبر حضرتك
سوبارو من العربيات المحترمة جدآ على مستوى العالم و ليها ملايين العشاق و سمعة ممتازة فى كل أنحاء العالم
انا شايف بما أن أبو غالى غير جدير بالحصول على توكيل زى توكيل سوبارو يا ريت حضرتك تترجم الحكم اللى صدر لحضرتك و ترسله الى سوبارو العالمية على الاٌقل الشركة الأم تعرف الوكيل بيعامل العملاء أزاى و يكون واضح ليها ان الوكيل دة غير جدير بحمل أسمها
و أتمنى لك التوفيق فى عربيتك الجديد و بأذن الله ربنا يعوضك بسيارة أفضل
تحياتى و تقديرى لشخصكم الفاضل

**khpopo** · 05-09-2011 02:08 AM

تمام

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**M_Marwan** · 05-09-2011 03:03 AM

مليون مبروك وبجد أنت بطل

**mxz911** · 05-09-2011 05:34 AM

الف الف مبروك ويارب الدنيا تمشى كده على طول اللى له حق ياخده

**Hany Adel** · 08-09-2011 02:32 PM

مبروك اخي الكريم

ما ضاع حق وراءة مطالب

يا رب يحترموا المصريين بقه ويعرفوا اننا ناس
مش حاجة تانية

**Usama Nagi** · 13-09-2011 06:27 PM

ربنا يوفقك و يعوض صبرك خير

مش عارف ليه القضاء في مصر حباله طويلة قوي عشان الواحد ياخد حقه خصوصا الحق المدني

و ليه التوكيلات تعاند و تخسر سمعتها و فلوسها في القضايا بدل ما يحاولوا يريحوا العميل