| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 71

  1. #1

    الصورة الرمزية Hossam_Hassan

    رقم العضوية : 333

    تاريخ التسجيل : 29Apr2007

    المشاركات : 3,621

    النوع : ذكر

    الاقامة : شرم الشيخ

    السيارة: Optra 2010 A/T

    السيارة[2]: Optra 2010 A/T

    دراجة بخارية: لا

    الحالة : Hossam_Hassan غير متواجد حالياً

    افتراضي مندوبكم حسام حسن من نقطة شرطة المقطم - Facebook Twitter whatsapp انشر الموضوع فى :

    hasad">

    أولا انا اسف جدا لعدم تكمنى من حضور المقابلة، عندى ظروف ملخبطة و محتاج دعواتكم.

    المهم، النهاردة الصبح الساعة 9:30 كنت نازل اشترى حاجات من السيدة، عند اول منزل المقطم من فوق عند تقاطع المنزل مع مدخل UPTown Cairo الاقى عربية نقل نصر قديمة كبيرة شايلة طوب احمر طالعة عكس الأتجاه، ربنا ستر و تفاديته بصعوبة علشان الأخ كان موسطن نفسه و المنزل ما يساعدش على الفرملة بكفائة 100%، طب الحمد لله، بس اسيبه؟ و لو سيبته و حد غيرى حصله حاجة بسببه، ياترى انا هكون شريك فى الجريمة دى؟

    كل الأفكار دى دارت فى دماغى فى ثوانى، خدت قرارى و من اول ملف رجعت و حصلته بعد ما كان وصل او المقطم و رجع فى الأتجاه الصح، وقفت قدامه ووقفته و من غير ما اتكلم معاه طلبت بوليس النجدة، طبعا الأخ جر ناعم فى الأول و يا باشا و يا بيه و انا مبردش عليه فراح ابتدى يبين الوش التانى بتاع اعمل اللى عاوزه وورينى هتعمل ايه و احنا ميهمناش و الخ الخ الخ و اللى يضحك ان معاه عيل بتاع 12 سنة عمال يكرر الكلام

    لحسن الحظ لقيت بوكس فى الأتجاه التانى، وقفته، كان فيه امين شرطة بس، شرحتله الحكاية، قال للسواق كنت طالع عكس ليه؟ رد و قال ان فى عربية بمقطورة عطلانة على المطلع و راكنة بزاوية متخلهوش تعدى، فقاله هات الرخص، راح مطلع رخصة العربية، فين رخصتك يا ابنى، معنديش رخصة يا باشا، أمين الشرطة راح واخدنى على جنب و كان عاوزنى افوت الموضوع غالبا علشان لقى الحكاية داخلة فى سكة شغل كتير ووجع دماغ أو لأسباب تانية، المهم انا رفضت تماما و فى خلال كلامنا جه السواق و قالنا بكل ثقة انا صاحب العربية هيخلص الحكاية مهما عملتوا فياريت متتعبوش نفسكم، الأمين سمع كده وراح منفجر فيه و رصله وصلة شتيمة عمولة و حلف انه مش هيسيبه حتى لو انا سكت.

    خد رخصة عربيته و بطاقته و مشينا ورا بعض لحد النقطة و فى اول شارع النقطة ركن الأخ و قال ايه الشارع ضيق مش هتدخل و جه على رجله، دخلنا النقطة كان فيها اتنين امناء شرطة، الأمين بتاع البوكس شرح الموضوع و مشى، والأخ السواق رجع لأسلوب معلش دى عليها اقساط و بقالها اسبوعين واقفة و صاحبها بقدرة قادر بقى راجل غلبان و ابوس ايدك و ابوس رجلك و صدقونى كل ما احاول اقنع نفسى انه غلبان، الاقى نظرة التمثيل فى عينيه و كمان كان بيلمح بالتهديد المبطن بكل وضوح لدرجة ان امناء الشرطة لم يحاولوا تصفية الموقف على الأطلاق مع انى عارف ان عندهم ميل دائم لحل الأمور بدل عمل محاضر لتقليل ضغط الشغل.

    قبل ما نعمل المحضر الأمين راح معاه علشان يدخلوا العربية من شارع تانى فملقوهاش، رجعوا و خدتهم و رحنا جبناها من عند تاجر مواد البناء اللى عند نادى الشرق للتأمين و اتضح ان العيل اللى معاه هو اللى خدها و مشى، المهم جبناها و رجعنا النقطة و اتعمل محضر بينى و بينه للمشى عكس الأتجاه و اللى يجنن بقى انه محاولش ينكر و معتبر تصرفه طبيعى جدا و ميستاهلش المحاسبة، و عملوا له محضر تانى علشان معندوش رخصة و اتحفظوا عليه و على العربية، خدت ارقام المحاضر و مشيت

    كام نقطة بقى توضح الصورة:

    - الأخ عنده 23 سنة و صرح فى دفاعه عن نفسه انه سواق قدير بيسوق من 10 سنين و مطلعش رخصة علشان اجراءاتها تتطلب شهادة محو امية و هو ملوش فى العلام، اللى يجنن انه مبصمش على المحضر، لا، مضى امضاء بتاع واحد بيعرف يكتب

    - لما سألوه فين صاحب العربية قال شغال على العربية التانية و عنده نقلة فى البدرشين، يعنى على الأقل عندهم عربيتين نقل، ربنا يكرم عبيده، بس لو شفتوه و هو بيعمل تمثيلية انا غلبان و صاحب العربية معدم و مفيش شغل و مفيش فلوس، والله ممكن قلبك يحن و تبقى عاوز تديله فلوس من جيبك، و ده يخلى اى واحد مننا ميخليش عواطفه تتدخل فى المواقف المصيرية اللى زى دى.

    أخوكم حسام حسن {أبو ليليا و سيليا}


  2. #2

    الصورة الرمزية waleed24ag

    رقم العضوية : 5330

    تاريخ التسجيل : 07Feb2008

    المشاركات : 233

    النوع : ذكر

    الاقامة : القاهره - مصر

    السيارة: لا يوجد

    السيارة[2]: ياريس 2008

    الحالة : waleed24ag غير متواجد حالياً

    افتراضي -

    علي العموم كويس ان انت عملت كده و الحم لله لان واحد زي كده ممكن يسبب كوارث


  3. #3

    الصورة الرمزية ahmedsrs

    رقم العضوية : 2401

    تاريخ التسجيل : 30Sep2007

    المشاركات : 2,873

    النوع : ذكر

    الاقامة : الكوكب الازرق

    السيارة: لايوجد

    السيارة[2]: كيا بيكانتو 2011

    دراجة بخارية: لا

    الحالة : ahmedsrs غير متواجد حالياً

    Thumbs up -

    الله ينور المفروض كلنا نبقى حسام حسن

    http://imageshack.us/photo/my-images/545/6c6d1551112s.gif/


  4. #4

    الصورة الرمزية iunknown

    رقم العضوية : 3129

    تاريخ التسجيل : 12Nov2007

    المشاركات : 529

    النوع : ذكر

    الاقامة : Victoria Island

    السيارة: why this field is mandatory ??

    السيارة[2]: ميتسوبيشي لانسر

    الحالة : iunknown غير متواجد حالياً

    افتراضي -

    برافو عليك يا حسام

    انا في تقديري لو كل واحد شاف حاجة غلط ماسكتش هتتغير حاجات كتير قوي في البلد

    محمد عيسى
    دعوة دروب بوكس


  5. #5

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    الله ينور عليك يا حسام
    انا ارفع لك القبعه تحيه ليك:)
    هو دا الكلام و الشغل الصح
    لو كل واحد بدأ بنفسه الكل حيتغير.


  6. #6

    الصورة الرمزية kero25

    رقم العضوية : 7788

    تاريخ التسجيل : 21Mar2008

    المشاركات : 399

    النوع : ذكر

    الاقامة : NASR CITY

    السيارة: soon isa

    السيارة[2]: HONDA 93 H/B AUTO

    الحالة : kero25 غير متواجد حالياً

    افتراضي -

    تسلم بجد موقف روجلى منك اوى ولو اى حد مكانك كان انا مالى هو انا فاضى ولا انا ماشى لوحدى فى الشارع مفى غيرى انا مالى


  7. #7

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    الله ينور بجد خطوة جامدة جدا جدا

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  8. #8

    الصورة الرمزية MohabSaeed

    رقم العضوية : 571

    تاريخ التسجيل : 09May2007

    المشاركات : 2,355

    النوع : ذكر

    الاقامة : Egypt

    السيارة: Fiat 131 Supermirafiori

    السيارة[2]: Proton Waja - 05 M/T

    دراجة بخارية: -

    الحالة : MohabSaeed غير متواجد حالياً

    افتراضي -

    انا توقفت دقائق ..... قدام تصرفك ............. وفكرت هل انا كنت ممكن اعمل كده ..... !!!!!!!!!! للاسف لا " كنت حكمل طريقى واقعد اسب والعن فيه وخلاص " ... انا من الناس السلبية بتاعت انشاله تولع ............. انا غلط واى حد بيفكر كده غلط .

    والله يا اخ حسام اتمنى ان كلنا نبيقى زيك ونتخلى عن السلبيه المستفحله فينا

    بس برافو علييييييييك " يا قائد مسيره التغير من اجل الاصلاح ":)


  9. #9

    الصورة الرمزية Anti_virus_abdo

    رقم العضوية : 1715

    تاريخ التسجيل : 12Aug2007

    المشاركات : 693

    النوع : ذكر

    الاقامة : cairo

    السيارة: Corolla 1.6 sport 2007

    السيارة[2]: Grande punto PK2 2010

    دراجة بخارية: لا يوجد

    الحالة : Anti_virus_abdo غير متواجد حالياً

    افتراضي -

    اقتباس المشاركة الأصلية كتبت بواسطة hazem_khidr مشاهدة المشاركة
    الله ينور عليك يا حسام
    انا ارفع لك القبعه تحيه ليك:)
    هو دا الكلام و الشغل الصح
    لو كل واحد بدأ بنفسه الكل حيتغير.
    +111111111111111


  10. #10

    الصورة الرمزية Hossam_Hassan

    رقم العضوية : 333

    تاريخ التسجيل : 29Apr2007

    المشاركات : 3,621

    النوع : ذكر

    الاقامة : شرم الشيخ

    السيارة: Optra 2010 A/T

    السيارة[2]: Optra 2010 A/T

    دراجة بخارية: لا

    الحالة : Hossam_Hassan غير متواجد حالياً

    افتراضي -

    hasad">

    بأمانة ربنا يا اخوانى فى خلال الموضوع انا دماغى كانت مليانة بافكار من نوعية "طب مهوا ممكن السواق ده او حد من طرفه يتعرضلى او يعمل حاجة فى عربيتى"، خصوصا ان عنوانى اتكتب فى المحضر و لغاية دلوقتى فى نسبة قلق، بس اللى مخلينى مقتنع تماما باللى عملته انى ممكن اكون سبب فى نجاة حد من موقف زى ده، و ربنا يسترها و يكون قلقى مش صحيح.

    بس المهم انى اتحركت و صدقونى ان شاء الله مش هتكون اخر مرة، انا زهقت من السكوت و سكوتنا على حاجات صغيرة هو اللى خلانا مش قادرين نتحرك فى الحاجات الكبيرة، بس خلاص، واحدة واحدة هدرب نفسى انى اتحرك، لأننا خلاص، ضهرنا قرب قوى يبقى للبحر.

    أخوكم حسام حسن {أبو ليليا و سيليا}



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. مؤشر الحرارة عندي احيانا 2 شرطة والاغلب 4 شرطة .حد عنده كده؟
    بواسطة ali_333 في المنتدى قسم خاص بالسيارة لـــوجـــــان
    مشاركات: 23
    آخر مشاركة: 18-09-2012, 11:47 PM
  2. بهدوء و نقطة نقطة
    بواسطة تامر.محمد في المنتدى المنتــــــدى الاجتمــاعى
    مشاركات: 11
    آخر مشاركة: 02-03-2011, 11:27 PM
  3. عايزين نتطمن علي أخونا حسام سيف .. (انت فين ياعمو حسام؟)
    بواسطة wassim_nasser في المنتدى المنتــــــدى الاجتمــاعى
    مشاركات: 35
    آخر مشاركة: 18-12-2010, 02:07 PM
  4. 6000 نقطة
    بواسطة احمد عبدالله في المنتدى نايل موتورز مول
    مشاركات: 0
    آخر مشاركة: 31-01-2010, 12:21 AM
  5. نقطة الحسم
    بواسطة Ahmedelattar في المنتدى قســـــــــم المقارنــــات
    مشاركات: 9
    آخر مشاركة: 21-12-2009, 09:54 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2