السلام عليكم ....
حد يعرف سعر الزجاج الامامي ل سكودا فانتازيا بكام فالتوكيل او بره التوكيل .
عرض للطباعة
السلام عليكم ....
حد يعرف سعر الزجاج الامامي ل سكودا فانتازيا بكام فالتوكيل او بره التوكيل .
زجاج الخلفي بتاع الa4ف التوكيل ب1350
مش عارف الامامي بتاع الفانتازيا بكام
بس انا ركبت مستورد ب400 برة التوكيل
الامامى استيراد بحوالى 600 جنيه ..ممكن تروح مصنع دكتور جريتش فى العاشر هتلاقيه هناك و مش هيزيد عن 500 جنيه
ده نورك يا باشا
انا اسف على غيابى الفتره دى ..بس غصب عنى فعلا
يا باشا ربنا يرحمه ويغفرلة
هو في التوكيل بالتركيب حوالي 1850 وفي دكتور جريش حوالى 340 تقريبا زفي ناس بتوع ازاز بيجيبو استيراد صيني بحوالى 500 جنية لان مفيش استيراد بتاع بلدها .. الاسعار دي كنت سالت عليها من فترة ممكن تراجعها بالتليفون اتصل بالتوكيل واتصل بدكتور جريش ورائي سيبك من المستورد
شكرا على الردود يا شباب
بره ب 450 جنيه ف التوكيل ب 1400 جنيه ..... و الاتنين واحد متفرقهمش عن بعض و ال من بره برده محطوط عليه علامة سكودا
انا غيرت الزجاج من بره التوكيل و بجد زباله و اسف على اللفظ دا كنت جايبه ب 600 من سموحه فى الاسكندريه و فى التوكيل ب 1600 بالتركيب ........ اولا مش بشوف حاجه لما بكون ماشى فى مكان فيه ظل و طالع على شمس. و تانى حاجه المساحات بتعمل عليه صوت غريب.. انا نفسى الزجاج يتكسر عشان اغيره و كمان مش تنسه يركبلك جلده للزجاج عشان انا غلط و مش كنت اعرف و ناو لما باعدى ال140 بسمع صوت هوا جامد ف العربيه
السلام عليكم .
أنا رحت غيرته عند دكتور جريش فالعشر من رمضان ب 450 جنيه والله مش وحش بس برده عشان أكون علتلك كل حاجة فيه مشكلتين بس :
1- عزل الحرارة في الأصلي أعلى لكن مش وحش قوي برده في الجديد.
2- مكان مراية الصالون أعلى 2 سم من الأصلي وخدت مني مجهود إني أعرف احلها لكن الحمد لله اتصرفت لكن بعت ليهم على المشكلة دي وردوا عليَّ انهم بيشوفوا .
الملخص إني مش مضايق من الإزاز ده قصاد فرق السعر لكن طبعا مفيش حاجة زي الأصلي.