الموضوع: المنح الدراسية الخارجية

المشاركة الأصلية كتبت بواسطة ahmed4000

كل عام وانتم بخير

موضوع المنح بقى منتشر جدا فى مصر وممكن الناس تلاقى فرصة كويسة لو بذلت مجهود

اى منحة حتطلب منك يكون معاك موافقة من الجامعة الاول..يعنى لازم الاول تجيب قبول من جامعة بره - الاولولية للجامعات اللى ترتيبها عالى- وطبعا ممكن تشوف على الانترنت اى ترتيب للجامعات

طبعا الجامعة ليها شروطها واهمها اللغة من خلال تويفل او ايلتس بسكور معين وكمان سكور فى الحاجات الفرعية خاصة الكتابة

الجامعات نفسها بيبقى عندها منح فحتلاقى ركن جواها بيتكلم ازاى تمول

لو بتفكر فى منحة من جهة فى مصر فعندك كتير منهم التالى

- مؤسسة المصرى
- فولبرايت
-مؤسسة القلعة سيتادل
- فورد
- شيفينج بتاعة المركز الثقافى البريطانى

دول اللى فاكرهم دلوقتى
طبعا بعد مبتجيب جواب القبول (لازم القبول يبقى نهائى وغير مشروط) بيبقى كمان مطلوب منك خطابان تزكية من اثنين دكاترة وساعات بيسمحوا بجواب من شخص فى العمل (كده كده لازم علشان تقبل فى اى جامعة يكون معاك الخطابين دول)

التقدير بيبقى غالبا جيد وبعضهم بيطلبوا جيد جدا

لازم يبقى عندك خبرة عملية (فى منح بتطلب سنتين وفى 5 كل واحدة على حسب)

بعد التقديم بيبقى عندهم انترفيو علشان يختاروا احسن ناس بس فى جهات بتعتمد اكتر على ترتيب الجامعة اللى انت مقبول فيها

كل المنح دى حيبدا الاعلانات عنها من اول شهر 9 تقريبا وكلها بينتهى التقديم فيها فى شهر 2 او 3 (بس الفترة دى مش طويلة على فكرة لان التويفل لوحده حياخدله اسبوعين تصحيح وحتحجز قبلها باسبوعين على الاقل وبعدين اسبوعين علشان يوصل للجامعة فالموضوع ببياخد وقت ولازم تبدا فيه من دلوقتى )
علشان يلحقوا يختاروا الناس قبل شهر 5 او 6 اللى هو بيبقى اخر ميعاد بالنسبة للجامعة لدفعة شهر سبتمبر

لو فى اى استفسارات تانى قول وانا تحت امرك

شكرا جزيلا لردك الوافى استاذ احمد

انا كده فهمت من حضرتك انى الاول اجيب موافقة من الجامعة اللى عاوز ادرس فيها ثم ابحث عن جهة تمويلنى مثل اللى حضرتك ذكرتهم و يكون معى خطاب تزكية من دكتوران فى اى جامعة مصرية و انى اجتاز الشروط الموضوعة لكى اتاهل .ده مجمل فهمى لشرح حضرتك و ارجو التصحيح اذا كنت المعلومة لم تصل الى

و هل الممول بيكون له شروط اخرى لاجتيزها غير شروط الجامعة ؟؟

تحياتى