هل انت راضى عن نفسك و عملك .... ولا بتطلع للتغيير للاحسن

هل انت راضى عن نفسك عن دراستك عن مستواك العلمى عن مستواك العملى عن المكان اللى انت فيه ؟؟

طاب راضى عن مكان عملك و حاسس انه بيطورك و بيساعدك يديك خبرة و لا بيهدك و يضيعك و مسبب لك معوقات فى تنمية نفسك ولا لا بيزيد و لا بيقل ؟؟

و لو فيه معوقات فى شغلك مضايقك حاولت تتناقش مع الغير و تشوف لها حل و لا سلمت و اعتبرتها امر واقع ؟؟

هل بتحب مكان عملك ؟؟ مجال اللى شغال فيه ؟؟؟ و لو مبتحبش مكان شغلك او مجالك ليه محاولتش تغيير من نفسك تزود مهارتك علشان تسيبه و تنتقل للاحسن

دعوة مفتوحة للنقاش ...للحوار ... للتغيير للافضل

موضوع حلو ....
فى غرائز ربنا خلقها فى الأنسان غير الأكل و الشرب ألخ ....
زى غريزة حب البقاء وغريزة البحث عن الأفضل ....
يعنى كلنا دايمآ بندور على الأحسن فى كل شىء ....
الوظيفة الأحسن , المرتب الأعلى , الزوجة الأنسب ....
والطموح ملوش سقف يعنى لما بتلاقى وظيفة بمرتب حلو ....
بتتمنى أنك تلاقى وظيفة تانى بمرتب أحلى ....
أما بخصوص الشغل فأنا أؤكد لك أن مفيش حد مستريح فى شغلة مهما كان ....

الرضي لا يتعارض مع الطموح

بمعني
انا قصدي
ان ممكن انا ابقي راضي بالي انا فيه وبما قسمه الله لي
وبالي مرتاح

وفي نفس الوقت بطور نفسي وعندي طموح كبير وتطلعات كتير نفسي احققها وبحارب علشان احققها

واعتقد مافيش حد منا حاسس انه وصل للي هو عاوزه وخلاص مش محتاج حاجة
دايما الطموح والرغبة متجددين

بالنسبة لي بقي
مش راضي عن مكان عملي بنسبة 100%
بس هو بيزودني في حاجات وبينقصني في حاجات

واكيد في معوقات كتير
بس بحاول احلها بنفسي بصراحة نادر لما اتكلم مع حد

ومن ناحية بحب مجالي ( مهندس شبكات ري ولاندسكيب وتنسيق مواقع ) بحبه اوي
علشان كده مستحمل لحد دلوقتي :khd:

اللهم اني اسئلك الرضي

اقتباس:

---

المشاركة الأصلية كتبت بواسطة maka

هل انت راضى عن نفسك عن دراستك عن مستواك العلمى عن مستواك العملى عن المكان اللى انت فيه ؟؟
والله الحمد لله راضى لكن دايما بتطلع للافضل بس طبعا فى بلدما بنرضى بامور واقع كتير ومش بتقدر توصل للانت عاوزه بسهوله الا لو ربنا كاتبلك دة
طاب راضى عن مكان عملك و حاسس انه بيطورك و بيساعدك يديك خبرة و لا بيهدك و يضيعك و مسبب لك معوقات فى تنمية نفسك ولا لا بيزيد و لا بيقل ؟؟
غير راضى تماما عن مكان عملى مع ان بحب مجال عملى جدا على الرغم انه شاق جدا ومحتاج مجهود على كبير لكن برضه مش بحس بالتعب دة وحاليا بسعى انى ادور على مكان افضل فى نفس المجال وربنا يكرمنى ان الاقى مكان اريح
و لو فيه معوقات فى شغلك مضايقك حاولت تتناقش مع الغير و تشوف لها حل و لا سلمت و اعتبرتها امر واقع ؟؟
المعوقات دايما امر واقع لانك بتروح على مكان جديد بتلاقى دة امر واثع قدامك وبتحاول تغيره لكن بلا جدوى انا بقالى سنة ونص قى المكان دة ونفس شكوتى من ساعة ما اتعينت لحد ماهسيب المكان هى هى مع ان كتير حاولوا يغيروا
هل بتحب مكان عملك ؟؟ مجال اللى شغال فيه ؟؟؟ و لو مبتحبش مكان شغلك او مجالك ليه محاولتش تغيير من نفسك تزود مهارتك علشان تسيبه و تنتقل للاحسن
من افضل المجالات البحبها مجال عملى وبحب وبحاول اطور من نفسي فيه ودايما بسعى انى اكون افضل فى المجال دة لانه مش سهل ودايما فيه جديد
دعوة مفتوحة للنقاش ...للحوار ... للتغيير للافضل

---

اقتباس:

---

المشاركة الأصلية كتبت بواسطة maka

هل انت راضى عن نفسك عن دراستك عن مستواك العلمى عن مستواك العملى عن المكان اللى انت فيه ؟؟

راضى لكن بتتطلع للاحسن مستوى الحالى اقل بكتيير الشكل اللى عاوز اوصله . للاسف ضيعت وقت كتيير و علقت حاجات كتيير على شمعة الظروف فبالتالى لقيت نفسى بدى المكان و اقومه و هو بيوقعنى و يقلل مستوى

طاب راضى عن مكان عملك و حاسس انه بيطورك و بيساعدك يديك خبرة و لا بيهدك و يضيعك و مسبب لك معوقات فى تنمية نفسك ولا لا بيزيد و لا بيقل ؟؟

غير راضى تماما عن مكان عملى بسبب انعدام النظام و الروتين و كره الناس بعضهم للاخر

فى الاقل كان بيطورنى و يدينى خبرة لكن بعد فترة و بعد ما شيلت مسئولية بقى بيعقنى بكثرة مشاكله فى تطوير نفسى لدرجة انى بقيت احس انا و لا هو

للاسف غلطت غلطة عمرى بعد الكلية كان عندى نقط عارفها و عاوز اصقلها و انميها لكن مدتش الموضوع ادنى اهتمام فبالتالى مستوى كان مستوى الخريج العادى جدا و دورت على شغل و ربنا وفق بعد فترة بعد مقضيت فى الشغل فترة سنتين اكتشفت انى كنت غلطان لانى عملت زى بياكل قبل ما يسوى الاكل
فبقيت بنصح للخريجين اللى اعرفهم لانى ملقتش حد ينصحنى

و لله الحمد على كل شىء

و لو فيه معوقات فى شغلك مضايقك حاولت تتناقش مع الغير و تشوف لها حل و لا سلمت و اعتبرتها امر واقع ؟؟

المناقشة خير وسيلة لحل المشاكل البعض يريد المشاكل لانه لا يتقن غيرها . من الاخر مش بتاع شغل و مش هيظهر غير بالمشاكل

هل بتحب مكان عملك ؟؟ مجال اللى شغال فيه ؟؟؟ و لو مبتحبش مكان شغلك او مجالك ليه محاولتش تغيير من نفسك تزود مهارتك علشان تسيبه و تنتقل للاحسن

مكان عملى لا , مجالى بحبه جدا و مختار بنفسى رغم ان مجموعى كان بيرشحنى لاقسام اعلى

للاسف خطوة تنمية النفس خدتها متاخر رغم ان معظم الاصدقاء نصحونى بها مرار و تكرار

دعوة مفتوحة للنقاش ...للحوار ... للتغيير للافضل

---

هل حد عنده الجراة او جاتله الجراة انه يسيب شغله و يقعد فى البيت لو حس ان المكان بيوقعه ؟؟؟

واحد صاحبى خد الخطوة دى من 6 اشهر و كلنا نصحنا بالرجوع عنها و نتيجة انه قعد طور اللى نقصه و زوده و حاليا فى شركة من كبرى الشركات فى مجالنا

كانت خطوة جريئة منه البعض منا مش قادرين ياخدوها لحد دلوقتى .


مازالت الدعوة مفتوحة للحوار .... اتمنى مشاركة اكثر

مشكلتي في الشغل مش في مجال الشغل نفسه اللي هوا ورش اصلاح العربيات النقل انما في نوعية العمالة السيئة ونوعية الاجيال الجديدة وخصوصا المهندسين حديثي التخرج
مش عايزين يتعبوا ابداااااااااااااااااااااا ااااااااااااااااااااااااا اااااااااااااا
يوميا في شغلي فيه جديد معلومه جديده او خطا اتعلم منه سواء فني او اداري انما اللي بيدايقني تكرار الاخطاء هيا هيا من فريق العمل اللي معايا وكاني بدن في مالطه كل يوم نفس التعليمات وكل يوم نفس الاخطاء ونفس التناحه ونفس الخساير
احيانا بحس اني مش لازم اكمل في الشركة دي انما القرار ده محكوم بحاجتين
اول حاجه ان المجال حيوي ومطلوب ويوميا بنمي خبرتي
ثانيا مش ضامن ابدا اني الاقي شركه زي دي بنفس الوظيفة والمميزات
ساعات بحس ان المشكلة فيا انا اني مش قادر اقود فريق العمل بشكل سليم لاني مااخدتش اي تدريب ازاي اكون مدير
وكتير عرضت على الادارة موضوع التدريب ده
لكن طبعا القطاع الخاص المصري الجميل بيشوف انه اي تدريب بياخده الموظف بيكون الموظف هوا المستفيد منه مش الشركة
مع اني شايف ان العكس هوا الصحيح
بحاول بقي يوميا اني اتابع على النت يمكن الاقي معلومه في الادارة او اقرا كتاب في الادارة واحيانا اقعد مع نفسي اراجع قراراتي واشوف ايه كان غلط وايه كان صح وبحاول اعدل من نفسي
انما ضغط العمل اليومي الكاسح مش مديني فرصه

اقتباس:

---

المشاركة الأصلية كتبت بواسطة ghosts

موضوع حلو ....
فى غرائز ربنا خلقها فى الأنسان غير الأكل و الشرب ألخ ....
زى غريزة حب البقاء وغريزة البحث عن الأفضل ....
يعنى كلنا دايمآ بندور على الأحسن فى كل شىء ....
الوظيفة الأحسن , المرتب الأعلى , الزوجة الأنسب ....
والطموح ملوش سقف يعنى لما بتلاقى وظيفة بمرتب حلو ....
بتتمنى أنك تلاقى وظيفة تانى بمرتب أحلى ....
أما بخصوص الشغل فأنا أؤكد لك أن مفيش حد مستريح فى شغلة مهما كان ....

---

كلامك صح بالنسبة للطموح بس فيه ناس معندهاش طموح او طموحه ضيق الافق , فيه اللى معندوش هدف او رؤية لمستقبله , فيه اللى تايه و عاوز اللى يوجه , و فيه اللى خايف من المغامرة يقولك انا لسه هسيب المكان هنا و اجرب غيره و فيه اللى مش عاوز يتعب نفسه للاسف

بس فى الفترة دى مينفعش البلد تبقى بتتفير و بتاخد منحنى تانى و احنا مش عايزين نتغيير

مينفعش البلد تقوم فيها ثورة و الناس لسه بتاخد مصدر ثقافتها من كيد النسا و رامز قلب الاسد

مينفعش يفضل الشعب جاهل

اما موضوع الشغل ده فبختك يا ابو بخيت فى ناس بتقع مع ناس اخلاق و مريحة و بتساعد بعضه و فيه ناس بتقع مع العكس مما يخلق ضغوط نفسية

تحياتى

اقتباس:

---

المشاركة الأصلية كتبت بواسطة abdo_general

الرضي لا يتعارض مع الطموح

بمعني
انا قصدي
ان ممكن انا ابقي راضي بالي انا فيه وبما قسمه الله لي
وبالي مرتاح

وفي نفس الوقت بطور نفسي وعندي طموح كبير وتطلعات كتير نفسي احققها وبحارب علشان احققها

واعتقد مافيش حد منا حاسس انه وصل للي هو عاوزه وخلاص مش محتاج حاجة
دايما الطموح والرغبة متجددين

بالنسبة لي بقي
مش راضي عن مكان عملي بنسبة 100%
بس هو بيزودني في حاجات وبينقصني في حاجات

واكيد في معوقات كتير
بس بحاول احلها بنفسي بصراحة نادر لما اتكلم مع حد

ومن ناحية بحب مجالي ( مهندس شبكات ري ولاندسكيب وتنسيق مواقع ) بحبه اوي
علشان كده مستحمل لحد دلوقتي :khd:

---

طالما مش راضى عن مكان عملك خد الوضع ده تحدى ليك و متعتبرش الخبرة هى المحور الاساسى لكن حسن محاور تانية بجانب الشغل : اللغة , دور على كتب فى مجالك و اقراءها , دور على منتديات و مواقع لتخصصك و شارك فيها , حضر ماجيستير , اقراء فى التنمية البشرية مفيدة جدا

قسم وقت فراغك و استفيد بيه ميبقاش كله خروج و برده ميبقاش كله شغل انت لسه سنك صغير خد التجربة و بداء قبل ما العمر يفوت

اقتباس:

---

المشاركة الأصلية كتبت بواسطة askafrawy

من افضل المجالات البحبها مجال عملى وبحب وبحاول اطور من نفسي فيه ودايما بسعى انى اكون افضل فى المجال دة لانه مش سهل ودايما فيه جديد

---

ربنا يكرمك بالاحسن منه ان شاء الله يا احمد

بس من غير زعل صاحب مراة صاحبه , الخطوة دى انا شايفك مقصر فيها من وجهة نظرى التطوير الافضل و المناسب لشغلك و لسنك انك تدور على كورس ادارة اعمال محترم و تبدء فيه مهما كان شغل صعب حاول من راىء انه هينفعك اوى تخيل حاجة الاستفادة اللى هتعود عليك منه تخيل انك بتقدم السى فى فى شركة محترمة و انت كاتب حاصل على كورس ادارة اعمال من كذا

بالتوفيق باذن الله

اقتباس:

---

المشاركة الأصلية كتبت بواسطة dieseltrucker

مشكلتي في الشغل مش في مجال الشغل نفسه اللي هوا ورش اصلاح العربيات النقل انما في نوعية العمالة السيئة ونوعية الاجيال الجديدة وخصوصا المهندسين حديثي التخرج
مش عايزين يتعبوا ابداااااااااااااااااااااا ااااااااااااااااااااااااا اااااااااااااا
يوميا في شغلي فيه جديد معلومه جديده او خطا اتعلم منه سواء فني او اداري انما اللي بيدايقني تكرار الاخطاء هيا هيا من فريق العمل اللي معايا وكاني بدن في مالطه كل يوم نفس التعليمات وكل يوم نفس الاخطاء ونفس التناحه ونفس الخساير
احيانا بحس اني مش لازم اكمل في الشركة دي انما القرار ده محكوم بحاجتين
اول حاجه ان المجال حيوي ومطلوب ويوميا بنمي خبرتي
ثانيا مش ضامن ابدا اني الاقي شركه زي دي بنفس الوظيفة والمميزات
ساعات بحس ان المشكلة فيا انا اني مش قادر اقود فريق العمل بشكل سليم لاني مااخدتش اي تدريب ازاي اكون مدير
وكتير عرضت على الادارة موضوع التدريب ده
لكن طبعا القطاع الخاص المصري الجميل بيشوف انه اي تدريب بياخده الموظف بيكون الموظف هوا المستفيد منه مش الشركة
مع اني شايف ان العكس هوا الصحيح
بحاول بقي يوميا اني اتابع على النت يمكن الاقي معلومه في الادارة او اقرا كتاب في الادارة واحيانا اقعد مع نفسي اراجع قراراتي واشوف ايه كان غلط وايه كان صح وبحاول اعدل من نفسي
انما ضغط العمل اليومي الكاسح مش مديني فرصه

---

لاسف تقريبا مشكلة مشتركة مع حضرتك التعامل مع العمالة بتضطر تنزل بالمستوى التفكيرى لتحت شوية حلوين علشان تعرف تتعامل معه و المشكلة الاكبر فى الجيل الحالى بيبدء يشيل الحدود و ممكن يتعامل ببذاء فالتعامل معهم يكون بمنتهى الوعى

و الوجه الاخر المهندسين الجداد - و اللى انا كنت زيهم - بتبقى سارقهم السكينة و مش واخد باله ان الايام بتعدى و انه تايه وسط الايام بدون تشكيل نفسه

شغلى السابق - اللى حاليا بالفعل بفكر اسيبه و مرجعش من الاجازة المفتوحة - جزء منه قيادة فريق العمل هو شىء متعب لكن الشغل كده , و من خبرتى فى هذا الشأن علشان تقود فريق لازم يبقى : 1- فاهم كل واحد وعارف بيفكر ازاى 2 - تقسيم الشغل على الفريق حسب خبرة و تفكير كل واحد 3- العدل و عدم المجاملة 4- مبداء الثواب و العقاب بيكرر اخطاءه ولا بيتعلم منها 5- المتابعة اليومية لكل شخص عمل شغله صح و لا لا

اى شغل او بيزنس سواء خاص او عام - زى حالتى - بيبقى عاوز ياخد ميديش يستفيد منك باقصى درجة من غير ما يفيدك و لا يفيد نفسه بشكل غير مباشر و القاعدة التانية فى مصر الشغل مبيقفش على حد مهما كنت ماهر و شاطر جدا و قايم بالمكان لو اختلفت المصالح مع المدير او صاحب العمل اقرب ملف و بيحدفك

انا معرفش مسئولياتك و لا سنك و عارف ان الشغل بالطريق دى مهلك للاعصاب و مجهد عن تجربة بس متخدش ده عذر او شماعة حاول تاخد من المكان كل اللى يفيدك و زود نفسك انت بالباقى باللى ناقصك النت عليه كل حاجة , خد كورسات بس نصيحة من اخوك متجليش مكان شغل يشيدك و يلهيك عن نفسك و بعد كام سنة زى تلاقى نفسك محلك سر و اخيرا حاول تخلى ليك هدف او رؤية تشدك و تتحرك ليها

بالتوفيق

لاسف غيرراضى من اول لما دخلت الكليه وانا غير راضى

دخلت كلية الهندسه اللى كنت بحبها وسيبتها بعد 3 ايام لانها كانت فى اسيوط وكنت بمر بظروف عائليه مسمحتشى انى وقتها اسيب امى المريضه واسافر بعيد عنها وبعديها بشهر اتوفت امى وبدات رحلة النحس معايا كان بوفاتها ابواب السما اتقفلت فى وشى

دخلت تجاره وقولت امرى لله واتخرجت بتقدير جيد جدا وطلعت ال17 على الدفعه اللى عددها بالالوف
وكل شويه الاقى بنك بيعتلى لوحده من غير ماروحله ويقولى اختيار اروح الاقى ناس تانيه اتعينت واسال يقولك وسطه ورشوه ومحسوبيه وشوف حد يخلصك

ولما ماعرفتش راحت عليا فرصة البنك واشتغلت فى شركة مقاولات بتاعت خالى 6 سنين اتعلمت فيهم التعامل مع الناس بحق وحاجات تانيه كتير بس تعبت معاه ومكنشى الشغل عاجبنى وحاسس ان مستقبله مش مضمون وفعلا بعد لما سيبته بسنتين صفى الشركه وقفل وكنت قبليها متعين فى الجوازات وبرده مش راضى عنها لانى ليا طموح والوظيفه الحكومه بتقتل اى طموح ده غير ان الموظف المدنى فى الداخليه مهما عمل بيعتبر كائن درجة تانيه والظابط هو خليفة الله فى الارض رغم انهم مابيعملوش اى حاجه فى شغلنا

خدت كورسات انجليزى وكومبيوتر كتير وصرفت كتير وقولت اسافر بره
وبعد لف سنه كامله وسفر كل يومين القاهره لمكاتب السفريات علشان اشوف عقد محترم مالقيش حاجه وفى الاخر لقيت عقد معقول ودفعت فيه اللى حوشته من الشغل فى 3 سنين ونص وخدت التاشيره وكله وفى الاخر الشغل رفض يدينى اجازه بحجة ان معداش عليا 5 سنين فى الخدمه وده قرار مطلعه السيد اللواء المسجون حاليا حبيب العادلى الله يجحمه ومايخرجه من السجن ابدا

عملت البدع واتحايلت ومسيبتش حد غير ماروحله وحتى المكاتيب بتاعتهم مش راضيين يدخلونى فيها علشان اقولهم مشكلتى منتهى العنتظه والغطرسه والظلم وعلشان كده ربنا بينتقم منهم دلوقتى

وراحت فلوسى وشقايا على الارض وبدات من جديد رحلة البناء وانا عمرى 32 سنه بس محبط ومعدشى عندى اى قيمه للفلوس وحاسس ان لو حوشت حاجه تانى حاتروح برده زى اللى قبلها وبقيت عايش حياتى بالطول والعرض

حرام عليك ياخى قلبت عليا المواجع

اقتباس:

---

المشاركة الأصلية كتبت بواسطة moustafa_saad

لاسف غيرراضى من اول لما دخلت الكليه وانا غير راضى

دخلت كلية الهندسه اللى كنت بحبها وسيبتها بعد 3 ايام لانها كانت فى اسيوط وكنت بمر بظروف عائليه مسمحتشى انى وقتها اسيب امى المريضه واسافر بعيد عنها وبعديها بشهر اتوفت امى وبدات رحلة النحس معايا كان بوفاتها ابواب السما اتقفلت فى وشى

دخلت تجاره وقولت امرى لله واتخرجت بتقدير جيد جدا وطلعت ال17 على الدفعه اللى عددها بالالوف
وكل شويه الاقى بنك بيعتلى لوحده من غير ماروحله ويقولى اختيار اروح الاقى ناس تانيه اتعينت واسال يقولك وسطه ورشوه ومحسوبيه وشوف حد يخلصك

ولما ماعرفتش راحت عليا فرصة البنك واشتغلت فى شركة مقاولات بتاعت خالى 6 سنين اتعلمت فيهم التعامل مع الناس بحق وحاجات تانيه كتير بس تعبت معاه ومكنشى الشغل عاجبنى وحاسس ان مستقبله مش مضمون وفعلا بعد لما سيبته بسنتين صفى الشركه وقفل وكنت قبليها متعين فى الجوازات وبرده مش راضى عنها لانى ليا طموح والوظيفه الحكومه بتقتل اى طموح ده غير ان الموظف المدنى فى الداخليه مهما عمل بيعتبر كائن درجة تانيه والظابط هو خليفة الله فى الارض رغم انهم مابيعملوش اى حاجه فى شغلنا

خدت كورسات انجليزى وكومبيوتر كتير وصرفت كتير وقولت اسافر بره
وبعد لف سنه كامله وسفر كل يومين القاهره لمكاتب السفريات علشان اشوف عقد محترم مالقيش حاجه وفى الاخر لقيت عقد معقول ودفعت فيه اللى حوشته من الشغل فى 3 سنين ونص وخدت التاشيره وكله وفى الاخر الشغل رفض يدينى اجازه بحجة ان معداش عليا 5 سنين فى الخدمه وده قرار مطلعه السيد اللواء المسجون حاليا حبيب العادلى الله يجحمه ومايخرجه من السجن ابدا

عملت البدع واتحايلت ومسيبتش حد غير ماروحله وحتى المكاتيب بتاعتهم مش راضيين يدخلونى فيها علشان اقولهم مشكلتى منتهى العنتظه والغطرسه والظلم وعلشان كده ربنا بينتقم منهم دلوقتى

وراحت فلوسى وشقايا على الارض وبدات من جديد رحلة البناء وانا عمرى 32 سنه بس محبط ومعدشى عندى اى قيمه للفلوس وحاسس ان لو حوشت حاجه تانى حاتروح برده زى اللى قبلها وبقيت عايش حياتى بالطول والعرض

حرام عليك ياخى قلبت عليا المواجع

---

الاخ مصطفى اولا السلام عليكم جميعا
ثانيا ماقدرتش وانا بقرأ الكلام اللي كتبته اني مااعلقش عليه عشان فيه تشابه كبير جدا بين التجربتين فانا خريج تجاره اسكندريه - وعملت مع خالي وفي شركة سياحه وغيره واصطدمت بالواسطه والمحسوبيه كعائق للتقدم - وانا عمري 32 سنه برضو وعاوز اسافر بره . وبشتغل مدير مالي في شركة مقاولات حاليا .. وبفكر اجيب لوجان .. صدف غريبه علما باني جالي كلية هندسه خارج اسكندريه ومارحتش عشا ن ماكنتش عاوز كليه دح وكنت بدرس في السعوديه ... احب بس اقولك اخيرا ان الوضع والرزق بيتغير احيانا في يوم وفي ساعه كمان وده الحمد لله حصل معايا مؤخرا ولكن بقيت عندي الرغبه في السفر للخارج رغبه في وضع افضل واستقرار مالي اكتر .. احمد حسن
دمت بصحه

اقتباس:

---

المشاركة الأصلية كتبت بواسطة moustafa_saad

لاسف غيرراضى من اول لما دخلت الكليه وانا غير راضى

دخلت كلية الهندسه اللى كنت بحبها وسيبتها بعد 3 ايام لانها كانت فى اسيوط وكنت بمر بظروف عائليه مسمحتشى انى وقتها اسيب امى المريضه واسافر بعيد عنها وبعديها بشهر اتوفت امى وبدات رحلة النحس معايا كان بوفاتها ابواب السما اتقفلت فى وشى

دخلت تجاره وقولت امرى لله واتخرجت بتقدير جيد جدا وطلعت ال17 على الدفعه اللى عددها بالالوف
وكل شويه الاقى بنك بيعتلى لوحده من غير ماروحله ويقولى اختيار اروح الاقى ناس تانيه اتعينت واسال يقولك وسطه ورشوه ومحسوبيه وشوف حد يخلصك

ولما ماعرفتش راحت عليا فرصة البنك واشتغلت فى شركة مقاولات بتاعت خالى 6 سنين اتعلمت فيهم التعامل مع الناس بحق وحاجات تانيه كتير بس تعبت معاه ومكنشى الشغل عاجبنى وحاسس ان مستقبله مش مضمون وفعلا بعد لما سيبته بسنتين صفى الشركه وقفل وكنت قبليها متعين فى الجوازات وبرده مش راضى عنها لانى ليا طموح والوظيفه الحكومه بتقتل اى طموح ده غير ان الموظف المدنى فى الداخليه مهما عمل بيعتبر كائن درجة تانيه والظابط هو خليفة الله فى الارض رغم انهم مابيعملوش اى حاجه فى شغلنا

خدت كورسات انجليزى وكومبيوتر كتير وصرفت كتير وقولت اسافر بره
وبعد لف سنه كامله وسفر كل يومين القاهره لمكاتب السفريات علشان اشوف عقد محترم مالقيش حاجه وفى الاخر لقيت عقد معقول ودفعت فيه اللى حوشته من الشغل فى 3 سنين ونص وخدت التاشيره وكله وفى الاخر الشغل رفض يدينى اجازه بحجة ان معداش عليا 5 سنين فى الخدمه وده قرار مطلعه السيد اللواء المسجون حاليا حبيب العادلى الله يجحمه ومايخرجه من السجن ابدا

عملت البدع واتحايلت ومسيبتش حد غير ماروحله وحتى المكاتيب بتاعتهم مش راضيين يدخلونى فيها علشان اقولهم مشكلتى منتهى العنتظه والغطرسه والظلم وعلشان كده ربنا بينتقم منهم دلوقتى

وراحت فلوسى وشقايا على الارض وبدات من جديد رحلة البناء وانا عمرى 32 سنه بس محبط ومعدشى عندى اى قيمه للفلوس وحاسس ان لو حوشت حاجه تانى حاتروح برده زى اللى قبلها وبقيت عايش حياتى بالطول والعرض

حرام عليك ياخى قلبت عليا المواجع

---

استاذى الفاضل مصطفى مبدا مهم من مبادى النجاح انك تاخد المسئولية اتجاه هدفك , هدفك كان السفر للخارج لكن بعد ما تعبت و كفاحت فى لحظة اتخليته عنه و مقدرتش تشيل المسئولية و تاخد المخاطرة و تسيب الشغل العقيم و تنطلقك لما كنت تحلم

و متضيعش الحاضر و المستقبل علشان تجارب غير ناجحة فى الماضى , انت كده كده عايش الى ان يشاء المولى فتعيش مبسوط و راضى عن نفسك و بتحاول تحقق حاجة و لا تعيش مكتئب بدون هدف بدون توجه بتنام و تقوم دون اى تغيير

حاول تخلي لك هدف , هدفك ايه ؟؟؟ عاوز تسافر , عاوز تتجوز شوف اللى نفسك تعمله او توصله رتب افكارك اصابك التردد و الاحباط الجا الى الله ادعى و استخير

حاول تخلى عندك هدف هتشوف الدنيا بشكل تانى

لو هدفك كبير و بعيد عنك قسم هدفك لنقاط كل ما تخلص جزء تقول و الله ربنا الهمنى ووفقانى و تكفىء نفسك انك حققت حاجة

يعنى لو هدفك مثلا الجواز و تكوين اسرة مسلمة يبقى علشان تتجوز لازم تكون متزن دينيا و اخلاقيا و فكريا و تكون عندك مادة تقدر تجهز بيها نفسك

الالتزام الدينى الاخلاقى هو الخطوة الاولى لاى تغيير ابداء شوف مقصر فيه و نقط الغلاط اللى بتقع فيها و علاجها اتقرب لربنا صلى ادعى اقراء فى كتبه افهم اياته الجأ له و هو مش هيسيبك و هيقويك , لما تخلص النقطة افتكر نفسك زمان و قول و الله انا كنت فين و بقيت فين

النقطة التانية الجواز عاوز فلوس اكيد مرتبك مش هيقدر يجهزلك لكن عندك وقت و عندك خبرة فى عدة مجالات ليه متستغلهمش فى عمل يدر عليك مال حلال تقدر تجهز بيه نفسك

لو انت بتصرف ببذر فهتتحاسب على كده متغليش الاحباط يدفعك لافعال حرام او مكروها

اتوكل على الله و صفى نيتك و حدد هدفك و اعلم ان ربنا مش هيسيبك

الحمد لله علي كل شئ الواحد بيحس انه نتاج سلسلة من القرارات الخاطئة اللي ممكن تكون اخدتها بنفسك او كان للاسرة دور فعال فيها و تحس ان بعد ما بقى مسئول عن اسرة و اطفال ان احتمالات المخاطرة بالبحث عن وضع افضل بقت صعبة جدا لانك مبقتش ملك نفسك انت مسئول عن افرد تانيين و ده بيسقطك في بئر من الأحباط الرهيب اللي احيانا بيشل تفكيرك عن اتخاذ قرارات او اللي بيدفن فيك الطموح للتغير و الله الهادي و المعين

اقتباس:

---

المشاركة الأصلية كتبت بواسطة maka

بس فى الفترة دى مينفعش البلد تبقى بتتفير و بتاخد منحنى تانى و احنا مش عايزين نتغيير

مينفعش البلد تقوم فيها ثورة و الناس لسه بتاخد مصدر ثقافتها من كيد النسا و رامز قلب الاسد

مينفعش يفضل الشعب جاهل .

---

ساعات كتير أوى بحس أن فئة كبيرة جدآ ....
من الشعب المصرى مصرة على الجهل بشكل غريب ....
تقوم ثورة تقوم القيامة مفيش فايدة لأن نسبة الأمية فى بلدنا مرتفعة جدآ ....
دة غير أن مستوى النعليم عندنا ضاااااااايع بمعنى الكلمة وياما بنشوف خريجى جامعات ....
معاهم شهادات لكن فى الواقع هما متعلموش أأأأأأأأأأأأى حااااااااااجة تنفعهم فى حياتهم العملية ....

مرة سمعت كلمة للدكتور أحمد زويل بيقول فيها :
أن الشعب المصرى فى الوقت الحالى معندوش أى مصدر يتلقى منة العلم و الثقافة ....
ودة علشان التعليم فاسد و الأعلام فاسد حتى الخطاب الدينى مبقاش بالمستوى اللى كان علية زمان ....

مع كامل أحترامى لكلام حضرتك ....
ميفعش أبدآ نقول عشان قامت فى البلد ثورة ....
الناس لازم تتغير والشعب لازم يغير المصادر اللى بيتلقى منها الثقافة ....
الكلام دة للأسف محتاج سنيييييييييييييييييين طويييييييييييييييييييييلة جدآ عشان يتحقق ....

اقتباس:

---

المشاركة الأصلية كتبت بواسطة grumby78

الاخ مصطفى اولا السلام عليكم جميعا
ثانيا ماقدرتش وانا بقرأ الكلام اللي كتبته اني مااعلقش عليه عشان فيه تشابه كبير جدا بين التجربتين فانا خريج تجاره اسكندريه - وعملت مع خالي وفي شركة سياحه وغيره واصطدمت بالواسطه والمحسوبيه كعائق للتقدم - وانا عمري 32 سنه برضو وعاوز اسافر بره . وبشتغل مدير مالي في شركة مقاولات حاليا .. وبفكر اجيب لوجان .. صدف غريبه علما باني جالي كلية هندسه خارج اسكندريه ومارحتش عشا ن ماكنتش عاوز كليه دح وكنت بدرس في السعوديه ... احب بس اقولك اخيرا ان الوضع والرزق بيتغير احيانا في يوم وفي ساعه كمان وده الحمد لله حصل معايا مؤخرا ولكن بقيت عندي الرغبه في السفر للخارج رغبه في وضع افضل واستقرار مالي اكتر .. احمد حسن
دمت بصحه

---

فرصه سعيده استاذ احمد وادعى معايا ان ربنا يوفقنا للخير ويفرجها على كل صاحب كرب

اقتباس:

---

المشاركة الأصلية كتبت بواسطة maka

استاذى الفاضل مصطفى مبدا مهم من مبادى النجاح انك تاخد المسئولية اتجاه هدفك , هدفك كان السفر للخارج لكن بعد ما تعبت و كفاحت فى لحظة اتخليته عنه و مقدرتش تشيل المسئولية و تاخد المخاطرة و تسيب الشغل العقيم و تنطلقك لما كنت تحلم

و متضيعش الحاضر و المستقبل علشان تجارب غير ناجحة فى الماضى , انت كده كده عايش الى ان يشاء المولى فتعيش مبسوط و راضى عن نفسك و بتحاول تحقق حاجة و لا تعيش مكتئب بدون هدف بدون توجه بتنام و تقوم دون اى تغيير

حاول تخلي لك هدف , هدفك ايه ؟؟؟ عاوز تسافر , عاوز تتجوز شوف اللى نفسك تعمله او توصله رتب افكارك اصابك التردد و الاحباط الجا الى الله ادعى و استخير

حاول تخلى عندك هدف هتشوف الدنيا بشكل تانى

لو هدفك كبير و بعيد عنك قسم هدفك لنقاط كل ما تخلص جزء تقول و الله ربنا الهمنى ووفقانى و تكفىء نفسك انك حققت حاجة

يعنى لو هدفك مثلا الجواز و تكوين اسرة مسلمة يبقى علشان تتجوز لازم تكون متزن دينيا و اخلاقيا و فكريا و تكون عندك مادة تقدر تجهز بيها نفسك

الالتزام الدينى الاخلاقى هو الخطوة الاولى لاى تغيير ابداء شوف مقصر فيه و نقط الغلاط اللى بتقع فيها و علاجها اتقرب لربنا صلى ادعى اقراء فى كتبه افهم اياته الجأ له و هو مش هيسيبك و هيقويك , لما تخلص النقطة افتكر نفسك زمان و قول و الله انا كنت فين و بقيت فين

النقطة التانية الجواز عاوز فلوس اكيد مرتبك مش هيقدر يجهزلك لكن عندك وقت و عندك خبرة فى عدة مجالات ليه متستغلهمش فى عمل يدر عليك مال حلال تقدر تجهز بيه نفسك

لو انت بتصرف ببذر فهتتحاسب على كده متغليش الاحباط يدفعك لافعال حرام او مكروها

اتوكل على الله و صفى نيتك و حدد هدفك و اعلم ان ربنا مش هيسيبك

---

استاذى الفاضل سامحنى انا لسه عامل عملية الليزك امبارح ومش حاقدر اكلمك باستفاضه

انا فعلا اتخليت عن هدفى بس كان صعب اسيب شغلى اللى دوخت عليهواسافر لسفريه غير مضمونه العواقب وانت عارف بتوع الخليج بيعملوا معانا ايه وسبب اخر انا والدى عنده 68 سنه وليا اخت عايشه معانا لسه يعنى لو لاقدر الله حصل اى شىء لوالدى فالعوده لارض الوطن محتومه فكان صعب اسيب شغالى وممكن الظروف تضطرنى للعوده وساعتها مالاقيش اللقمه اللى حاكلها

مشكلتنا فى الاقليم هى انعدام الفرص
احناعاملين زى مصفاة البترول
من فوق تلاقى وقود الطائرات ودول اهل العاصمه

بعديه بنزين العربيات ودول اهل اسكندريه

ةالباقى البلك اللى فى قعر المصفاه ودول اهل الاقاليم اللى هما احنامفيش اى مجالات عندك غير انك تترمى فى الشارع يسفلتوا بيك الطريق

انا الحمد لله ملتزم جدا
انا كاالتزام دينى يمكن اكون عادى باصلى وبادى فروضى مش اكتر من اى حد عادى
لكن كالتزام اخلاقى الحمد لله
لدرجة ان البنت الوحيده اللى عرفتها فى حياتى كانت خطيبتى وبنت عمى فى نفس الوقت ومن بعد لما سيبتها ماتعرفتش باى واحده تانيه وعمرى ماكان ليا اى علاقات او افعال تغضب ربنا

انا بس بوضحلك بعض الامور لانى تقريبا حكاية ان انا عايش حياتى بالطول و العرض اتفهمت غلط

وان شاء الله ليا مشاركات تانيه بس بعد لما افوق شويه من العمليه لان لسه الدنيا مزغلله شويه
وكل سنه وحضرتك طيب

اقتباس:

---

المشاركة الأصلية كتبت بواسطة ahmedhilmy

الحمد لله علي كل شئ الواحد بيحس انه نتاج سلسلة من القرارات الخاطئة اللي ممكن تكون اخدتها بنفسك او كان للاسرة دور فعال فيها و تحس ان بعد ما بقى مسئول عن اسرة و اطفال ان احتمالات المخاطرة بالبحث عن وضع افضل بقت صعبة جدا لانك مبقتش ملك نفسك انت مسئول عن افرد تانيين و ده بيسقطك في بئر من الأحباط الرهيب اللي احيانا بيشل تفكيرك عن اتخاذ قرارات او اللي بيدفن فيك الطموح للتغير و الله الهادي و المعين

---

التفكير الكتيير ....... التردد ....... عدم القدرة على اتخاذ قرار , مشاكل كلنا بنقع فيها و حلها بسيط استخير ملك الملك و نرمى الحمول عليه

يا استاذ احمد حضرتك لو فضلت تفكر فى غلطات الماضى + الخوف من المستقبل فالنتيجة هتكون ضياع الحاضر بدون اتخاذ خطوات جادة

ايه المخاطرة فى الانتقال لمكان احسن ؟؟ليه حاسبها مخاطرة لما ممكن تكون فرصة للترقى و بايدك لو شوفت اى اللى نقصك و طورته و زودته و نميته هتكون ساعتها صفقة مش مخاطرة

متنساش ان الرزق بايد الله , الناس للاسف بتنسى ده و لو عارفة مش مؤمنة كامل الايمان بيه

مهندس استشارى حكالى حكاية لواحد معرفته كان مهندس ميكانيكا فى الحديد و الصلب قعد 23 سنة فيها رغم كفاءته العالية جدا و معلوماته الغزيرة فى تخصصه و دايما معظم اللى عارفينه بينصحه بتقدم لشركات و بل البعض كان بيجبله شغل و هو رافض و رده انا كده مأمن نفسى و العيال و معلش اضحى بحياتى علشانهم و فى مرة جالع عرض شغلانة هيصممها كده لمكتب فوافق و عملها تخيل قال ايه ؟؟!
قال باللفظ انا اللى كسبته فى الشغلانة دى قد نص اللى حوشته فى 23 سنة لو كنت سمعت نصيحة الناس كان زمان عيالى دلوقتى مدخلهم الجامعة الامريكية .
دى قصة حقيقية حصلت ببساطة لو كان استفاد من نفسه و سوقها صح كان الحال غير الحال

نصيحتى اليك استاذ احمد حدد هدفك المس نقط ضعفك طورها و نميها و اقراء و تزود بالمعلومات سواء فى مجالك او فى اى حاجة بتحبها اقل مكسب ممكن تاخده منها انك تعلمها لاولادك و تنور مخك تزداد معلومات فى مجالك

تحياتى

انا اسف لانى مردتش امبارح مع الرد بتاع استاذ احمد لضيق الوقت

اقتباس:

---

المشاركة الأصلية كتبت بواسطة moustafa_saad

استاذى الفاضل سامحنى انا لسه عامل عملية الليزك امبارح ومش حاقدر اكلمك باستفاضه


الف لا باس عليك استاذ مصطفى

انا فعلا اتخليت عن هدفى بس كان صعب اسيب شغلى اللى دوخت عليهواسافر لسفريه غير مضمونه العواقب وانت عارف بتوع الخليج بيعملوا معانا ايه وسبب اخر انا والدى عنده 68 سنه وليا اخت عايشه معانا لسه يعنى لو لاقدر الله حصل اى شىء لوالدى فالعوده لارض الوطن محتومه فكان صعب اسيب شغالى وممكن الظروف تضطرنى للعوده وساعتها مالاقيش اللقمه اللى حاكلها


طاب هو ربنا راح فين كنت رميت عليه حمولك و استخرت و مشيت نحو هدفك لو فيه ادنى شر كان منعك عنه

مشكلتنا فى الاقليم هى انعدام الفرص
احناعاملين زى مصفاة البترول
من فوق تلاقى وقود الطائرات ودول اهل العاصمه

بعديه بنزين العربيات ودول اهل اسكندريه

ةالباقى البلك اللى فى قعر المصفاه ودول اهل الاقاليم اللى هما احنامفيش اى مجالات عندك غير انك تترمى فى الشارع يسفلتوا بيك الطريق

ههههههههه

كل واحد بياخد رزقه كامل مكمل بس باشكال مختلفة و كل واحد بتجيله فرص ممكن يضيعها و ممكن يستغلها , لكن هل تقعد تستنى الفرصة و انت خاوى اليدين ولا تكون مجهز نفسك ليه

انا الحمد لله ملتزم جدا
انا كاالتزام دينى يمكن اكون عادى باصلى وبادى فروضى مش اكتر من اى حد عادى
لكن كالتزام اخلاقى الحمد لله
لدرجة ان البنت الوحيده اللى عرفتها فى حياتى كانت خطيبتى وبنت عمى فى نفس الوقت ومن بعد لما سيبتها ماتعرفتش باى واحده تانيه وعمرى ماكان ليا اى علاقات او افعال تغضب ربنا

انا بس بوضحلك بعض الامور لانى تقريبا حكاية ان انا عايش حياتى بالطول و العرض اتفهمت غلط

وان شاء الله ليا مشاركات تانيه بس بعد لما افوق شويه من العمليه لان لسه الدنيا مزغلله شويه
وكل سنه وحضرتك طيب

---

الف لا باس

منتظر منك اجابة للسؤال ده : هل عندك هدف ؟؟ عاوز حاجة معينة عاوز توصلها ؟؟

اقتباس:

---

المشاركة الأصلية كتبت بواسطة ghosts

ساعات كتير أوى بحس أن فئة كبيرة جدآ ....
من الشعب المصرى مصرة على الجهل بشكل غريب ....
تقوم ثورة تقوم القيامة مفيش فايدة لأن نسبة الأمية فى بلدنا مرتفعة جدآ ....
دة غير أن مستوى النعليم عندنا ضاااااااايع بمعنى الكلمة وياما بنشوف خريجى جامعات ....
معاهم شهادات لكن فى الواقع هما متعلموش أأأأأأأأأأأأى حااااااااااجة تنفعهم فى حياتهم العملية ....

مرة سمعت كلمة للدكتور أحمد زويل بيقول فيها :
أن الشعب المصرى فى الوقت الحالى معندوش أى مصدر يتلقى منة العلم و الثقافة ....
ودة علشان التعليم فاسد و الأعلام فاسد حتى الخطاب الدينى مبقاش بالمستوى اللى كان علية زمان ....

مع كامل أحترامى لكلام حضرتك ....
ميفعش أبدآ نقول عشان قامت فى البلد ثورة ....
الناس لازم تتغير والشعب لازم يغير المصادر اللى بيتلقى منها الثقافة ....
الكلام دة للأسف محتاج سنيييييييييييييييييين طويييييييييييييييييييييلة جدآ عشان يتحقق ....

---

الناس اعتادت على ثقافة التافة و الهايفة من التليفزيون و الجرى وراء لقمة العيش و تصوير المثقفين او محبى التنمية بصورة ازدرائية و ان الفهلوى و الحرامى و اللى يفتح دماغه هو التوب

قبل حسنى مبارك كنا بنقول صعب التغيير لكن لما الناس ارادت التغيير خلعوه فى 18 يوم
و فعلا لا يغير الله ما بقوم حتى يغيروا ما بانفسهم , ابداء بنفسك صح حياتك و انصح الناس لعل و عسى تكون سبب لارشادهم , و متصعبهاش على نفسك اولا و على الناس ثانيا بالكلام المحبط من نوعية البلد دى عايزه قنبل نووى و نبدا من جديد و مثل هذه النوعية

تحياتى

ازيك استاذى الفاضل
على فكره انا شايف الموضوع ده انه حيبقى فضفضه كويسه لاى واحد مخنوق شويه خصوصا انك عندك مقدره جيده على التحاور مع الاخر وتخليه يجيب اللى فى نفسه وانا فعلا بعد لما كلمتك استريحت شويه نفسيا

انا ان شاء الله ماشى فى موضوع السفر تانى وادعيلى ان ربنا يكرمنى ويوفقنى المره دية
على فكره انا الحمد لله مؤمن بقضاء الله ومقتنع تمام الاقتناع ان كل واحد بياخد ال24 قيراط بتوعه بس احنا مش حاسيين ويمكن الامور تتظبط مستقبلا والنظره التشاؤميه دية تتغير وانا عندى امل كبير فى الله

اقتباس:

---

المشاركة الأصلية كتبت بواسطة maka

و فعلا لا يغير الله ما بقوم حتى يغيروا ما بانفسهم , ابداء بنفسك صح حياتك و انصح الناس لعل و عسى تكون سبب لارشادهم , و متصعبهاش على نفسك اولا و على الناس ثانيا بالكلام المحبط من نوعية البلد دى عايزه قنبل نووى و نبدا من جديد و مثل هذه النوعية

تحياتى

---

الكلام الواقعى ....
لازم يسبب أحباط وأنا بصراحة محبط .... :crying1:
وبقيت مستسلم للأمر الواقع يلا اللى يحصل يحصل .... :mahf(5):
يعنى هيحصلنا أية أكتر من كدة تفتكر حضرتك الواحد ممكن يحس بأية فى الظروف دى ؟
البلد خربانة والناس منقسمة و كل واحد عايز حاجة شكل ....
اللى عايز الدولة المدنية و اللى عايزها إسلامية ....
وأخرة الصراعات دى أية أنا عايز أفهم ....
ربنا يعدى الأيام دى ....
على خير ....

اقتباس:

---

المشاركة الأصلية كتبت بواسطة moustafa_saad

ازيك استاذى الفاضل
على فكره انا شايف الموضوع ده انه حيبقى فضفضه كويسه لاى واحد مخنوق شويه خصوصا انك عندك مقدره جيده على التحاور مع الاخر وتخليه يجيب اللى فى نفسه وانا فعلا بعد لما كلمتك استريحت شويه نفسيا

انا ان شاء الله ماشى فى موضوع السفر تانى وادعيلى ان ربنا يكرمنى ويوفقنى المره دية
على فكره انا الحمد لله مؤمن بقضاء الله ومقتنع تمام الاقتناع ان كل واحد بياخد ال24 قيراط بتوعه بس احنا مش حاسيين ويمكن الامور تتظبط مستقبلا والنظره التشاؤميه دية تتغير وانا عندى امل كبير فى الله

---

ربنا يوفقك استاذ مصطفى للافضل و الاصلح لنفسك و لحياتك و لدينك و للاخرين

و ربنا يكرمك و تقدر تحقق هدفك

و الامل فى ربنا كبير , ربنا بيكرم اللى بيسعى و اللى عاوز ينجح

تحياتى استاذ مصطفى

اقتباس:

---

المشاركة الأصلية كتبت بواسطة ghosts

الكلام الواقعى ....
لازم يسبب أحباط وأنا بصراحة محبط .... :crying1:
وبقيت مستسلم للأمر الواقع يلا اللى يحصل يحصل .... :mahf(5):
يعنى هيحصلنا أية أكتر من كدة تفتكر حضرتك الواحد ممكن يحس بأية فى الظروف دى ؟
البلد خربانة والناس منقسمة و كل واحد عايز حاجة شكل ....
اللى عايز الدولة المدنية و اللى عايزها إسلامية ....
وأخرة الصراعات دى أية أنا عايز أفهم ....
ربنا يعدى الأيام دى ....
على خير ....

---

انت عندك كام سنة استاذ جوست ؟؟

البلد فى مرحلة انتقالية لازم تبقى متابع و فاهم و مستوعب كل ما يحدث لكن متبقاش محبط

ببساطة انت لو شخص محبط لا تسعى للتغيير فادت نفسك بحاجة ؟ لا , فادت بلدك بحاجة ؟ لا , نفعتك البلد بحاجة ؟ برده لا

و العكس صحيح بقيت شخص ناجح ,شخص مثقف , تسعى للتغيير للافضل , هتبقى فادت نفسك بلدك دينك

الناس هى اللى بتبنى المكان ليس المكان هو ما يبنى الناس

اقتباس:

---

المشاركة الأصلية كتبت بواسطة maka

البلد فى مرحلة انتقالية لازم تبقى متابع و فاهم و مستوعب كل ما يحدث لكن متبقاش محبط

---

تصدق باللة ....
أكتر حاجة ممكن تسبب أحباط ....
متابعة أخبار وأحوال بلدنا لأن كل يوم فى مصيبة شكل ودة من زمان مش اليومين دول بس ....