ما الفرق بين البنوك ؟ و ما أنسبها للمواطن العادى ؟

**AhmedGen2** · 09-05-2008 08:50 PM

السلام عليكم

كنت عاوز اعرف ايه الفرق بين البنوك Cib و Nsgb والبنك الأهلى والبنك المصرى المتحد .. الخ ، طبعا مننساش حبيب الملايين صندوق البريد !

بمعنى لو واحد معاه ربع مليون جنيه يفكر يحطهم فى أنهى بنك ؟ ، وهل فيه فرق فى المبلغ المدفوع لفتح حساب فى أى منهم ؟ ، أنا اعرف إن الاختلاف بين البنوك بيكون فى الوديعة ونسبة الفائدة ، لكن ولنفرض إن أنا عاوز أحفظ الفلوس خزنة مش وديعة ومش عايز فلوسى تزيد مجرد خزنة.

طبعا البنوك مؤسسات ذات ثقة عالية ، ومفيش فرق فى الأمان بينهم ولا ايه ؟

**iunknown** · 09-05-2008 09:13 PM

هقول لك على تجربتي
Nsgb + Hsbc

انا برضه كنت عايزمجرد مكان آمن للفلوس مش فوايد ولا ودايع

الشغل هو اللي كان فاتح الحسابين فمفعتش مصاريف فتح حساب

Nsgb فكرهم حكومي من تجربتي فيه حاجات كتير جدا لازم علشان تتعملها تروح نفس الفرع اللي انت فاتح فيه الحساب

خدمة الاستفسار عن طريق التليفون بفلوس
خدمة الانترنت بفلوس
الميزة انا كنت عامل كارت ايه تي ام لما كنت بسحب من اي مكنة مش تبع البنك مكانش بيخصم اتعاب الا لو كانت Cib

Hsbc

ناس بروفيشنال جدا حاجة مالتي ناشيونال (المفروض سوسيتيه يكون كدة هو اصلا فرنساوى)

التليفون والانترنت وكشوف الحسابات مجانية
ممكن تعمل اي حاجة من اي فرع

طبعا بيتخصم اتعاب من اي مكنة مش تبع البنك

لو رصيدك قل عن 10000 بيبدأ يخصم منك مصاريف حسابات برضه مش عارف كام
خدمة العملاء رغم جودتها الا انك بتقعد كتيييييييير قوي علشان تلاقي حد يرد عليك

**ows212** · 10-05-2008 03:52 AM

ما الفرق بين البنوك ؟ و ما أنسبها للمواطن العادى ؟
السلام عليكم

كنت عاوز اعرف ايه الفرق بين البنوك Cib و Nsgb والبنك الأهلى والبنك المصرى المتحد .. الخ ، طبعا مننساش حبيب الملايين صندوق البريد !

بمعنى لو واحد معاه ربع مليون جنيه يفكر يحطهم فى أنهى بنك ؟ ، وهل فيه فرق فى المبلغ المدفوع لفتح حساب فى أى منهم ؟ ، أنا اعرف إن الاختلاف بين البنوك بيكون فى الوديعة ونسبة الفائدة ، لكن ولنفرض إن أنا عاوز أحفظ الفلوس خزنة مش وديعة ومش عايز فلوسى تزيد مجرد خزنة.

طبعا البنوك مؤسسات ذات ثقة عالية ، ومفيش فرق فى الأمان بينهم ولا ايه

لو انت عايز تشيل فلوسك فى مكان ومش عايز ارباح انا انصحك انك تشترى بيهم دهب كسر يعنى دهب مب غير مصنعية ... لأن الذهب قيمته بتزيد مع الوقت ...
بالنسبة لموضوع البنوك ما انصحكش تحط فلوسك فى اى بنك علشان حرمانية الربا

**noble911** · 10-05-2008 04:42 PM

المشاركة الأصلية كتبت بواسطة ows212

لو انت عايز تشيل فلوسك فى مكان ومش عايز ارباح انا انصحك انك تشترى بيهم دهب كسر يعنى دهب مب غير مصنعية ... لأن الذهب قيمته بتزيد مع الوقت ...
بالنسبة لموضوع البنوك ما انصحكش تحط فلوسك فى اى بنك علشان حرمانية الربا

و هل ده موجود في مصر و لا في دول الخليج بس