انا معايا صني 2010 والحمد لله زي الفل بقالها سنة ماشتكتش من حاجة...
الصيف ده بيحصل حاجة غريبة في التكييف وهي إن العربية طول ما هي ماشية على طريق سريع او بدون زحمة التكييف شغال 100% وبمجرد ما اقابل زحمة أو أقف في إشارة الكمبروسور بيفصل ويشتغل المروحة فقط مع العلم إن لمبة الكمبروسور بتكون منورة لما رحت مركز الصيانة أول مرة قالي انهم فرغوا شحن الفريون تماما وملوه من أول وجديد ....
مشيت والمشكلة هي هي لما رجعت تاني لنفس المهندس دخل العربية الصيانة وقالي انه فرغ الشحن تاني ولقى الكمبروسور واخد هوا فرغه من الهوا تماما وملا فريون تاني على الضغط بتاعها مظبوط وكمان نظف السربنتينة ...
خرجت من المركز الموضوع اتحسن شوية يعني لما بقف في إشارة لو قصيرة التكييف ما بيفصلش ولو الزحمة مش كتير برضو ما بيفصلش انما لو أشارة طويلة يفصل .... بمعنى أنه بعد ما كان بيفصل بعد دقيقة واحدة من التوقف دلوقتي بيفصل بعد 5 دقائق مثلا ...
اتصلت بالمهندس بتاع الصيانة قالي هات العربية بس هاتبات معانا عشان نشوف ضفيرة الكمبروسور بصراحة انا مش مقتنع ومش عايز اروح تاني غير لو في حل نهائي للموضوع ده
ايه رأيكوا يا جماعة هل حد قابل المشكلة دي ولقالها حل ولا اعمل ايه أنا مش عارف؟؟؟؟