ليا فلوس عند انتيمي وانا محتاجها اليومين دول قوي ومش عارف اطلبهم.

**misoalex** · 18-08-2011 07:08 AM

المشاركة الأصلية كتبت بواسطة magyver

ياااارب دبرني
علشا صاحبي دة دمااااااغة بتقفش علي اقل حاااااااااااااجة

مهو لو دماغه قفشت فى موضوع زى ده يبقى مش صاحبك

اصل الى ميشوفش من الغربال هو اكيد شايف انك مزنوق وابسط حاجه كان يقولك من نفسه او على الاقل يقولك انه مش قادر يردلك المبلغ دلوقتى

وعموما الفلوس لو دخلت بين الاصحاب بتبوظ الصحبيه

انا مش بحبطك

بس مدام هو مطنش لازم انت تفوقه وتصحيه عشان يتلحلح ويردلك الفلوس

**misoalex** · 18-08-2011 07:12 AM

على فكره يا محمد انا كنت زيك بتكسف فى موضوع الفلوس ده وخصوصا فى تعاملات الشغل

ولاقيت انه بيتنصب عليا لانهم بيفتكرو انك مدام ساكت يبقى مش محتاج الفلوس

فخدها قاعده لو سلفت لحد فلوس لازم تفكره بيها عشان مينامش عليها

**ahmad--ezzat** · 18-08-2011 07:48 AM

طالاما انتيمك اطلب منه بطريقه عاديه جدا قله مش هتجيب الفلوس ولا ايه يا معلم انت نمت عليهم (خدها بهزار)
انا بعمل كده على طول خصوصا لو كان انسان قريب منى

وبعدين طالاما سلفت حد يبقى المفروض تعرف هيرد الفلوس امتى مش تسيبها مفتوحه :)

**mr_vampire** · 18-08-2011 08:48 AM

قوله وشششششششش : مش هترحم دموع عنيا بقي وترجع الفلوس اللي عليك بدل مااروح استلف عشان افك زنقتي. هههههههههههه

**human** · 18-08-2011 10:55 AM

ربنا يفرجها عليك و عليه

**PoweRPassioN** · 18-08-2011 11:58 AM

ممكن تدخل طرف تالت يكون صاحبكم انتو الاتنين
ويقول له عليك أنك مزنوق ومحتاج فلوس ومحرج تكلمه في الفلوس بتاعتك اللي عنده . المهم يكون لبق ويحسسه أنه عرف بالصدفه وأن أنت مش اللي باعته
لو مانفعش الكلام دا .. يبقى أطلب بقلب جامد منه مباشره لأنه مش حساس أصلا ولو زعل يبقى مش صاحبك أصلا