الموضوع: مشكلتى مع طلمبه البنزين

يا جماعه الطلمبه غالباً واحد وهيا اللى بتركب على الهيونداى والدايو و بتعمل من 100-160 جنيه حسب الصناعه .
انا لسه مركب واحده كورى ب 150 اللى بيشتروها للفيرنا 1600بس لسه مجربتهاش فى سحب وشد واللذى منه . هاجرب واقولكم
المشكله ان بتوع قطع غيار الاوبل اللى ماعندهومش ضمير بيبيعوها غاليه على اساس انها للأوبل

المشاركة الأصلية كتبت بواسطة mr7mix

السلام عليكم ورحمة الله وبركاته

فى بدايه الموضوع احب اشكر ا/ محمد طنانى على مساعدتو ليا وبصراحه كنت اول مره اتصل بيه وكنت محرج جداً ان اول مره اكلمو على التليفون اسئلو فى مشكله فى العربيه لان كنت زهقت جداً منها ولاقيت الراجل بصراحه كسفنى ب زوقو ورحب بيا جداً وقالى بالتفصيل اعمل ايه

المشكله بقى ان فى يوم ماشى بالعربيه وانا على السلانسيه لاقيت العربيه اتخنقت مره واحده واكنها بقيت مانيوال وبطلت استنيت عليها شويه ودورت مشيت شويه وبطلات تانى مؤشر البنزين كان على 20 والعوامه عندى الحمد لله مظبوته وكنت ساعتها فى المعادى صقر قريش عديت على محمد عبد الراضى و لما بص عليها قالى طلمبه بنزين :_alshmokh11: وعقبال لما روحت من المعادى ل حلوان وقفت منى 50 مره :(

اتصلت ب طنانى وحكيتلو الى حصل وقالى اعكس كتاوت الطلمبه وغير فلتر البنزين روحت للميكانيكى اسمو وائل فى حلوان وكنت اول مره اتعامل معاه قالى ان طلمبه البنزين ضعيفه ولما بتسخن بتفصل روحت اشتريت طلمبه و فلتر بنزين من عند محمد اوبل ولما روحت ل وائل قالى مش هى ودخلنا فى ساعه ونص حوارات ولازم تغيرها وتجيب الكبيره علشان دى صغيره و محمد اوبل قالى خلى بس وائل يعدل ف الفيبره بتاعت الطلمبه وركب دى وعلى ضمانتى ومتخافش المهم انا كنت خلاص بموت جنبها لغايه لما الميكانيكى حسيت انو هايضربنى :m_yes[1]: روحت رجعتها وجيبت طلمبه تانيه بس الكبيره ولما ركبتها 3 دقائق بالظبت يا دوب طلعت اجرب العربيه بعد مسافه 20 متر العربيه بطلت وطلع ان الطلبمه الجديده فصلت خاااااااااااااااااالص ( الله يرحمها ) طبعاً كان محمد اوبل قفل ف بقيت مطر ان اركب الطلبمه القديمه تانى ولغايه دلوقتى لسه ماشى بيها وبقالها بالظبت 6 ايام

المشكله بقى ان قالى الطلمبه بتسخن وبتفصل وحلها انى اخلى التانك دايماً فوق النص علشان تبرد الطلمبه
انا عملت زى ما طنانى قالى وغيرت الكتاوت وغيرت الفيلتر ومن ساعه لما عملت كده وانا بخلى البنزين فوق نص التانك ومن ساعتها ومشيت عليها 720 كيلو ولا عملتها معايا خالص وماشيه زى الفل الحمد لله

انا بصيت على ضخ البنزين من الطلبمه بس انا مش قادر احدد اذا كده كانت ضعيفه فعلا ولا اشتغاله
وضخ البنزين تقريباً على مسافه 5 سم من فتحت الطلمبه وخايف انها تفصل منى تانى لانى بروح بيها الشغل كتير تفتكرو بقى اغير الطلمبه واضلع فى 400 جنيه تمن الطلمبه و لا اخليها على الله وامشى زى ما انا لان ال 400 جنيه دول ممكن اعمل بيهم حاجه تانيه فى الاولويات بردو

يا باشا محمد اوبل بعهاللك بكام وياريت صورتها او بياناتها

يا باشا لما تيجى تجيب حاجه من محمد اوبل اسال عليها الاول.
والله الطلمبه اللى بعهالك دى تجيبها من عند بتوع الهيونداى ب 100 وانضف نوع اللى باولك عليه كورى ب150 ولسه مجربها من شويه مخليه العربيه حاجه تانيه خالص
هاشوف النوع على العلبه واقولك

المشاركة الأصلية كتبت بواسطة tananybasha

انا لسه واحد زميلنا
قايلى انه راح لميكانيكى فى صقر قريش
و غير طلمبة البنزين بواحده بوش ب 820 جنيه
بجد انا اتخنقت من النصب ده
و هو دفع زى الباشا

يانهار طين !!!!!!!!!!!!!!!!
والله انا لو منه اروح اولع فى الراجل ده.
حسبنا الله ونعم الوكيل فى الناس دى.
والله يا جماعه معظم اللى موجود فى السوق مضروب.
انا اشتريت طلمبه بوش صينى للهيونداى ب 90 جنيه بعد 100
ولما الطلمبه اللى معايا بدأت تخسع روحت لمحمد اوبل ده على اساس اشوف حاجه اصليه لقيته بيبيع نفس الطلمبه ب 250 جنيه !!!!!!!!!!!
روحت اشتريت واحده كورى برضو انضف من الصينى ومن عند بتوع الكورى وجربتها النهارده فى مشوار 100 كم بالتكييف وحمولة العربيه الكامله وكمان العربيه كان فيها بنزين 80 والله وماشيه تمام.
وهأولكم ادائها بعد 5000 كم ان شاء الله

معلش ماحدش بيتعلم ببلاش.
بس ياريت يقولنا مين فى صقر عمل معاه الواجب ده علشان الناس تخلى بالها منه.