الموضوع: حد جرب بوجيهات ايريديوم او بلاتينيوم ngk

NGK Spark Plug Middle East FZE

السلام عليكم
قمت بشراء البوجيهات الايريديوم ngk بسعر 250 جنيه من التوكيل وتم تجربته وتقريره كالتالى علما بان عربيتى عامله 48 الف كيلو نيو اكسنت 2010
اولا بالنسبه لسحب العربيه
العربيه سحبها زاد بنسبة لا تقل عن 20 % وبالذات وانا مشغل التكييف كان بتبقى سحبها ضعيف شويه وبتاخد وقت عشان تتسارع وانا مشغل التكييف بعد البوجيهات الايريدوم بقى سحبها صاروخ من غير تكيف وبتكييف بقى سحبها اكثر بكتير من الاول
ثانيا بالنسبه لصوت الماتور ونعومته
نعومة الماتور زادت بنسبه لا تقل عن 50 % وبقى مستجيب جدا وصوت الماتور واطى جدا لانه كان بيبقى عالى قوى بعد ال 3 rpm دلوقتى بقى هادى وبيحفزك على التسارع والعربيه وانت واقف ومودورها متحسش انها دايره خالص وكانها مطفيه عامله زى ما العربيه لما كنت لسه شاريها زيرو
ثالثا استهلاك البنزين
جارى تجربته
خلاص الكلام ان العربيه بعد ما ركبتلها البوجيهات الايريديوم حسيت انها بقت زيرو زى ما كنت شاريها وحاسس انها بقت ناعمة قوى قوى

هل غيرت السلوك؟

المشاركة الأصلية كتبت بواسطة ayman-ahmed

الف مبروك على التعديل الجميل والمشاركة الرائعة اللى كتير منا هنستفيد منها.

سوألى لحضرتك:

ركبتهم فين وكلفوك كام ؟وارقام البوجيهات ايه ولا لما اشترى بامر الله اطلب لنيو اكسنت 2010 ؟

مشكور على المساعدة الرائعة.

ركبتهم عند الميكانيكى بتاعى وجبتهم من توكيل ngk شركة التوفيق ورقم البوجيه الصح للعربيه لموديل الايريديوم هو bkr6eix وسعرهم 250 جنيه

المشاركة الأصلية كتبت بواسطة mero100

هل غيرت السلوك؟

لا مغيرتش السلوك على سلوك الفابريكا بس سئلت على السلوك ngk فلاقيتها ب 200 دولار

المشاركة الأصلية كتبت بواسطة angel_wolf

انا جبت البلاتينيم الـ g-power
المفروض ان الغرض الاساسى منها توفير البنزين ..................................... النتيجة ولا البلح اصلا ولا يوجد فرق بنها و بين الطقم او 20 جنية فى الاستهلاك

من ناحية الهدوء اول لما ركبت البوجيهات حسيت ان العربية مبطلة من كتر ان هى ملهاش اى صوت نهائى الاداء بصفة عامة مش قادر اقول ان فى حاجة خارقة حصلت يعنى هى بتجرى كويس احسن سنة بسيطة مش واو يعنى حتى لو مع التكيف يتجرى احسن شويه فى التجميع يعنى ال 120 بتيجى وانا مشغل التكيف وفى ناس معايا فى العربية

بصفة عامة حرام بجد ال 180 جنية الى دفعتهم فيهم وبقول يا رتنى كنت جبت الطقم العادى ابو 55 جنية وخلاص على كدة وقريب هعمل تقرير بالصور ليها بس لما تتم معايا الف كيلو علشان هى لحد دلوقتى لسة مكملتش الف كيلو وكمان هنضف الرشاشات عندى و كدة واجرب تانى جايز العيب منى انا

والله انا معرفش انت موديل عربيتك ايه وهل ماتورك يستفيد من البلاتينيوم او الايريديوم ولا لأ
موضوع السرعه على التكيف وانت محمل ناس اصلا النيو اكسنت وانت محمل ناس ومشغل التكييف بتجيب 200 و 210 بسهولة جدا من غير بوجيهات بلاتينيوم او ايريديوم
الفرق بعد الايريديوم اولا بقيت بقفل العداد 220 والماتور مبقاش صوته عالى زى الاول وبقى ناعم جدا ده غير ان البوجيهات الايريديوم بتتغير على 100 الف وسعرها 250 جنيه لعربيتى تعالى بقى لو جبت البوجيهات العاديه ب 55 جنيه وبتتغير على 20 الف اضرب ده فى المده هتلاقى نفسك بتغير فى ال 100 الف البوجيهات 5 مرات يعنى تكلفة 275 جنيه يعنى الايريديوم اوفر
موضوع البنزين ده مش كل العربيات لما تركبلهم بوجيهات ايريديوم او بلاتينيوم بتستفيد منه يعنى لو عربيتك فيها نظام اقتصادى للبنزين زى cvvt يبقى هتستفيد منه لو مفها مش هتستفيد قوى
بس بامانه وبدون مبالغه انا حسيت ان العرييه عندى وهى عامله 48 الف كيلو رجعت كانها زيرو زى ماكنت شاريها زمان