السلام عليكم
ادخل للموضوع وبدون مقدمات طويلة
انا قررت اني اشتري الساجا بعد معاناه طويلة ومقارنات وووو والحمد لله اخذت استخارة مرتين وطلعت استخارة حميدة وهذا ما شجعني اكثر ولله الحمد
الموضوع اني انا عندي كم سؤال في دماغي عايز حد يجاوبني عليهم واكون متشكر جداً
1- البنزين الي هستخدموا في العربية هيكون نوعه ايه؟؟ ممكن مثلاً 92 عادي او ال95 يكون احسن مثلا؟؟؟
2- الي معاه الساجا ينصحني بـ ايه بـ امانة ؟؟ رغم اني عايز اجيبها اوتوماتك فـ ايه النصايح علشان احافظ على العربية ان شاء الله لو ربنا سهل؟
3- لما اروح المعرض ان شاء الله عن قريب اتفرج على ايه في العربية بـ الضبط؟ اصل اول مرة اشتري عربية ودي اول تجربة فـ معنديش الخبرة الكافية ياريت نصائحكم
4- بـ النسبة لترخيص العربية هل حيطول ولا حسب؟؟ و ايه الي هحتاجه علشان ارخصها ؟؟ رغم اني مش مصري؟؟
5- هل العربية فيها مشكلة عامة يعاني منها الجميع ولا ماشية كويس؟؟
6- انا اتصلت بـ التوكيل وقالي تدفع مقدم وتستلم في النص التاني من شهر 9 ان شاء الله
فـ هل هناك اي مشكلة مع التوكيل مثلاً من ناحية التأخير او الكلام ده؟
وشكراً ليكم جداً انا استفاديت منكم كتير جدا جدا وان شاء الله افضل اشارك معاكم على طول
ادعولي ربنا يوفقني ان شاء الله ويعني على الاختيار يارب
شكرا مقدما