الموضوع: بولو 99

بص يا باشا مبروك اولا على العربية , انا معايا بولو 99 من برة استيراد العربيات دية مالهاش حل ومتفرطش فيها ,ثبات وسرعة ومناورة فعلا البولو والجولف مالهمش حل,بخصوص المرايات انا من اسكندرية فمعرفش انت منين بس هنا بتعمل حوالى 130 جنية وبيركبها السمكرى وبخصوص الردياتير فى حاجتين ممكن يكون مخروم او لو ان العربية بتسخى باستمرار عشان المروحة مش شغالة ودة عيب مروحة لان نفس العيب حصل ومعايا وغيرت جوان بسببة فلازم تتاكد ان المروحة شغالة وبالتالى العربية مش هتسخن منك او ان الردياتير مخروم,ان شاء خير متقلقش

_____________________________
العضو الكريم يمنع استخدام اللون الاحمر لغير المشاركات الادارية.

شكراً لحسن تعاونكم .... مشـرف القسم.

اهلاً بيك معانا يا welo111000
والف مبروك على البولو قمة الهاتش باك
بالنسبة للمرايا ذى ما قال vwlover وهاضيف على سعرها سعر الرش بتاعها و تركيبها لة طريقة معينة لو بصيت عليها كويس ممكن تفهمة ..بس خالى بالك من الخط اللى تحت (اللى بيبقى اسفل المرايا ) عشان اللى بيركبها ميكسرهاش
وبالنسبة لمياة الريداتير يفضل انك تحط المياة بتاعتها و دى بيبقى ليها رقم وبتقعد بالشهور مابتنقص لو مفيش مشاكل تانية .

يا جماعة الراجل ما اعتقدش من كلامة انة بيشتكى من سخونية
فى نقص فى المياة كل اسبوع يعنى لإما فى تسريب للمياة او انة بيستخدم مياة عادية ودى طبعاً مختلفة جداً فى لزوجتها عن المياة اللى فى الكتالوج فلازم تتبخر وتنقص بسرعة

المشاركة الأصلية كتبت بواسطة Ahmed Samy

ما هو نقص المية يا عمرو هايقلب بسخونية
و ممكن تكون السخونة الزايدة المتكررة سبب في نقص المية

لا يا احمد لو هو بيحط مياة عادية ..وبتنقص و هو متابع النقص و بيزودها ..مش هاتطلع عندة ان فى سخونية
لان المياة بتستهلك فى التبريد وإلا ماكنتش تنقص
على العموم يا ريت هو يرد علينا فى موضوعة welo111000 ويقولنا اية اللى بيحصل عشان نقدر نساعدة

انما طبعاً لو فى سخونية مع الموضوع يبقى كل كلامك وكلام معاذ هو دة اللى مفروض يعملة