تقييم شامل وكامل عن المازدا 3 2008
تبقي مازدا واحدة من السيارات التى تتميز بشخصية فريدة مستقلة ، حيث عندما تراها من الوهلة الاولى تقع فى عشقها ويستطيع الفرد العادى الذى لا يمتلك خبرة كافيه فى مجال السيارات تمييزها بدون اى عناء يذكر.
تأسست شركة مازدا عام 1920 ومقرها هيروشيما ، اليابان. وكلمة مازدا فى اللغه اليابانيه تعنى الحكمة العظيمة، وفى بداياتها كانت شركة مصنعه للسلاح وبعد كده اتجهت لتصنيع السيارات.
مرت شركة مازدا بإزمة اقتصادية كبيرة سنة 1990 وده ادى الى انها تبقى مملوكة لشركة فورد الامريكية.
قامت شركة مازدا بتغيير الشعار الخاص بها عدة مرات، واخر شعار اللى هو الشعار الحالى عبارة عن جناحين او طائر ، ابتدى من سنة 1997 ولحد دلوقتى، وكان فيه قبله اربع شعارات.
انا اسف جدا على المقدمة الطويلة ، ونرجع لموضوعانا الاصلى وهو تقييم السيارة المازدا 3.
كان الهدف من وراء تطوير السيارة مازدا 3 هو تصنيع سيارة صالون عالمية تكون صغيرة وانيقه فى نفس الوقت، مع وجود شعار مازدا الجديد Zoom – Zoom اللى هوا عبارة عن فلاسفة شركة مازدا لتقديم سيارات الناس بتحلم اقتنائها.
وهم بيشرحوا الفلاسفه ده عن طريق ان الاطفال فى الصغر بيتحركوا بحريه شديدة وبيشعروا بالاثارة مع كل حركة بيعملوها، ولكن مع الوصول لسن الكبر بنفتقد الاثارة فى جميع تحركاتنا. لكن من خلال سيارات مازدا هيفضل دايما الشعور بالانتعاش والاثارة موجود.
فهل يترى فلاسفة الزوم زوم فعلا هتقدم لنا سيارة ممتازة ولا لا ؟؟؟
المازدا 3
المواصفات الفنية :
الموتور
1.6 ليتر 4 سلندر 16 صباب ثنائي الكامة بيولد قوة قدرها 105 حصان وعزم دوران قدره 145 نيوتن م على 4000 لفة فى الدقيقة.
الشاسية
مبنى على نفس شاسية الفورد فوكاس وفولفو S40 & V50.
الابعاد
الطول الكلى 4.51 متر
العرض الكلي 1.755 متر
الارتفاع الكلى 1.465 متر
قاعدة العجلات 2.64 متر
التجهيزات
انا هتكلم هنا عن السيارة الامارتى الفول اوبشن اسبورت- نظام ثبات الكترونى
- فرامل ABS و EPD
- 2 ايرباج
- حساسات مطر (تشغل المساحات فى حالة وجود مطر)
- حساسات للظلام(تشغل الاضاءة العالية او الواطية تبعا لشدة انارة الطريق)
- كشافات زينون
- مصابيح ضباب
- سنتر لوك
- مرايات كهربا
- ازاز كهربا ومطلى بطبقة لعكس الاشعة الفوق البنفسجية
- امكانية غلق الابواب الخلفية وعدم فتحها من الداخل
- حوامل لكراسى الاطفال
- تكييف اتوماتيك (ممتاز جدا ) وقوى ولا يؤثر على سحب العربية اطلاقا
- دريكسون مكسي بالجلد
- فتيس اتوماتيك اليد مكسية بالجلد وكمان تيربترونيك (يعى تقدر تسوقها مانيول فى حالة الرغبة فى الحصول على تسارع عالى)
- فتحة سقف
- Key less entry نظام الدخول من غير مفتاح (تقدر تشغل وتفتح العربيه طول ما الكارت الذكى فى جيبك)
- كونسول امامى بين مقعد السائق والراكب الامامى
- سي دى وكاسيت مدمج الاتنين مع بعض وكمان تقدر تشغل ملفات MP3
- وصلة AUX
- وجود مصابيح فى الشمسيات بتنور فى حالة فتح المرايا
- قياس درجة الحرارة المحيطة
- عتب جانبي
- اسبويلر خلفى
- مقدمة رياضية
- جنوط 16 بوصة
- الدريكسون قابل للتعديل راسي وافقى (تليسكوبك )
- زراير تحكم فى السوند سيستم فى الدريكسون
التقييم
الشكل الخارجى : مما لا شك فيه ان مازدا 3 شكلها الخارجى جميل جدا من خلال زوايا امامية وتصميم مبتكر لمؤخرة السيارة والتصميم الخارجى ادى الى حد كبير الى اضافة الطابع الرياضي للسيارة.
الشكل الداخلي: اول ما تدخل السيارة تحس بوسع ورحابه مكنتش ممكن تتخيله من خلال النظر للسيارة من الخارج، تابلوه شيك جدا وكل الزراير فى متناول السائق، والوان التابلوة مصممة لتعطى احساس بالفخامة والاناقه (النور الاحمر مع الخلفية الزرقا بجد تابلوه يبهر وحكايه)
العدادت اشبه بعدادت سيارات السباق لاضفاء الطابع الرياضي ، يوجد فى العدادت لمبة بتوضح انت موجود على اى غيار يعنى بيظهر رقم من (1 الى 4) ورقم واحد يشير انك على الغيار الاول وهكذا
الموتور : مع بدايه التشغيل تحس بزئير جميل ليه ويعاود الهدوء الذى يسبق العاصفة ، سحب اكتر من ممتاز وتسارع مبهر يماثل السيارة اللانسر ويكاد يتفوق عليها وتشغيل التكييف لا يؤثر اطلاقا على سحب الموتور
العزل الداخلى لمقصورة الركاب اكتر من ممتاز
استهلاك البنزين استهلاك اقتصادى ( 9 كليو لكل 1 ليتر ) داخل المدينة
المميزات:
ثبات ممتاز على السرعات العالية (السيارة جيبت بها 180 وكانت ثابتة )
ثبات ممتاز على الملفات مع السرعه العاليه
فرامل قوية
تكييف قوى لا يؤثر على سحب العربيه
سحب ممتاز ولا يتاثر كثير فى حالة تحميل السيارة بكامل حمولنها من الاشخاص
رؤية داخلية ممتازة والقوايم لا تعوق الرؤية
عزل الكابينة جيد جدا وايضا عزل الموتور
عفشتها نعامة ومتحش بالمطبات
ممتعه فى قيادتها
يمكن طى الكنبة الخلفية بالكامل
صندوق الامتعه (الشنطة) حجمها كويس
الكراسي مريحه فى القعدة
العيوب
الضيق النسبي للكنبة الخلفيه وبالاخص لطوال القامة
عدم وجود حساس لوزن الراكب الامامى وبالتالى لو حدث حادث لا قدر الله الاير باج للراكب الامامى هتفتح حتى لو مش موجود وبالتالى تكلفه تصليح اعلى
صفارة تعدى سرعة 120 كم لا تتوقف بعكس سيارات تويوتا تتوقف عن الرنين
ملمس خامات التابلوه فى الجزء الاوسط مش حلو
السيارة مناسبة لمين؟؟؟
السيارة مناسبة لكافه الاعمار من الشباب لمن يبحث عن سيارة شبابية بشكل مميز وذات اداء وطابع رياضى
مناسبة ايضا للاسر الصغيرة
ملخص التقييم
م التقييم الدرجة
1 الشكل الخارجى 9
2 الشكل الداخلى 9
3 سحب الموتور 9
4 الثبات 9
5 التكييف 9
6 العزل 8.5
7 نعومة العفشة 9
8 الرؤية الداخلية 8.5
9 استهلاك البنزين 8
10 الفرامل 9
الاجمالى 88/100
ملحوظة:
هذا التقييم لم يشمل تقييم لخدمات التوكيل وتوفر قطع الغيار وسعر اعادة البيع
http://www4.0zz0.com/2008/05/09/18/249445168.jpg
شكل خارجى ممتاز ويوحى بالطابع الرياضى
http://www4.0zz0.com/2008/05/09/19/568145807.jpg
مقدمة هجومية
http://www4.0zz0.com/2008/05/09/19/360437779.jpg
مصابيح الزينون
http://www4.0zz0.com/2008/05/09/19/175011172.jpg
المصابيح الخلفية والاسبولير
http://www4.0zz0.com/2008/05/09/19/782468523.jpg
جنوط اسبور مقاس 16 بوصة وكاوش برديجستون
http://www4.0zz0.com/2008/05/09/19/644697769.jpg
فتحة السقف
الكنبة الخلفية
http://www4.0zz0.com/2008/05/09/19/113295127.jpg
الفتيس التيبترونيك
http://www4.0zz0.com/2008/05/09/19/148623352.jpg
التابلوه (شيك وانيق)
http://www4.0zz0.com/2008/05/09/19/274518066.jpg