هوة ال abs بيعلق؟

**Ahmed.TV** · 17-08-2011 08:20 PM

اطلع على التوكيل .. وهما حيشوفوا ويطمنوك .. ولو فى مشكلة حيدخلوا العربية على الكمبيوتر .. ولازم تروح عشان تطمن

**goudamahdy** · 18-08-2011 01:58 AM

المشاركة الأصلية كتبت بواسطة eyadmorsy

كل عام وانتم بخير،
نفس المشكلة حصلت معايا .. وفى مرة وانا فى السبع وبعد ما خلصت الصيانة افتكرت المشكلة دى وحكيتها لمهندس السبع وجربنا العربية لقاها بتزحلق على سرعة 80 زى ما قلتله بالضبط قاللى تعالى الصيانة الجاية وهيزبطوها .. لكن طلع فعلا بيعلق ، بعدها طلعت بالعربية وفرملت كام فرملة abs لغاية ما اشتغل وبقت تكلبش العربية وما تتزحلقش زى الأول . وفى نهاية كلامى انصح كل اللى عنده ال abs يجربه ويطمن عليه....بس.

فعلا كلام مظبوط 100 100 أنا شخصيا لازم كل فترة والتانية اجرب الــabs واطمن عليه بس على سرعات هاديه مش عاليه قوي ....

بادوس فرامل بقوة في مكان " بيزحلق " ..... مكان فيه " رملة " مثلا على الطريق أو ميه فطبيعي العربية مع ضغطة الفرامل هتتزحلق فبيشتغل الـــ abs مباشرة وقتها .....

**Mohamed.Ramah** · 18-08-2011 02:19 AM

نظام الabs بصورة اوضح بيتم الاتى فى السيارة :

عند الضغط علي دواسة الفرامل بشكل قوي يشعر السائق بأن دواسة الفرامل تهتز
بسبب ارسال اشارة لجهاز ABS عن طريق سلك متصل مع الجهاز بأرسال اشارة الكترونيه الي
كليبر الفرامل لتعمل علي كبح اطارات السيارة بطريقة سريعه ومتتاليه , أفضل من الاطباق دفعه واحد وتنزلق اطارات السيارة

يحكم هذا النظام حجم الاطارات ووزن السياره والكبح المفاجئ وعند المنعطفات الخطره
ويتم ربطها بالحاسب الالكتروني الذي يقوم بتحسس الطريق ومقدار ضغط السائق لدواسة الفرامل
عندما يستشعر الحاسب بان احد العجلات بانزلاق يبدأ عمل جهاز منع اغلاق المكابح الذي يحمي السياره
من الانحراف وايضا يقوم بتنظيم قوة ضغط الزيت الكترونيا بمساعدة مجسات تعدل من قوة الكبح
في كل عجل مع عوامل مثل حمولة في شنطة السياره او وزن الركاب في جهة معينه من السياره ..

**Youssef.Awad** · 18-08-2011 02:36 AM

نفسى التوكيلات اللى ما عندهاش غير كلمة العربية كده وده طبيعى تقفل وتريحنا
لأن الزبون دايما على حق وطالما لاحظ اى حاجة فى العربية يبقى فعلا فيه حاجة الى ان يثبت العكس
وده انا عيشته مع يونايتد جروب كذا مرة معايا ومع اصدقاء ليا
انما من اول ما بقيت اروح السبع فيه فرق فعلا شاسع

**Dr'AhmZZong** · 22-03-2012 01:23 PM

المشاركة الأصلية كتبت بواسطة yoko

بدام الدواسه بتخبط كده ورا بعض يبقى الabs شغال

المشاركة الأصلية كتبت بواسطة sonasteel

الفكرة انها متكلبش في الارض
الفكرة انك تعرف توجهه العربية يمين او شمال عقبال ما تقف

المشاركة الأصلية كتبت بواسطة peaceman

العربية تمام يا باشا و ده الطبيعي جدا جدا مع abs

المشاركة الأصلية كتبت بواسطة walidadel

ماهو ده ال abs انك مش هاتتحكم فيها وانتي ماشي \والي لان فكرتك مانع الانغلاق و ده بيتيح لحضرتك المناوره علي سرعات وانت دايس فراكل مش زي العربيات اللي من غيره تلاقيها كلبشت و تيجي تحود يمين او شمال ماتلاقيش استجابه من العربيه
هم كده الصح بتاعه

المشاركة الأصلية كتبت بواسطة mohamedbook

الفرامل سليمة وهو ده الطبيعي عشان تقدر تعمل مناورة بالسيارة

المشاركة الأصلية كتبت بواسطة mohamed.ramah

نظام الabs بصورة اوضح بيتم الاتى فى السيارة :

عند الضغط علي دواسة الفرامل بشكل قوي يشعر السائق بأن دواسة الفرامل تهتز
بسبب ارسال اشارة لجهاز abs عن طريق سلك متصل مع الجهاز بأرسال اشارة الكترونيه الي
كليبر الفرامل لتعمل علي كبح اطارات السيارة بطريقة سريعه ومتتاليه , أفضل من الاطباق دفعه واحد وتنزلق اطارات السيارة

يحكم هذا النظام حجم الاطارات ووزن السياره والكبح المفاجئ وعند المنعطفات الخطره
ويتم ربطها بالحاسب الالكتروني الذي يقوم بتحسس الطريق ومقدار ضغط السائق لدواسة الفرامل
عندما يستشعر الحاسب بان احد العجلات بانزلاق يبدأ عمل جهاز منع اغلاق المكابح الذي يحمي السياره
من الانحراف وايضا يقوم بتنظيم قوة ضغط الزيت الكترونيا بمساعدة مجسات تعدل من قوة الكبح
في كل عجل مع عوامل مثل حمولة في شنطة السياره او وزن الركاب في جهة معينه من السياره ..

بصراحة 100 100 يا رجالة .. مفيش كلمة تتقال تاني