طلمبة البنزين وعلبئة البيئة شوما

**sadzaglol** · 17-08-2011 02:04 AM

لسلام عليكم ورحمة الله وبركاته
ارجو إفادتى حيث ان العربية تحتاج طلمبة البنزين وسألت وقيل لى غير الموتور فقط لان باقى الطلمبة هى بلاستيك وليس لها علاقة بمشكلتك حيث ان العربية فى المشاوير الطويلة وعندما تسخن الاقى نفسي بدوس بنزين وومفيش صوت والعربية سرعتها بتقل واول ما اطفى العربية واشغلها تانى بتمشي كويس وان كل المواتير الموجودة بالسوق هى صينى وحتى لو كان مكتوب عليها كورى فهى صينى
فهل هذة المعلومة صحيحة ؟
وقيل لى ايضا ان موتور طلمبة البنزين بتاع اللانسر والتويوتا تركب على الكيا شوما وهى صناعة يابانى فهل ينفع ام مضروبة ايضا ؟
لان الفرق ما بين سعر الموتور والطلمبة كلها كبير جدا فالطلمبة تعمل اكثر من 750 جنية والموتور لوحدة اعلى سعر لاقيته 120 جنية
والسؤال الثانى بخصوص علبئة البيئة (الشكمان)
يخرج منها صوت مزعج وهناك من قال لى الغيها خالص وهناك من حذرنى من الغائها فارجو افادتى ولكم جزيل الشكر

**roland_yamaha** · 17-08-2011 11:26 AM

خش علي رابطة وحوش السيفيا ياباشا وان شاء الله تلاقي رد لكل اسئلتك

**ahmed_el_gende** · 17-08-2011 01:22 PM

شوف يا باشا فعلا معظم المواتير الى فى السوق مكتوب عليها بوش المانى وهية صينى قدام حضرتك حاجة من اتنين اما انك تجبها استيراد من الحرفيين او انك تدور على متور كورى فعلا انا كت جايب من حلمى سليمان واحد كورى اسمه ديوه بس انا غيرت الطلمبة كلها لان الميكانيكى وهو بيغير القلب قطع الخراطيم لو عايز القلب انا ممكن اقابل حضرتك واديهولك ولو عايز تجبه استيراد انا ممكن اقولك عند مين ودا رقمى ياباشا لو عايز حاجة 0106251598 احمد محمود

**sadzaglol** · 17-08-2011 11:40 PM

المشاركة الأصلية كتبت بواسطة ahmed_el_gende

شوف يا باشا فعلا معظم المواتير الى فى السوق مكتوب عليها بوش المانى وهية صينى قدام حضرتك حاجة من اتنين اما انك تجبها استيراد من الحرفيين او انك تدور على متور كورى فعلا انا كت جايب من حلمى سليمان واحد كورى اسمه ديوه بس انا غيرت الطلمبة كلها لان الميكانيكى وهو بيغير القلب قطع الخراطيم لو عايز القلب انا ممكن اقابل حضرتك واديهولك ولو عايز تجبه استيراد انا ممكن اقولك عند مين ودا رقمى ياباشا لو عايز حاجة 0106251598 احمد محمود

انا شفت الموتور ديوة ولاقيته ميفرقش اى حاجة عن الصيني ومش مكتوب علية بلد المنشأ ولاقيت موتور تانى محفور علية كورى بس الناس كلها قالت ان ممكن يكون مكتوب علية كورى وهو مضروب برضة