-
ربنا يشفيك ويعافيك
ابقى طمنا
تروح وترجع ب 1000 سلامه
بس اهم حاجه خد بالك من تعليمات الدكتور قبل وبعد العمليه
-
تروح وتيجى بالسلامه وطمننا
-
-
مبروك مقدما ان شاء الله.
-فكرتني بأيام لما عملتها من خمس سنين في اسكندرية. كان في بنت بتعملها قبلي وانا هدخل بعدها. البنت خرجت معيطة وعينها حمرااااااااااااااا قومت قولتله شكرا يادكتور خلاص انا غيرت رأيي ومتقلقش هجيبلك واحد صاحبي يعملها بدالي عشان متزعلش.
-المهم اقنعني ان ده بنت ومشاعرها مرهفة لكن احنا رجاااااااااااااااااااالة ومتاكلش معانا ميت عملية. المهم عرف يثبتي وسخني فقولت ماشي. دخلت بقي وتوكلت علي الله وطول العملية بقي كالاتي:
-فالاول بيديك بنج فالعين: انا مش حاسس بعيني يادكتور ده عادي ولا ايه ؟؟؟؟؟
-بعد كدة بيفصل عدسة العين: الدنيا ضلمت ياكتور ده عادي ولا ايه ؟؟؟؟؟؟
-بعد كدة تسمع صوت حاجة بتنزن كدة وهي عملية كي الشبكية فالصوت ده عادي يادكتور ولا ايه ؟؟؟؟؟؟؟؟؟؟؟؟
-بعد كدة تشم ريحة شياط ( ههههههههههه) فيه ريحة شياط يادكتور ده عاااااااااااااادي ولا اييييييييييييييييه ؟؟؟؟؟؟؟؟؟؟؟؟؟
-ونفس القصة عالعين التانية.
بعد العملية عيني مزغللة : دكتور انا عيني مزغللة انتو نصبتو عليا ولا ايييييييه. الدكتور والممرضة اللي معاه ميتين ضحك وبيقولولي بصراحة عمرنا ماشوفنا حالة بالمنظر ده كان فاضل تكة وتقطعلك لسانك عشان تسكت شوية وتسيبنا نركز في العملية.
علي مدار اسبوعين تلاتة بقي تليفون كل يوم عيني لسة مزغللة يادكتور.
هيكتبلك قطرة كدة مسيلة للدموع ( زي بتاعة الامن المركزي بس لغرض طبي ) عشان تخلي العين رطبة لان الليزيك بيجفف العين وهتفضل فترة ( رجل بلا قلب قصدي بلا دموع ). فلازم القطرة ده عشان ترطب العين.
وبعد اسبوعين تلاتة ان شاء الله هتشوف الدنيا بمنظور تاني خاااااااااااااالص وهيبقي عندك احساس ان النضارة لسة علي منخيرك لانك متعود ان الرؤية الواضحة بيها.
طمنا عليك بقي يامعلم لما ترجع ان شاء الله.
-
تروح وترجع بالسلامة أستاذ مصطفى
وابقى طمنا عليك
-
ترجع بالسلامة انشاء الله
بس ماتنساش تديني الشمبر بتاعك القديم
ههههههههه
الله المستعان
،
،
-
أنأعملت العمليه الحمد لله ولسه فى العياده بسرعه لعاية لما ارجع بس قولت اطمنك
-
علي فكرة متعدش كتير ادام الكمبيوتر فالايام الاولي للعملية.
-
أتارى دمياط منورة :d
ألف مبروك ياباشا وترجع بالسلامة ان شاء الله
لو محتاج حاجة قولى وانا تحت أمرك :)
-
انا وصلت البيت ياجماعه الحمد لله الساعه 2 بلليل
قوات اطمنكم بسرعه علشان الزغلله تعبانى شويه
وبشكر استاذ وليد فيصل من دمياط على الواجب اللى عمله معايا هناك
Content Relevant URLs by
vBSEO 3.6.0 PL2