مسافر دمياط انهارده علشان اعمل عملية الليزك ان شاء الله

**ahmed76** · 18-08-2011 11:21 AM

المشاركة الأصلية كتبت بواسطة moustafa_saad

انا وصلت البيت ياجماعه الحمد لله الساعه 2 بلليل
قوات اطمنكم بسرعه علشان الزغلله تعبانى شويه

وبشكر استاذ وليد فيصل من دمياط على الواجب اللى عمله معايا هناك

حمد الله على السلامه يا باشا

**MOUSTAFA_SAAD** · 18-08-2011 03:54 PM

الله يسلمكم كلكم واحد واحد بس مش اقادر اقتبس من مشاركة كل واحد وارد عليها علشان الزغلله اللى بتواجهنى فى الكتابه لانه كاتب فى تعليمات العمليه ان الزغلله دية حتستمر للقراءه والكتابه لمن تخطى سن 30 بمدة اسبوع او اتنين

وعموما انا خليت اختى سالتى لى فى الشركه عندها عن الدكتور وقالولها الدكتور ممتاز وناجح جدا
كل الحكايه الفرق فى المكان والديكور مش الجهاز
المكان فى دمياط فى مول تجارى ملكهم مش فى المهندسين ولاسموحه
علشان كده فرق المكان بيتحمله العميل من تمن العمليه

الحمد لله الدنيا اتحسنت كتير
بعد لما خرجت كان فيه حرقان واستمر عدة ساعات وانتهى بعد لما صحيت من النوم انهارده

الزغلله خفت بنسبة 70% بس موجوده عند الكتابه اكتر والاشياء القريبه لكن من بعيد معقوله جدا

الدكتور ممتاز بامانه خصوصا انه عرف انى باشتكى من حاجات من غير ماقوله عليها
كان عندى صداع فظيع يوميا تقريبا وماشى بمسكنات فى اغلب الاحيان رغم ان كشف النضاره سليم لاقيته بيقولى انت بيجيلك صداع باستمرار وسببه انك شادد عينيك بحواجبك شويه وده بيروح لما تنام علشان كده غمض عينيك 5 دقايق كل ساعتين رغم ان انا كنت باخاف اقول لاى دكتور على الموضوع ده احسن يفيتح عليا فتوحه

نمرتى ياجماعه اهى 0183449294 لو حد عاوز يستفسر عن اى حاجه لغاية لما الامور تتظبط زاستمر معاكم بقوه زى الاول ان شاء الله

**MOUSTAFA_SAAD** · 18-08-2011 05:30 PM

تكلفة العمليه 1982 جنيه
53 جنيه قطرات
30 مضاد حيوى لانى كالن عندى التهاب فى الجفون

يعد رمضان التكلفه 2282 جنيه لانه عامل تخفيض عليها فى رمضان

بيجرى نفس العمليه فى القاهره فى مركز كلير فيجن ب 3250 جنيه يعنى زياده الف جنيه

كان فيه حوالى 30 عمليه امبارح بس مش كلهم طبعه لان فيه دكاتره تانيه بتاجر الجهاز منه

**msafa** · 18-08-2011 05:49 PM

الف حمد الله على السلامة

الجهاز ميكركيراتوم مشرط الكتروني ولاإنتراليز؟

**greenday** · 18-08-2011 06:53 PM

حمد الله على السلامة يا باشا بس ما تحاولش تجهد عينيك اليومين دول بس عندى استفسار هو الجرح بيلتئم بعد ايه وممكن تستحمى او تتوضأ امتى بالظبط

**MOUSTAFA_SAAD** · 18-08-2011 07:02 PM

الجهاز مشرط الكترونى

قالى استحمى واتوضا عادى وانت قافل عينك لمدة اسبوع علشان الميه بتاعتنا ملوثه

**Khaled Online** · 18-08-2011 08:19 PM

ألف حمدا لله على سلامتك يا مصطفى
عامل إيه يا عم وإيه أحوالك؟

**Qmax** · 18-08-2011 09:29 PM

الحمد لله على سلامتك يا استاذ مصطفى

**SHNORY** · 18-08-2011 11:12 PM

حمدالله علي سلامتك يا درش
انا اول ما قريت خبر العمليه فرحتلك وفرحتلنا
قولت الراجل حيرجعله نظره بعد العمر دا كله
واخيرا حفتح اي موضوع وانا متطمن اني مش حلاقيك جواه
بس ربنا خيب ظني
ههههههههههههههههههههههههه ههههههههههههههه
انا بقيت بخاف افتح التلاجه الا الاقيك كاتب حاجه جواها يا مصطفي
بص بقي
انت تقعد اسبوعين تلاته علشان خاطر عينك متبصش في شاشه الكمبيوتر
وشهرين تلاته علشان خاطر عينينا احنا متكتبش حاجه علي النت
والف مليون سلامه عليك يا برنس
ههههههههههههههههههههههههه هههههههههه

-

الموضوع: مسافر دمياط انهارده علشان اعمل عملية الليزك ان شاء الله

LinkBack

أدوات الموضوع

عرض

-

-

-

-

-

-

-

المواضيع المتشابهه

عملية الليزك واحدث الأجهزة واحسن الدكاترة

دكتور لعمل عملية الليزك

عملية تصحيح الابصار ( الليزك)

استفسار بخصوص عملية الليزك (تصحيح النظر)

اية هيا احسن مستشفى فى مصر بتعمل عملية الليزك

الكلمات الدلالية لهذا الموضوع

المفضلات

المفضلات

ضوابط المشاركة