حد يعرف شركة بتبيع اجهزة كهربائية (تلاجة, سخان, تليفزيون ......الخ) بالتقسيط بس غير بي تك و يكون تقسيط مباشر (مش قرض بنك زي كارفور كده)
عرض للطباعة
حد يعرف شركة بتبيع اجهزة كهربائية (تلاجة, سخان, تليفزيون ......الخ) بالتقسيط بس غير بي تك و يكون تقسيط مباشر (مش قرض بنك زي كارفور كده)
ممكن تحاول تعمل كارت بريميوم وده بيقسطلك اي حاجه لحد 10 الاف جنيه من غير فوايد وبيتعاملو مع ناس كتيير جدا مشهورين في كل حاجه من لبس لاجهزه كهربائيه لاساس منزل
عيبه الوحيد ان ف الأجهزه الكهربائيه مش بتاخد الخصم لو في خصم
وبيتهيألى شركة شمس شغالة بالنظام التقسيط ..
متابع
دي حاجه شبه الكريدت كارد بتطلع من شركه اسمها بريميوم وبيديك رصيد لحد 10 الاف جنيه وليهم سلسلة محلات كتييره بيتعاملو معاهم وممكن تشتري من عندهم والشركه بتدفعلهم كاش وتقسطلك انت علي 10 شهور من غير فوايد في مقابل 100 جنيه سنويه وطبعا بتاخد هيا عموله من اللي بشتري من عنده في مقابل انها سوقتله وجابتله عميل اللي هو حضرتك
عيبه الوحيد انك ليك 10 الاف بس يعني لو اشتريت ب 5 الاف النهارده هيتقسطو 500 جنيه كل شهر ويبقي ليك 5 الاف تانين تشتري بيهم وتاني شهر اول ماتدفع اول قسك يبقي كده ليك 5500 تشتري بيهم وهكذا
انا عن نفسي شايفه كويس قوي واشتريت بيه لابتوب وكامير وصندل لما صندلي اتسرق ههههه
طيب مش ممكن انك تشترى بالفيزا وتقسط مع نفسك
ايه ياباشا انت هتتجوز ولا ايه
امال عاوزهم ليه يا كمال؟؟؟
مطلعهم زكاه وحتجهز عروسه ؟؟؟
فيه تلاجه 12 قدم ب500 جنيه عند واحد صاحبي
لو انت مكروش من البيت وواخدلك اوضه علي سطح تذاكر فيها
ههههههههههههههههههههههههه ههههههههههههههههههههههههه
وممكن تفرش كليم فوق كرتونه التلاجه وكام قالب طوب وتعملهم سرير
التالته تابته يا ابو كمال
اضربلك لفه هنا كده
Premium Card
شركه اسمها فريش ( الاهليه للاجهزه الكهربائيه ) كلمهم وشوف
هات رقمهم م الدليل
وهما بيقسطوا مباشر
الناس دي مستقصداك يا ابو كمال
وكل موضوع ينطولك فيه ويبوظولك الموضوع
وكل شويه مسيحنلك علي المنتدي
لازم تتصرف معاهم مينفعش كده
بس تفتكر هما بيعملوا معاك كده ليه ؟؟؟ ياتري ليه :))
A.Yakout
عندك القاهرة للمبيعات عندهم 3 انظمه للتقسيط وعندهم كل حاجات ال جى وده الموقع بتاعهم
CAIRO SALES STORES: EGYPT ONLINE SHOPPING FOR HOME APPLIANCES & HOUSEWARE PRODUCTS. ط§ظ„ظ‚ط§ظ‡ط±ط© ظ„ظ„ظ…ط¨ظٹط¹ط§طھ - Cairo Sales Stores
وعندك محل اسمه البلدوذر فى شارع احمد عرابى بالمهندسين وبشارع الدقى بيقسط تقسيط مباشر برضه
شركة الامير فى شارع السودان بجوار سوريا ناس معاملتهم كويس بتديهم فقط صورة من بطاقتك وتجيب واحد ضامن معاك واعتقد بتجيب مفردات مرتبك انت والضامن وتدفع ليهم القسط مباشرة فى المحل كل شهر بدون بنك ولا حاجة ..
بى تك ارخص سعر وعندهم تقسيط
كارفور وبيقسط تبع بى ان بى وبردو جميل جدا
صادكو ودا اغلى من الاتنين