الموضوع: عاوز اعمل رنين مغناطيسى فى مصر الجديده

السلام عليكم
اخوكم من الشرقيه و مش عارف مصر الجديده كويس
فعاوز اعمل اشعه رنين مغناطيسى فى مركز اشعه يكون فى مصر الجديده منطقه روكسى
عشان يكون جنب الدكتور اخد الاشعه و اروح للدكتور على طول
فياريت تقوليلى اسماء او عنوانين مراكز اشعه فى المكان ده
و لو حد عملها قبل كده يقولى هستملها فى نفس اليوم و لا لا عشان فى ناس قالت اه فى نفس اليوم وناس قالت لا
و يا ترى تكلفتها كام اعمل حسابى فى فلوس كام معايا

المشاركة الأصلية كتبت بواسطة heshamzaky

الرنبن المغناطيسى من 600 الى 900 جنية دة لو بدون صبغة لو بصبغة بيزيد حوالى 150 جنية كمان
الافضل تعملة فى مركز كويس لو الموضوع محتاج تقرير سليم و صح و دة حا يبقى فى كايرو أسكان و مكانة أمام بوابة 4 نادى الشمس مصر الجديدة و بتستلم الاشعة و التقرير تانى يوم مش فى ساعتها و سعرة فى كاير أسكان 900 جنية
مكان أخر فى مستشفى اسمعا مستشفى الدعاة خلف مستشفى هلوبولس مصر الجديدة دة ب 600 جنية بس الجهاز الى هناك مش حلو و التقرير بتاعهم تعبان جدا

شكرا لحضرتك

المشاركة الأصلية كتبت بواسطة axel

بالنسبة السعر بصراحة معرفش كام
بالنسبة المركز فيه جلال مراد في روكسي ده كويس

فين بالظبط فى روكسى ؟؟؟؟؟

المشاركة الأصلية كتبت بواسطة mrbebo

الف سلامة ممكن تروح ده

ظ…ط±ظƒط² ط¯. ظ…ظ…ط¯ظˆط. ظپط§ظٹط² ظ„ظ„ط§ط´ط¹ط©, ظ…طµط± ط§ظ„ط¬ط¯ظٹط¯ط©, ط§ظ„ظ‚ط§ظ‡ط±ط©, ظ…طµط± | ط§ط´ط¹ط© ظ…ط±ط§ظƒط² | yellow.com.eg | 10 ط´ ط§ظ„ط³ط¨ط§ظ‚

جنب الميريلاند ومركز معروف وممكن تستفسر بالتليفون

الف شكر و هتصل اسال كده عشان سمعن اصلا ان انا لازم احجز قبلها

المشاركة الأصلية كتبت بواسطة mesaharaty

مصر للأشعة
بجوار سوبر ماركت مترو - الخليفة المأمون


محترم وجنب روكسى كمان

نسأل الله الشفا

شكرا لحضرتك و ناس كتير قالتلى عليه ان كويس ان شاء الله اشوفه

المشاركة الأصلية كتبت بواسطة أحمد كمال

كده كده الرنين ما بتستلمش النتيجة الا تاني يوم في كل الاماكن اللي عملتها انا فيها .....

شكرا يا استاذ احمد بس و الله و انا عند الدكتور قالى انزل اعملها دلوقتى و تعالى فى مراكز بتسلمها فورى بس انا اللى قولتله لا خليها يوم تانى

المشاركة الأصلية كتبت بواسطة vet.mera

مصر للأشعة فعلا مركز كويس جدا و زوج خالتي كان بيعمل فيه كل الأشعات لما كان بيعمل عملية زرع كبد و استلام الرنين بيكون تاني يوم و لو محتاج تعرف التمن بالضبط انا ممكن اتصلك بالمركز و اقولك

شكرا لحضرتك

المشاركة الأصلية كتبت بواسطة heshamzaky

لو الرنين المطلوب دقيق شوية و ذو أهمية كبيرة لو حا تعملة فى كايرو اسكان برضو بتفرق
يعنى الرنين المطلوب رنين مفتوح و لا رنين مقفول
الافضل فرع كايرو أسكان الى فى برج الاطباء المهندسين و بعدية كايرو اسكان الفرع بتاع مصطفى محود و بعدية كايرو اسكان الى فى مصر الجديدة . الكلام الى أنا كاتبة دة متأكد منة مليار فى المية
و من أحسن الاطباء الى ممكن يكتب التقرير هو الدكتور حشمت جادو بس هو بيبقى مسافر و لو موجود يبقى حظك من السماء الكلام الى أنا بقولة دة لو التقرير المطلوب ذو همية على درجة عالية من الاهمية
لكن لو رنين عادى أعتقد كلة قريب نسبيا من بعضة

رنين على الفقرات القطنيه مش عارف بقى مفتوح و لا مقفول

شكرا لكل الردود بس انا عاوز اعرف هو انا لازم فعلا احجز بالتليفون قبل ما اروح و لا ايه ؟.