عملت وش نظافة والعربية اتخبطط وهيا واقفة فى اول اسبوع فى الكبوت والفانوس !!!!!!!!!!!!

دولوقتى ياجماعة انا لسة مطلع العربية من وش نظافة رشيت كلة معادا السقف
والعربية اخدت خدمة صح واستخدمت بوية المانى والعربية طلعت احلى ما كنت متخيل
الحمد لله رب العالمين وكنت اخدت العربية قبل اللمعة الاخيرة خالص عشان اقفل سروجى وبجرايد واكر وقفلت العربية تمام التمام واتفقت معاة اسبوع اروحلة يدينى اخر لمعة بقى مع انها واللهة مكانت محتاجة ......................... كل اللى انا قلتة دة كلام جميل مع انى طولت عليكم شوية فى التفاصيل.

نيجى فى الجد بقى فى نص الاسبوع كدة كنت ركنت فى وسعاية عندنا بركن فيها وكان قدامى عربية نقل تقيل مرسيدس اللى الكابية عالية وانا ؤاكن بين وش عربيتى ووش النقل مترين ونص تقريبا...
اجى تانى يوم الاقى من فوق الفانوس لحد شبر وشوية كدة من الكابوت ومقوس والفانوس اتجرح واتكسر من عند قواعدة طبعا حزنت جدا جدا قومت مغطيها تانى ومروحتش الشغل من كتر حزنى وطلعت نمت نزلت للسمكرى ظبت الكبوت وبعدديها بيوم رحت لواحد بيصب شغل فيبر رجعلى قواعد الفانوس زى الاول بس لون الفبر اللى استخدمة اسود روحت روحت وركنت وقولت اروح تانى يوم للبوهيجى عشان يبص لو هيعدل على حاجة على السمكرى فرشت الغطا وطلعت نزلت كانت المفاجئة التنية حد حاكك الالكصدلم من ورا من عند بومبية الجنب اليمينوشايل البوية ومخليها على الفبر الاسود كنت وقتها هتجن روحت للبوهيجى وانا فى حالة نفسية غريبة اول ما شفها حسيت انة حزين على شغلة وعلى اللى اتعمل معايا قالى وقفها وهرجعهالك زى الاول ان شاء الله .... قام مصفى عند شغل السمكرى والاكصدام ورا وممعجن وظبت معجون ورجعنى للسمكرى اعدل حاجة والعربية حاليا متمعجنة فى بومبية الاقصدام ومكان الخبطة وعلى تصفية المعجون وبكرة هركب الفانوس ,,,,, اية رايكم فى اللى انا فية دة ؟؟؟؟؟؟؟؟؟؟؟؟؟؟؟
المهم انا كنت فاكر انة هيرش نكان ماهيصفى المعجون وفيلر ويرش الرقعة دى طلع لازم الكابوت يترش كلة والاقصدام يترش كلة عشان ترجع ميا واحدة ...
هل الكلام دة صح ولا اية؟؟؟؟؟؟؟؟؟؟؟؟؟؟؟؟؟؟
انا اسف طووووووولت اوى عليكم جدا بس فضفضت معاكم وانتم اكيد هتدلونى على الصح واخد ارأكم .....
بكرة هنزلكم كام صورة كنت مصورهم للعربية قبل الخبطة وتقولولة ايه رأيكم وان شاء الله هترجع زى ماطلعت بعون الله ودعزتكم معايا ببقى ربنا يحفظنى من كل حاقد حسود .

عين عين عين وخلي بالك ما حاسد المال الا اصحابه
(ولولا اذ دخلت جنتك قلت ماشاء الله لاقوة الا بالله)

اقتباس:

---

المشاركة الأصلية كتبت بواسطة waelfarid

عين عين عين وخلي بالك ما حاسد المال الا اصحابه
(ولولا اذ دخلت جنتك قلت ماشاء الله لاقوة الا بالله)

---

ادعبلى ربنا يبعد عنى عيون الناس والله خلاص حرمت اركن فى الشارع خلااص من اول ما بنزل لحد ما العربية تمشى لازم كام جثة تنحة يفضلوا متبعينك وعنيهم معاك لحد ما تمشى ...
مع انى مش راكب زيرو يعنى وفية عربيات عندنا احدث من بتاعتى وزيها مش عارف بيقابلهم نفس الناس دى ولا لأ والله كنت افضل طول مل انا واقف امسح واسخن اقول كل اغود برب الفلق دة من زمان قبل ما ارش العربية .
هو فعلا ما يحسد المال الا اصحابة ...... اى نعم انا كنت مبهوور وفرحان ان العربية رجعت جديدة بس كنت دايما لماابص عاليها او اى حاجة عجبتنى اشوفها مش بتعتى بقول بسم الله ماشاء الله ربنا يحرسها ويدومها نعمة ويحفظها من الزوال .

32 مشاهدة ومفيش غير انسان محترم هو اللى فدرنى الله يباركلة
ياجماعة ممكن تتفاعلوا معايا شوية عشان الموضوع مضايقنى .

قول حسبن اللة ونعم الوكيل

اللي يخاف من العفريت يطلع له هي الناس كدة ميرتاحوش الالما يبقو باصين للي في ايد غيرهم محدش بيبص للي في ايده بس وانت معدي قول لهم السلام عليكم يمكن نارهم تهدي وتنطفي شوية وبعدين ممكن يكونو معاهم وعندهم اكتر من اللي عندك بس تعمل ايه في جوع النفس البشرية واشكرك علي ذوقك معلش محدش فاضي يشارك صيام بقي كله بيتفرج بسسسسسس ومتحطش في بالك

الحمد لله على كل شىء واهى شوية وارش الكابوت تانى والاقصدام اللى ورا بس همشى بيهم شوية بالمعجون
وشكرا لمشاركتكم

اعمل زى عشان انا حرمت :ok: ... سيبلك خربوشين تلاتة عشان تخزى العييين :khd: ... امال لو الواحد معاه ب م كان العيون دى عملت ايه فى الواحد "أعوذ بالله" :pirate14:

والله يا باشا دية العين

احنا زمان كان عندنا فيات 128 و كنا لسة عاملينلها سمكرة و دوكو و كانت طالعة عروسة و كان لونها ابيض و كانت اكصدامات جديدة و كانت بجد رجعت جديدة

اول يوم عربية من بتاعت الشادر دية الى شايلة الكراسى وقعت كراسى عليها و طبعا اتبهدلت :(

فا هوة كدة لازم العربية تاخد العين للأسف :( ربنا يباركلك فيها و يحفظهالك

اقتباس:

---

المشاركة الأصلية كتبت بواسطة yahiatnt

اعمل زى عشان انا حرمت :ok: ... سيبلك خربوشين تلاتة عشان تخزى العييين :khd: ... امال لو الواحد معاه ب م كان العيون دى عملت ايه فى الواحد "أعوذ بالله" :pirate14:

---

+111111111111111111111111

انا لما جبت عربيتى والله كان بيحصلى حاجات مكنتش بتحصل حتى فى افلام السينما و منجنيش من العيون اللى تندب فيها رصاصه دى غير طبعا المعوذتين بقى و انت ماشى و انى سبت نقرتين كده و و خرابيش فى العربيه عندى :tumb: الموضوع هدى بس كل بقى ما اعمل حاجه جديده يعنى ممكن فى يومها تلاقى اى حاجه تعكنن على الواحد :N_no[1]: بس الحمد لله قدر الله و ما شاء فعل:grin21:

أرمى السلام على كل من فى الشارع و ثق فى الله وحاول تذكى كتيير وتطلع صدقة

قدر الله و ما شاء فعل

قدر الله وماشاء فعل بص يا باشا انت رديت الكبوت وعملت الاكصدام ومعجنت وتمام سيبها بقى كدة ملطشة شوية وروح وتعالى بيها ومتغطهاش لما تركنها خالى الناس تهبط شوية

ثانيا فعلا كلام بتاع الدوكو صحيح لازم الكبوت كلة يترش والاكصدام كلة يترش عشان يبقى مية واحدة

معلش يا باشا انا و الله من ساعة ما جبت العربية زيرو و يوم الترخيص الصبح الواحد اللى جاى علشان يسوق العربية حكها فى عمود نور و بعدها نقرتين فى الباب الشمال و الغطا اللى لسه جيبه جديد واحد مستلمنى عمال يقطع فيه لدرجة ان كله خياط بدون مبالغة و بعدين نقرة فى الكبوت و اخرها حكت فى نصف نقل فى مكان ضيق و الحمد لله على كل حال