ببساطه استفسارى عن الحجات دى
الرينج كام و ايه الى اتوقعه
ممكن مساعده علشان مقلق شويتين تلاته اربعه
عرض للطباعة
ببساطه استفسارى عن الحجات دى
الرينج كام و ايه الى اتوقعه
ممكن مساعده علشان مقلق شويتين تلاته اربعه
1- المهر ده حسب المكان و المنطقه و الاتفاق
يعنى انا اعرف ان فى اسكندريه تقريبا العريس بيدفع مهر 30 او 40 الف و العروسه بتجيب كل حاجه
عندنا فى الشرقيه مفيش مهر اصلا الموضوع بيكون بالاتفاق العريس هيجيب كام اوضه و هى هتيجيب مش عارف الاجهزه الكهربائيه و كده يعنى
2- الشبكه زمااااااااااااااااان من كام شهر كده كانت بتبقى بالجرام و بتكون فى حدود 80 الى 100 جرام انا بتكلم عندنا و فى الوسط المحيط بيا بس بعد السعر الغريب للذهب ده اصبحت بالفلوس تقريبا من 15 ل 20 الف
3- المؤخر ده بالاتفاق تقريبا برده من 15 ل 20 الف
الموضوع بيبقي بالاتفاق يعني مثلا تدفع المهر و العروسة تجيب
ياما بيبقي بالنص بينكم يعني كل واحد فيكم اوضتين واحدة تقيلة و واحدة خفيفة ع حسب بقي
و حاجة المطبخ طبعا بتبقي ع العروسة
الشبكة ع حسب هتجيب شبكة ايه يعني فيه ناس تقول شبكة متقلش عن 3000 الالاف جنيه فيه بيقولوا اكتر و انت تجيب برده في المتوسط
و المؤخر كذلك بالاتفاق
لأن دلوقتي الليلة كلها بتبقي بالاتفاق بين الطرفيين عشان الاحوال المادية و ده بقي يعتبر العرف السائد
و يفضل تخلي كتب الكتاب و الشبكة و الدخلة في يوم واحد
و حاول متفتحش صدرك اوي و انت بتكلم يعني اتكلم في المتوسط و المعقول عشان محدش يطمع و في نفس الوقت عشان متصرفش كتيير لأن برده لسه فيه فرح و مصاريف
و المفروض ان اهل العروسة بيشتروا راجل يعني الفلوس متأثرش في المعاملة الا لو داخلين ع طمع بقي
مهو يا ريس ده ع حسب اللي مقدرتك و اللي هتجيبه يعني مقدرش اديك المتوسط من دماغي يبقي انا كده بضحك عليك
يعني مثلا انت مقدرتك 5000 جنيه بالكتيير اوي للشبكة مش معقول هتوافق تروح تجيب شبكة بــ10 الالاف و انت مقدرتك كده
فكله ع حسب مقدرتك و الكلام بيبقي اخد و عطا و اتفاق بينكم انت و اهلك و اهل العروسة
و لو الناس شاريينك مش هيدقوا اووي يعني هيبقوا عايزين حاجة معقولة و كويسة لبنتهم
و زي مقولت لما تكلم متكلمش و انت فاتح صدرك اوي و اجيب و اجيب و الا هتلاقي نفسك اتكلفت يجي 100 الف و اشرب يا ريس و انا مش مسئول ههههه
يعنى حسب المستوى برضه بس المتوسط و الى يعتبر كويس هتبقى من 10 لحد 15 الف
وممكن تقل طبعا عن كده كمان
انما الزيادة فملهاش نهاية بس الى تستاهل و الامكانيات المتاحة و وضع العيلتين و حوارات جانبية اقرب للمنظرة هى الى بتحكم العملية فى الحالات العالية اوى