-
احسن مركز خدمة c4
أنا عاشق للسيارة ستروين وبجد اللى حببنى اكتر فيها مهندس ( ا/غ) لانوا بجد احسن واحد بيفهم قابلته فى حياتى
وعن تجربة علشان محدش يفتكر انى ببالغ حصل لى موقف انى غيرت البطارية عند مبروك غطاطى وبعدها بيومين السيارة كل الانوار ظهرت والباور فصل والعربية وقفت منى فى شارع الهرم زى الطوبة واتصلت بخدمة السيارات علشان ارفعها ورحت بيها عنده والعربية مابتحطش منطق
عارفين بعد ساعتين كلمنى وقالى العربية تمام واخد منى رقم اقل من اللى دفعتة لشركة انقاذ السيارات . والله العظيم ده حصل بجد
وليكو انتوا تحكموا لو انا رحت بيها لعز العرب كان خد منى كام الف؟؟؟؟؟؟؟؟؟؟
وانا فى الخدمة لو اى حد عندوا اى استفسار بخصوص ال c4
-
تسلم ياباشا ربنا يجازيك خير
-
تقصد احمد غلوش صح بس ده بعيد عن الهرم
بالتوفيق وايقى كلمنا عن تجاربك مع مركز الصيانة والعربية
-
تمام هو ده ....
بس على راى المثل علشان الورد ...هههههه
انا بروح من الهرم لحد عندو لانوا احسن واحد اتعاملت معاه ... امين ... محترم ... والاهم انوا بيفهم
-
الله يكرمك يا صديقى وبجد لو انت محتاج اى حاجة ابعت لى وربنا يقدرنى انى افيد
-
لو حصل إنك مثلا ماشى بالسيارة ونور تلوث البنزين نور والعربية قطعت منك تعمل ايه؟؟؟؟
اولا اركن على اليمين واقفل كل حاجة مشغلها .. تكييف ... راديو
ثانيا بطل السيارة ...وأصبر دقيقة ودور تانى . لانه فى الغالب فى قذارة كانت فى البنزين
ثالثا دور السيارة وامشى باذن الله مش هاتقف تانى
ولو النور فضل زى ماهو امشى بيها شوية لحد ربع التنك ما يفضى وادخل حط بنزين تانى
وان شاء الله تكون المشكلة اتحلت
-
يا جماعة انتو قاعدين تشكرو في المهندس ده ومحدش قال مكانه ولا رقم تليفونه
-
مكانه فى جسر السويس ولو انت عاوز تعرف اى حاجة عنه كلمنى علشان انا قبل كده كتبت عنوانه ورقمة وقفونى اسبوع
على العموم رقمى انا 0160002555
كلمنى فى اى وقت
-
أناكلمت م/أحمد علشان كنت محتار بين 3 عربيات اتنين منهم فرنساوى(ستروين سي 4-ميجان- بورا)
المهم الراجل كات زوووووووق جدا ورد على كل أسألتى و ماشاء الله عليه في رده على كل الأسئلة وان شاء الله لو ربنا كتبلى واشتريت العربية هروحلوا وقولكم على كل حاجة
,انا واحد والله مليش مصلحة فى أي حاجة مجرد حد بيدور على مكان صيانة كويس و بسعر كويس و عاوز أفيد الناس وأبقى أيجابى
-
يا استاذ/ محمد
انا عاوز اقولك ان اللى انت سمعته نصف اللى اللى انت هاتشوفه لانوا بجد احسن مركز خدمة للسيارات الفرنسية بجد
وكفاية انك تتعامل مع واحد بيراعى ربنا فيك
-
أنا لسة راجع من عند المهندس أحمد لأنى كنت بكشف عنده على عربية كنت هشتريها و قابلته شخصيا ودار بينا حوار كبير أبتدا من أول رضاء أصحاب السيارات عن مراكز الصيانة وتعاملتها لغاية ثقافة السوق المصري في أختياره لعربيته وخصوصا موضوع ظلم العربيات الأوربى وبردو كان في نقاش بينا كبير على الرينو ميجان ومشاكلها وخبرات العملاء أصحابها الحوار كان كبير لغاية مالعربية الى كنت هشتريها جت( قدر الله وماشاء فعل)
ابتدا كشف على البودي من بره و ماسبش فيها حاجة و ندا كمان على صنايعى تانى عندو بتاع سمكرة ودانى النتيجة ان العربية فابريكة من برة بس الأكصدام اتفك قبل كدة
وبعدين شغل العربية وقعد فيها 10 دقايق بص على لمبات التشيك وبص على حالة العربية من جوه فرش و تابلوه
وقالى لغاية دلوقتى كله تمام
وخلاجنا نجرب العربية وفجأة قالى العربية دي فيها مشكلة الفتيس بتاعت 2006 والعربية فيها قاعدة متور وقاعدة فتيس والعربية دي شكلها عامل كيلو متر كبير بغض النظر عن حالة البودى
وزعلت شوية كدة أو تقدروا تقولوا أتصدمت لأن صاحب العربية شكلوا راجل محترم ومش كداب ويمكن أضحك عليه من صاحب العلابية السابق(هو تانى يد) لما لاقنى كده حب يهون عليا شوية وقالى: أحنا بردوا هنكشف عليها بالكومبيوتر عشان نتأكد بردو قلت ماشى
وفعلا الكلام اللى متوقعه كان صحيح وطلعت العربية دخلت توكيل و عمات الصيانة 16 مره(والصيانة تتم كل كم15000)
وهنا قالى العربية مش وحشة بس أنا منصحكش بيها
خبرتى من الموضوع بقى ان الراجل ده شاطر و كويس و محترم جدا و كمان كان زكى في رده على صاحب العربية و قال علىالى في العربية من غير مايحرج صاحب العربية او يهينوا
لي ملاحظة على المكان المفروض أنوا يهتم بيه شويه وخصوصا مكان الملاء بس أنا عن نفسى مش هاقعد غير فوق راس اللي بيشتغل :) وبردوا أخدت فتره للغاية ماوصلت للمكان علشان اليافطة مكانتش واضحة
بالنس
دي كانت تجربتى فى شراء عربية ِ وعلى سى 4 وكانت تجربتى مع مهندس شاطر وفي حاجة كمان أنا بشجع انك تشترى عربية أوربى علشان لما بتيجى تكشف عليها بتعرف كل كبيرة وصغيرة ةبالتفصيل ومن غير فتى أي حد
وبالتوفيق للجميع
Content Relevant URLs by
vBSEO 3.6.0 PL2