السلام عليكم وكل سنة وانتو طيبين
عايز ياجماعة اشيل فارش الارضية الموكيت اللى فى الانوس وانظفة هو و السفنجة اللى تحتة وكمان بالمرة اركب فرش جلد وكمان عايز اركب فرش جلد للابواب ياريت لو فى حد عمل الموضوع دة يقولنا ويفدنا ويحكلنا تجربتة بالضبط وشكرا
عرض للطباعة
السلام عليكم وكل سنة وانتو طيبين
عايز ياجماعة اشيل فارش الارضية الموكيت اللى فى الانوس وانظفة هو و السفنجة اللى تحتة وكمان بالمرة اركب فرش جلد وكمان عايز اركب فرش جلد للابواب ياريت لو فى حد عمل الموضوع دة يقولنا ويفدنا ويحكلنا تجربتة بالضبط وشكرا
زميل لينا مش فاكر اسمه عمل الموضوع ده عند جينس كار الي اعلانه علي المنتدي بس مش فاكر هوا مين والاسعار كانت كام
السلام عليكم ورحمة الله وبراكاته
انا معايا نوبيرا وكنت عملت فرش للارضيه والشنطه والابواب بس الابواب معملتهاش كلها عملت بس الجزء البيضاوي الي بيكون قطيفه بس شكله جميل والسروجي ما شاء الله شغله تمام
بالنسبه للجلد كنت جبت جلد امريكي المتر ب 20 العربيه بالشنطه اخدت 5 متر والابواب 1 ونص جلد الماني طري المتر ب 25 وعلبتين لزق لجلد الابواب الواحده ب 10
بالنسبه لمصنعية السروجي تفرق من شخص للتاي السروجي اخد 100 وقلي انا عامل معاك واجب عشان موش اول تعامل .
نصايح سريعه تخلي بالك منها
لما تيجي تنضف الارضيه يعني بعد ما تشيل الموكيت والاسفنج خلي بالك بيكون فى طبات كوتش مدوره ا فى الارضيه قفله فتحات فى ارضية العربيه متفكهاش او لو حبيت تغسل فكهم بس خليهم معاك لان الطبب دي موش موجوده انا كنت دخت عليهم
تاني حاجه لما السرجي يشتغل خلي بالك ان ايده تكون خفيفه على الفيبر لانه بيكون كبس على بعضه وبيكون فى مسامير مثبته الفيبر فى اماكن معينه والباقي كبس على بعضه
تالت حاجه لما يجي يفك فرش الابواب فى كلبسات للابواب خلي بالك برده يكون منظم ومفيش كلبس ولا مسمار يضيع وبعد ما يخلص يشبط الفرش فى مكانه كويس عشان لو موش راكب صح هتسمع اصوات
اخر حاجه بس دي حصلت لواحد صحبي اتأكد انه ربط الكراسي فى مكانها صح وحرق عليهم كويس عشان واحد صحبي راح فك الكراسي يركب كسوه والصبي نسي يحرق على الكرسي الكرسي كان بيلق فى مكانه لحد وبيدوس بنزين الكرسي خده واتقلب على الكنبه الي ورا لولا ستر ربنا كان معاه واحد
شد الهاند ولحقه
بس دا الي اعرفه ظبط كدا وابقى عرفنا عملت ايه بس بجد فرق شاسع فرش الارضيه والاخطر كما فرش الابواب بيخلي شكل الباب جامد
تقبل مروري
نسيت اقلك ان زمن التركيب كان 3 ساعات
واخر حاجهه الفرق فى تنضيف العربيه الجلد مريح فى التنظيف عن الموكيت لانه موش بيشرب الاتربه والرمل ويفضل ما سك فيها ويعمل ريحة تراب فى العربيه وتفضل تجري بالمكنسه فى الارضيه وبرده موش نافع الجلد تمام فوطه مبلوله وخلص الحوار وفى معطر كدا زي بتاع الطبلوه بيترش على الجلد بيلمعه وبيخلي العربيه ريحتها تمام
الف شكر على اهتمامك ومعلوماتك الرائعة دى
بس ياجماعة مفيش حد عمل الموضوع دة فى اللانوس ويكون عملة بنفسو لانى ناوى انا اللى اعملة بس المشكلة فى الوقت وبعدين حاسس ان هيقبلنى بعض المشاكل ومنها
1- ان فرش الارض كلة قطعة واحدة يعنى عشان اشيلة اعتقد انى لازم اقطعة من تحت التبلوة امام الفتيس
2- فى بعض الفبر انا مشلتوش قبل كدة فا مش عراف هيكون فى مشاكل ولا لا
3- خايف جدا من انى بعد ماشيل فرش الباب والزق الفرش الجلد ميكونش مظبوط علية خاصتا ان الباب فية دورانات كتير فممكن الجلد يكون متنى
فياريت لوحد حد جرب اى حاجة يفدنا
وشكرا
ممدوح جرب في باب واحد وكسل علي باقي الابواب اسئله وهوا يدلك
شوف
عشان تعمل فرش للارضية جديد لازم صنايعي -- نفس الشئ فرش الأبواب
مش ح ينفع تفصل انت فرش جديد-
لكن اللي ممكن تعمله بايديك وانا عملته بنفسي أنك تفك فرش الارضية بره خالص وتنظفة زي سجادة البيت- سواء في مغسلة او تحت السلم- اللي يعجبك- وبعدين ركبه تاني - ح تلاقي العربيه فرقت كتير جدا جدا من جوه من حيث الرائحة والنظافة.
عموما جرب واحنا معاك.
طب هو انت لازم تشيله منتا ممكن تركب الجلد فوق الموكيت اللى عندك
شوف ده
http://www.nilemotors.net/Nile/210607-a.html
متابع باهتمام شديد
بس يا ريت حد يدلنا على مين ممكن صنايعى كويس يعمل الشغل ده
و خاصة ان انا كان عندى تسريب من ماكينة الباور فى ارضية العربية و ملى الارض زيت فلازم اشيل الفرش و اغير الاسفنج اللى تحته